اكورد 2007 ماشية 53 ابغى المشورة

السلام عليكم ورحمة الله وبركاته

شباب انا جديد على الاكورد
حصلت لي اكورد ماشيه 53 الف .. وفحصتها ما طلع فيها شي ولا صدمة ولا رشة ابد ابد إلا حاجات بسيطه راح اذكرها :

1/ تهريب كارتير الماكينة.

2/ تصفية الماكينة .

3/ وزن اذرعه.

وفيها غازيات وحساسات و جنوط
بالعربي تتعب اذا تناظر في السيارة .. تقول جديد جديد <<< ما شاء الله تبارك الله :d

وابغى اعرف لاني شريتها واحس نفسي مغشوش فيها او صادوني

ابي اشوف كم تسوى عساس اقارن .. وراح احط السعر بكم اخذتها بس لحتا اعرف خبرتكم بقيمتها

بإنتظار منكم الردود :cool:

اول شي ألف مبروك

وثاني شي كم موديل السياره ووش مواصفاتها على شان نقدر نفيدك :d

الله يبارك بعمرك حبيبي

يعني وانت داخل ما شفت عنوان الموضوع ؟؟ :d

مو مهم ... موديل السياره 2007 ماشيه 53 الف
السيارة كرت <<< ما شاء الله تبارك الله

وعليكم السلام ..

مبروك عليك السيارة ..

لكن غريبه ممشاها 53 ألف وتقول كرت وفيها هالمشاكل ؟

اخوي انت متأكد من الممشى ، وتأكدت من الوكالة .. يمكن لا سمح الله العداد منزّل ..

لكن في الغالب سيارتك تسوى حول 60 الف ،

تزيد او تنقص قليلاً ..

اللي انا اعرفه ان الاكورد ما ينلعب في عداد السرعه حقها << مادري اذا هالمعلومه صح والا غلط :d

طيب انا اللي اشوفه انو هالاشياء هذي حاجات استهلاكية ...

والسياره حسب ما قال لي راعيها انها ما انغسلت من تحت ...

ولله بيني وبينك انا قلت اللي بينصفني الفحص .. وفحصها صار مضبوط .. وحتى راعي المكان اللي فحصتها منه يعرفني عز المعرفه .. ولو ملعوب في الطبلون يقول لي لا تشتريها او ما تصلح لك .. او شي من هالقبيل


يعطيك العافيه بس ابغى افاده اكثر :(

تسوا 55 الف دامها نظيفه
والف مبروك السياره :)

وعليكم السلام

السيارة تسوى تقريباآآآ 58 الف ريال فقط :d

اذا كانت نظيفه والله يعطيك من خير ويكفيك شررها:)

اذا هي فل كامل فهي تسوى مثل ماقالوا الشباب .. :)

اذا الصيانة يسويها بالوكاله

مستحيل ينزل بالعداد ..

لان الوكاله تطلع لك برنت

اذا مايسويها بالوكاله .. فيقدر يغير بالعداد وفيه ناس متخصصين بالشي هذا ولا تطلع لك مشاكل ..

عموما السيارة مايحتاج وعيوبها بسيطة

وتوكل ع الله وخذها

وسعرها مثل ماقلو لك الشباب

من ال55 الى ال60

طبعا فل

ومبروك مقدما

موفق

رووح والقلب داعـي لك :cool:

ماشاء الله تبآرك الله مثل ما قالو الأخوان

العيوب جدن بسيطـه وامورهـا سهلات إن شاء اللـه

والله يعطيك خيرها ويكفيك شرهـا

مشكورين يا شباب بصراحه رفعتو معنوياتي :cool:

انزين ماهي فل كامل ... تعتبر على حسب ما قالو لي الشباب انها تكون درجة ثانيه

سبيشل :d

اذا قال 53 خذها :d

بس دامها نظيفه لو يبي 55 عطيته وانا مغمض

سلام عليكم ان العام اخذة اكورد 2007 ماشيه 60 اخذته 43 السعار الذكرتوه غاليه واجد

^^^

وتصل كذلك الى 38 ألف اذا كانت سياحيه ..

وفرق لما تاخذ سيارة نظيفة وفرق لما تاخذ من حراج ..

محصل الاسبوع الماضي اكورد فل كامل 2008 في الحراج وصل السوم عليها 48 ألف ..

ولكن ايرباقتها كلها طالعه ومرشوشه ... ألخ

هنا الفرق اخوي ..

ايش الي 60 الف و 58 الف الظاهرانكم ما تزوروا المعارض
سعر هوند اكورد 2007 سبيشل في السوق بقمة النظافه 43000 الى 46000 الف
سعر هوندا اكورد 2007 فل كامل جلد 48000 الى 50000 الف

السعر من 55 الى 60 حد اقصى << اذا على كلامك انها كرت
بس ياخي غريبة ليش يهرب الكرتير :confused: لايكون ضارب بطنها ولا قالبها اكورد دفع رباعي:d
الله يعطيك خيرها ونصيحة لاتروح تسأل عن كل شي عشان ماتتوه

اقتباس:

---

المشاركة الأصلية كتبت بواسطة عبودي 2009

ايش الي 60 الف و 58 الف الظاهرانكم ما تزوروا المعارض
سعر هوند اكورد 2007 سبيشل في السوق بقمة النظافه 43000 الى 46000 الف
سعر هوندا اكورد 2007 فل كامل جلد 48000 الى 50000 الف

---

اخوي ولد خالي قبل اشهر
اشترى اكورد 2006 سبيشل فيها رفرف امامي ايسر شراها من احد اقربائه ب46 وجابتله في السوق 48>>والله على مااقول شهيد
يعني لو انها فل كان اكثر فما بالك بالموديل الاجدد؟؟

توقعي سعرها بين 55 وال60

مشكورين حبايبي على الردود ... والسياره طلعة علي بـ 45 الف .. وشريتها .. بتوفيق من رب العباد

شاكر لكم تفاعلكم ونصايحكم

تحياتي للجميع

الله يعطيك من خيرها ويكفيك شرها

مبروووك عليك السياره

واهم شي انت تكون مقتنع فيها ماعليك بكلام النــاس
وسعرها مناسب اذا كانت سبشل يعني فيها فتحة سقف


تحيتي

اذا الوجهيه معجوجة اعرف ان الكيلو كان مفصول
واذا كانت حق شايب اكيد السيارة نضيفة
ومبروك

ياعمي دامك شريت لا تسأل دامها عاجبتك استمتع وبصراحه الهوندا دلع وجونان انا بصراحه مستخدم ولا احلى وتستاهل زي ما قالوا الاخوان في هالحدود 55 الى 60 والله يعطيك خيرها ويعطيك شرها

كويسة القيمة نوعاً ما ..


لان اسعار السبيشل النظيف 2006+ تبدأ من 40 الى 46

الله يعطيك خيرها ويكفيك شرها وسعرها بصراحه حلووو جدا
والأكورد ما يحتاج سياره بمعنى الكلمه.