المسجل وعداد الطبلون والانوار تطفي وتشتغل باقل من ثانية

السلام عليكم
اخواني عندي مشكله بالاكورد 2006

المشكله : يطفي المسجل والمكيف والانوار فجاءة وترجع تشتغل بسرعه !!!!!

مريت صناعية حايل ولا احد فادني بشي ):

احد عنده خبرره او افاده لاتبخلون علي

اخوي حلك عندي وانا بو هندي افتح الكبوت وروح حق اصابع المكينة وفكها وصب عليها ببسي ونظفها بفرشاة اسنان وبعدين ركبها وشد عليها وانتبه حق كلمة شد عليها وبعدين اركب السيارة وضبط الساعة وشغل السيارة وبعدين شغل المسجل على بو نايف خذ ماتبي بس اترك القلب يرتاح هع

اقصد اصابع البطاريه هع

مشكلتك بسيطه جدا

نظف أصابع البطاريه ( فكها ونظفها زين ) ثم شد عليها مضبوط

بعد فصل البطاريه راح تحتاج تبرمج القزاز الأوتوماتيك و توّقت ساعة السياره .. وطريقتها سهله جدا ولا تبي شيء


إذا تبي تنظف أصابع البطاريه بشكل ممتاز جدا ومثل الطريقه اللي ينصح بها كتالوج السياره

اشتر بيكربونات الصوديوم من بنده أو كارفور بـ 1.5 ريال علبه صغيره + فرشة أسنان نظيفه + ماء دافي أو حار شوي

http://www.3roos.com/files/ups/2010/...1287931587.jpg

خذ شوي من بيكربونات الصوديوم ( ملعقه أو ملعقتين ) وحطها بكاس فاضي وصب عليها شوي ماء دافي أو حار شوي ... وحرّكها زين

ورح للسياره وغطس الفرشه بالكاس وخذ من بيكربونات الصوديوم وأفرك أصابع البطاريه والأسلاك

ثم أغسل الأصابع والأسلاك .. و امسحها بقطعة قماش نظيفه ورطبه .. ثم نشفّها بمنديل أو قطعة قماش ناشفه

وركبّها على البطاريه وشدهّا زين


ملاحظه :

بيكربونات الصوديوم تختلف اختلاف كلي ... عن الباكينج بودر
يعني ترى الباكينج بودر ما ينفع أبد لتنظيف أصابع البطاريه


البيبسي والخ... مليان سكر واذا نشف مثل الدبس .. وأعتقد راح يؤثر على التوصيل بشكل سلبي

أفضل شيء الطريقه اللي قلتلك سابقا ( ينصح بها كتالوج السياره ) ولا يكون فيه بقايا وسخ أو سكر

و بعد ما تنشف و تنتهي من تركيب كل شيء .. تقدر تشحم شوي أصابع البطاريه من الخارج

أنا ما أستخدم الشحم .. لكن عندي بخاخ خاص للبطاريه ترشه بعد الإنتهاء من التنظيف صناعته امريكيه وأصلي .. تلقاه عند ساكو

يحافظ على اصابع البطاريه والأسلاك ولا يصير فيه أكسده أو بودره ... فقط غبار يتجمع بشكل خفيف على اصابع البطاريه بعد كم شهر ولا يضر عادي

http://ecx.images-amazon.com/images/...nL._SY300_.jpg

http://www.permatex.com/products-2/p...-sealer-detail

https://www.youtube.com/watch?v=Sn7BHBGY5xQ

بيض الله وجيهكم

لكن يآآخوان اعتقد لو كانت المشكلة من اصابع البطاريه كان الساعه تخبط لما تشتغل ،،،، المحيرني انه الساعه تطفي وتشتغل وتم ع نفس الوقت !!!!!

ياقلبي الساعة تحتاج اكثر من هالوقت عشان يصير لها ضبط من جديد ترى الشغلة تصير باجزاء من الثانية وبعدين انت مو خسران شي سويها واذا ماضبطت اعطيك الهنادي الي عندي صح قديمة بس مدلعها موديلها 2004 هع

البطاريه
هذي مشكله دايم تصير بالهوندا
واخوانك مجربين مافتوك من فراغ
بالتوفيقق

الكهربائي يقول احتمال الظفيرة اهيء اهيء اهيء

ديربالك
روح للوكاله افحص الكمبيوتر لحد يلعب عليك

ولعت لمبة الحساس حق المكينه

ياخي جرب الحل الي قلت لك عليه لانها كانت تصير معاي وبعدها ضبطت ترى ماتاخذ معاك عشر دقايق ولاترى ثاني مرة اقول على حل خلاص انا زعلان ولاعاد تكلمني هع

اقتباس:

---

المشاركة الأصلية كتبت بواسطة عشق السراب

الكهربائي يقول احتمال الظفيرة اهيء اهيء اهيء

---

اقتباس:

---

المشاركة الأصلية كتبت بواسطة عشق السراب

ولعت لمبة الحساس حق المكينه

---

المشكلة مو من الظفيرة
المشكلة من البطارية

نصيحتي غير البطارية وارتاح
لأنه صارت معي من قبل الساعة والمسجل والانوار يطفي والام بي ثري كلها تطفي ثانية وحدة وترجع طبيعي وتكرر خصوصاً اذا ماسك خط
بعدين كتبت في المنتدى وواحد من الشباب جزاه الله خير نصحني بتغيير البطارية
وغيرتها وارتحت منها

نصيحة مجرب