السلام عليكم ورحمة الله وبركاته
.
.
لاحول ولا قوة الا بالله... والله اني مصدوم يا أخوان
بعد ماعرفت بعض المعلومات عن الزيوت شي يقهر شي يجيب الهم تعرف أن الدنيا ماشية بالنصب والدجل والوهم
ماقدرت اسكت قلت لازم اكتبها لين متى ينضحك علينا
ماودي أقول أكبر كذبه بالعالم زيوت السيارات ولكن ودي أقول أن أكبر طمس للحقيقة وتغيب للمعلومة
المشكلة الاكبر أن المعلومات موجودة لكن من يقراء ومن يحلل هذه المعلومات
الموضوع كبير ويحتاج قراءة عطني من وقتك ثواني وبأذن الله ماراح تخسر
راح تشعر بالقهر مثلي أكيد ولكن باذن الله راح ترتاح مستقبلاً أول شي لازم نعرف كم معلومة عشان نبداء بكشف الحقيقه
.
.
أولها اللزوجة الي يعمل فيها المحرك في درجة الحرارة الطبيعية
وهي حسب أكبر شركات المحركات يقولون المفروض ماتقل عن 10 من واحدات CTS وحدة قياس اللزوجة
وأكبر محطات توليد الطاقة ومحطات التحلية وشركات صناعة المحركات العملاقة تعتمد
هذا المقياس كحد أدنى ومنها شركة فراري لاحظ كحد أدنى في الحرارة الطبيعه
وطبعا لهم تحليل للزوجة ويعرفون متى يغيرون الزيت بالنسبة لمحطات الطاقة
وتحلية المياة والمصانع
أقل من 10 CTS يغير الزيت أكثر معناها في السليم طبعا في الحرارة الطبيعية
مو في القيض والحر بيكون الرقم أقل بكثير طبعا مقياس اللزوجة يفرق حسب درجة الحرارة
مثلا كاسترول 50-20 كمثال لافضل الزيوت وتقريبا كل الزيوت بهذا العيار نفس النتائج والفروق بسيطه
في درجة حرارة 100=19 CTS في الحرارة العالية مو الطبيعية لاحظ
يعني في درجة حرارة 40=170 CTS
يعني لزوجتة ممتازة وأكثر من المطلوب بكثيررررررررررر وحتى مع درجة حرارة بلدنا يعتبر أكثر من المطلوب
عشان كذا تلقا السهم في كتيب السيارة بالنسبة للحرارة واللزوجة ماله نهايه خخخخخخخخ
مهما كان نوع الزيت ولزوجته
http://i52.tinypic.com/epi1as.jpg
يعني مافي مشكلة للزوجه فيما يخص الحرارة راح تكون مقبولة في كل الزيوت
لاحظ كل الزيوت !! طيب وش رايكم
أن هالزيت يحقق الهدف http://www.assayyarat.com/forums/ima.../main/blue.gif
http://i51.tinypic.com/se8136.jpg
افاااااااااااااااااا انصدمت
في درجة حرارة 100=15 CTS
في درجة حرارة 40=140 CTS
يعني أكثر من ممتاز وصادق من كتب بريميوم فورميلا يعني التركبية الممتازة
أه ------- يا أيام الصدق http://www.assayyarat.com/forums/ima.../main/c038.gif
وللعلم زمان كانوا يغيرون منه أغلب السيارات ولليوم اشوف ناس تغير منه بالذات شركات تأجير السيارات وسيارات اليموزين
وأغلب الدول الي ماعندهم دراهم والحرارة معتدله طول العام وافهم يافهيم يابو دراهم
ياحقين الاسهم ومكاين الخياطه http://www.assayyarat.com/forums/ima...s/main/ch9.gif
طيب راح يجي واحد ويقول أنت تكلمت في الحرارة وهذا زيت غير متعدد الدرجات
وش وضعه في البرودة طبعا أن سئلت نفسي هالسؤال وكانت النتيجة
اني صفقت نفسي بعلبة الزيت الي فووووق http://www.assayyarat.com/forums/ima.../main/blue.gif وتعورت صدق عشان كذا العلبة منطعجه http://www.assayyarat.com/forums/ima...in/smilie6.gif
أي برودة واي شتاء
الزيت الي فوق نقطة التجمد 12 درجة مؤية تحت الصفر
وكاسترول 29 درجة مؤية تحت الصفر !! مانحتاجهااااااااااااا بعيدة http://www.assayyarat.com/forums/ima...20%2882%29.gif
طبعا ماتفرق معنا لان اذا وصلنا صفر نسوي حفلة حدها بالكثير اسبوع وتنتهي !! يكفي هالجواب !!
لان مستحل اللزوجة راح تقل عن 10 CTS
لانه ماراح يكون متجمد يكون بعده زيت غير متجمد يعني بكامل خصائصه
نجي لتحمل الحرارة العالية والتبخر
كاسترول نقطة الوميض 220 درجة مؤية يعني على هالحرارة يبداء يفقد خصائصه ويتأكسد ويحترق ويتبخر ويعدم المكينة
طبعا المكينة لا وصلت اتش يبداء يصير هالشي
طيب الزيت ابو علبة كم
212 درجة مؤية يعني مو ذاك الفرق ولا http://www.assayyarat.com/forums/ima...in/smilie6.gif <<< تحسها شماته يعني في الحالتين يعتبر درجة غير طبيعية
ولا يمكن توصلها السيارة الا في حال الخلل وطبعا الخلل الحاصل في هذه الحالة والي تسبب بوصول الحرارة لهذا الحد
ضررة أكبر من ضرر الزيت يعني بصريح العبارة ماعندك أحد !!
أخر شي ليش تنصح شركات السيارات بزيوت متعددة الدرجات وكتيب السيارة ينصح بلزوجة معينة
الجواب : وسع صدرك تراه بسيط جداً وهو فكر بالطريق الاسهل ولا تعقدها
اخرج من الصندوق وشوف لاتفكر من داخل الصندوق
أول شي لان الشركة ماتدري أنت وين عايش بالظبط وكم معدل درجة الحرارة عندك
في أبها ولا حائل في الرياض ولا جدة ولا الشرقية ولا تدري وش المستقبل وش المتوقع ممكن نصير نتزلج على الجليد http://www.assayyarat.com/forums/ima...in/biggrin.gif
وتعرفون الشركات يحطون مقياس يمشي مع اغلب الاجواء ومتحفظ جداً هذا فيما يخص حرارة الجوووووووووو
أما أختيار اللزوجة فهيا تعتبر زيادة رفاهية وتدليع واهتمام بالمحرك وايضا متحفظ جداً
وفي كل الحالات تم أثبات أن ابو علبة يقوم بالواجب وأكثر
طيب وش قصة الزيوت التخليقية =الصناعية
هذه طوروها لمحركات الفورملا والاداء العالي تصك 8000 -10000 دوره بالدقيقه
والمكينة تصير جمرررررررررررررررر وميزتها ما تتأكسد ولا تترك رواسب داخل المحرك وزينه تراها بس ليش يعني
ترى لها خصائص اعلى من المطلوب
يعني لايجيني واحد حاطه على سوناتا http://www.assayyarat.com/forums/ima...in/biggrin.gif مكشخ حررررام والله
ولا حتى لكزس عشان لايزعلون راعين السوناتا <<< خاف
المحرك ممكن يقعد معك اطول مدة باي زيت اذا حافظة على الصيانة
وتبديل الزيت بشكل معقول يعني كل 5000 بحد ادنى
ليش نكذب على بعض بأختصار زيت أبو علبه
يحقق الهدف وتراه يمشي 5000 الاف مع المحركات القديمه
و10 مع المحركات الحديثه وعشان تدلع الموتر غير على 3000 أو 4000 كيلو <<< أم الدلع
واخر شي عشان اكشف المستور
معلومات عن مدى الزيت وكم يمشي تلقاه مكتوب في بعض مواقع شركات الزيوت العالمية
يعني يقول هالزيت يمشي 5000 وهذا يمشي عشرة
المشكلة لا دخلت الصفحه العربية تبع نفس المنتج
تلقا مكتوب لايمكن تحديد مدى كفائة الزيت وعداد المسافة ويبداء بالتخويف
ويجيك من بلف ودوران
مثال صارخ
Castrol Arabia : When Should Oil Be Changed?
اقتباس من نفس الموقع
حسبنا الله ونعم الوكيل فيهماقتباس:
متى أغيره؟
إن أفضل وقت لتغيير الزيت يعتمد على عدة عوامل – وفي الغالب يكون أقل هذه العوامل أهمية هو المسافة التي قطعتها سيارتك. وللأسف فإن الفترات التي ينصح بتغيير الزيت خلالها ما هي إلا تقديرات وسطية تبنى على أساس أسلوب معتاد في القيادة. لكن إذا كانت ظروف القيادة أكثر شدة، فسيحتاج الزيت "العادي" إلى التغيير مرات أكثر من اجل الحفاظ على أعلى قدر ممكن من الحماية والنظافة للمحرك. وباعتبارنا رواداً لتكنولوجيا صناعة الزيت، فنحن نصمم منتجات ليست "عادية" وتتخطى المواصفات المحددة من قبل الشركة المصنعة، على نحو يضمن حماية فائقة للمحرك في كافة أساليب القيادة وأحوال الطرق. ونقوم دوماً بالتنسيق مع مصنعي السيارات لنضمن دوماً توفير زيوت جديدة تلبي وتتخطى متطلبات طرازات السيارات الحديثة.
وحسبي الله على من يأكل اموال الناس بالباطل
النتيجة وفر دراهمك واختر زيت كويس مو لازم أبوعلبة
انا ما وضعت ابو علبة الا لضرب مثال فقط واعتقد أنه كان ضرب في الصميم http://www.assayyarat.com/forums/ima.../main/blue.gif
اخر معلومه ليش هالزيت زمان نستخدمه وكان يطلع اسود
الجواب لان بنزيمك زمان كان فيه رصاص وملوثات وتأثر على الزيت http://www.assayyarat.com/forums/ima...in/biggrin.gif
المهم شف زيت من شركة معروفه وسعرة معقول ولا تتعب حالك كثير
ولاتخلي الشركات تبدع فينا أكثر من ماهي مبدعه لان الدعوه كل أبوها تسويق http://www.assayyarat.com/forums/ima...s/main/ch9.gif
دعواتكم
أبو حمد
