عرض للطباعة
يااخوان انا مسافر الثلاثاء ان شاء الله خط بالسيارة ومعاي اكورد 2009 ومامشيت بالسيارة كثير لاني كنت مسافر ..
الزبدة انا قلت خلني اروح اشيك على الكفرات رحت كذا محل بعضهم قال كويسة سافر فيها وبعضهم قالوا انها مشمسة شوي .. وانا محتار مدري اغيرها والا لا ...؟
واذا بغيرها وش أفضل نوع ..؟
تكفون مابقى شي على السفرة ابي شوركم ..
غير واتكل على الله من 2009 الى الحين طولت وحتى لو كنت موقف السيارة
تبي نصيحتي غير ولا تتردد لان واحد من اخوياي اشترا يوكن استخدام من صاله وقالوله الكفرات 100% وسافر وانفجر عليه كفر وانقلب ولله الحمد عدت سلامات
اما بالنسبه للكفرات تلاقي هنا مواضيع كثيره عن الكفرات
السلام عليكم ورحمةُ الله وبركاته
حياك الله اخوي فهد
تروح وترجع بالسلامه ان شاء الله
بخصوص الكفرات
ان كان بغيت عمر طويل للكفر
فـ ركّب لك كفرات ميشلان
اما اذا بغيت صوت هادي في الخط لكن العمر اقصر بشوي
فـ ركّب لك كفرات بريجستون تورانزا 80
اقتباس:
المشاركة الأصلية كتبت بواسطة kakashi-san
هلا اخوي يوسف ،، الله يسلمك ياخوي ,,
بالنسبة لي انا صوت هادي في الخط بس الكل يقولي خذ بريجستون تورانزا ..
صح نسيت حبيت اشكرك على شاشة ستيل كول بصراحة روعة ماتقصر اخوي يوسف .. واسفين على كثرة الأتصالات :d
:dاقتباس:
المشاركة الأصلية كتبت بواسطة حبي
شورك وهداية الله ،، نغير الكفرات نغير الكفرات :d
بأنتظار افادة باقي الأعضاء ..
????????????????????????????????
ركب كفرات برجستون الصراحه ابداع لابعد الحدود
انا مركبها على سيارتي اكورد 2006 وصارلي تقريباً 6 شهور مركبها والحمد الله مرتاح لابعد الحدود
راسيه , ثابته , مافيها صوت , الحمد لله ما بين فيها اثر مسح , كل شهرين اسافر فيها الكويت وقطر والبحرين مافيها اي عيوب الحمد لله
وبالتوفيق ....!
أخوي بغض النظر عن نوع الكفرات
أنا أنصحك تلعب على المضمون و تغيرها
لأن هذي مسألة سلامة اولا و اخير
الله يوفقك و تروح و ترجع بالسلامه ان شاء الله
-
بالنسبة للتغيير .. اتوكل على الله وغيّر .. السلامة أهم شي ..
وبالنسبة للنوعيه .. صوتي يروح لـ بريجستون أو ميشلان ..
بالتوفيق ان شاء الله .. وبالسلامة يارب ..
هلابك اخوي
غيرها وتوكل على الله حرارة الصيف والله ماترحم اهم شي سلامتك يالغلا
تروح وترجع بالسلامة اخوي
السلامة قبل كل شي
وانصحك بكفرات بريجستون
ثبات ،، هدوء ،، قوة تحمل
:cool: