الموضوع منقول بس يخليك تضحك من جد
-----------------
كل واحد يسوق سيارة في وطنا الغالي لازم يكون مر بموقف مع احد رجال الشرطة وحتى لو كان الموقف استفزازي او يخلينا نعصب بس اكيد لما نتذكره نضحك لانو رجال الشرطة عندنا كل واحد زي ما احنا عارفين يحب يكون مميز فتشوفه دايما يسعى لاختراع قوانين جديدة ومخالفات مستوردة من المريخ وقوانين ماطلعت الا بعد حفريات عميقة من تحت سطح الارض.
فاقتراحي انو كل عضو يشاركنا بموقف حصل معاه مع المرور سواء مع المرور او في نقطة تفتيش او غيره .
واللي خلا هاذي فكرة الموضوع تجي في بالي لانو الليلة مسكني شرطي وضحكني فعلا.
اللي صار انو كنت اتمشى بسيارتي تمشية عادية لاسرعة ولاشي على الرواقه يعني ومن خلال الفرفرة مريت عند اسواق المزرعة في صفوى محل التفحيط (الهلالية ) وفجاء شفت لاندكروزر تبع الشرطة ومضلل كتم قاعد يمشي طبيعي واول ماشافني تقول ابليس ركبه وهستر وماشوف الا الرجال منزل نمره ومدور وحده جاي لي ويقول بمكبر الصوت اصفط على اصفط على جنب وهو معصب وبكل رواقة وبكل برود صفطت على جنب ،،الرجال صفط جنبي مايل كانه انا شارد والبطل صادني ،،، نزلت من السيارة ورحت له قلت له خير يقول الرخصة والاستمارة قلت له حاضرين رحت السيارة وجبت الاستمارة وطلعت الرخصة وعطيته وياها وقاعد يطلع فيها في الاثناء خويه حول من السيارة وراح جهة السيارة وكان معاي واحد من الشباب وراح له الشرطي وفتح عليه الباب وقال له اثباتك يابو الشباب وعطاه الاثبات وجابه للشرطي اللي انا واقف معاه المهم قاعد يسالني يقول لي : اش بلاك تحوس هنيه وتفرفر؟ قلت له لا احوس ولا افرفر ولاشي هاذي اول مره اعبر على هذا الشارع اليوم .المهم ودار الى خويه ويقول له : ويش رايك يا ابو احمد ؟ قال خله يروح. ودار لي ويقول يلا حرك ولاعاد تعودها ،، يوم قال لي كذا صار على وجهي علامة استفهام كبيره وقلت له ويش هي اللي ماتعودها . يقول ماابغى اشوفك هنا مره ثانية ،،وهالمرة صار على وجهي علامة تعجب http://www.qatifracing.net/vb/images...es/biggrin.gif . قلت له ليش ممنوع ؟ يقول ممنوع وبس قلت له طيب اكتبو ان المرور في هذي المنطقة ممنوع عشان لا اتعودها ،، الا هو قاعد يقول عاد جاك العلم اللحين .قلت له خير انشا الله ومشيت .http://www.qatifracing.net/vb/images/smilies/war.gif
ومره من زمان ايام ماكانت في كل قرنه تفتيش ايام الارهاب الله لايعودها مرينا بوانيت على تفتيش واخذ اثباتاتنا ويقول افتح الشنطة ،، عاد تعال داك الوقت امسكنا من الضحك كنا بننفجر من الضحك ويوم شافنا الشرطي كدا عطانا اثباتاتنا وقال حركو الله يستر عليكم ،،، يعني تخيل وانيت ويقول لك افتح الشنطة .?
------------ واحد ثاني -----------
وانا راجع من الخبر مع الاهل في تفتيش على الهاي وي قبال مستشفي القطيف المركزي كلكم تعرفه المهم
وصلت عند العسكري الا يقول لي رخصه واستماره عطيته قال لي اصفط على جنب قلت له ان شاء الله
صفطت على جنب ورحت له عند الجيب الا يقول لي عليك مخالفه قلت له ويش شي قال تغيير ملامح السياره قلت له السياره وكلاه وما فيها اي اضافات قال لي مركب زينون على الانوار قلت له شد بلد قال تضحك على تويتا ما تركب زنوون على السيارت يقول بس البي ام مع المرسدس الي يركبو والباقي تركبونه من المحلات وشوي يقول مركب جنوط (جنوط الوكاله 14 ) وسيارك تجي بدون جنوط تجي طوس والسياره منزله من وره قلت له الاهل في السياره وفي اغراض في الشطنه الرجال ما اقتنع فتحت له الشنطه وقلت له اخلي الاهل ينزلو وانزل الاغرض وشفوف اذا السياره منزله او لا قال خلاص ما في داعي
المهم بعد نقاش طويل قرار ما يسوي شي عطاني الرخصه والاستماره ويقول تعال في مشكله ثانيه السياره باسم الشايب (الولد) وما عندك تفويض عليها تكلم احد يجي الي اهلك وانت والسياره الحجر قلت له ان شاء الله الن هو يفكر انه صادني قلت له باروح السياره واكلم اخويي يجي ليهم قال يالله
رحت السياره وجيبت له وكاله عامه من المحكمه ومصدقه تصرف في جميع ما يخص الوالد وعطيتها وياه شيك عليها وقال لي اتوكل على الله
ولا تعوده مره ثانيه انا حذرتك وانت افهمها ويش يقصد بكلامه
------------ واحد ثالث -----------
اسمعو يا شباب انا عندي سالفه صارت لي في يوم من الايام تقريبا قبل كم سنه بس بالضبط ما ادري كنت جالس عند باب البيت وعلى عتبة الباب كنت انا جالس ادخن وكان شتاء وفي مطر ومر راعي دورية مرور وشوفو اللقافه قام يقول لي عطني اثباتك قلت نعم آمر بعد انا مو راكب سياره قلت له اسمح لي ما بعطيك اثبات
قام يقول لي انت تدري ان الجلوس ممنوع هنا انا استغربت قلت له حبيبي هذا الباب الي وراي باب بيتنا ومن متى صار الجلوس عند باب البيت ممنوع عاد قام يقول لي الجو مو حلو ومطر ولا في وراعين يطاردون قدام البيت قلت له في الشوارع ممنوع الجلوس وفي الكورنيش حتى عند البيت طيب الواحد وين يجلس الرجال تبهدل بعدين ما شفت الا دوريه ثانيه جايه جاك الثاني بزعطته عرف السالفه وقال الا تروح معنا المركز قلت له مو مشكله رحت المركز وتوقفت للصباح يوم صحصحو الجماعه وفطرو جايين لي يبوني اوقع على تعهد اني ما اجلس مره ثانيه عند باب البيت في ساعه متأخر بس مع الاخذ والعطا معاهم طلعت بدون ما اوقع تعهد
يعني لو الواحد صار ممنوع يجلس عند باب بيتهم قولو لي وين يجلس؟
------------ واحد رابع -----------
تقريبا قبل سنتيين او ثلاث في واحد من اصحابي مار على التفتيش اللي في القطيف_ الكورنيش_ وشكله الشرطي توه جديد مايعرف عن اهل القطيف ولايعرف عن تعديل السيارات ولا المسجلات
وقف عنده قال له افتح الشنطة وفتح الشنطة الا ماشاف صاحبي الاجايله بالرشاش وقال اطلع من السيارة وارفع ايدك صاحبي عاد خاف وسوى اللي قاله الشرطي وصاحبي قال له ليش كذا قال عندك مفجرة في السيارة وصاحبي سمع الكلمة ذي شوي ويغمى عليه
المهم جا واحد ثاني من الشرطة اللي كان في الدورية وقال له ليش موقفنه قال له عنده مفجرة في الشنطة وراح يطالع في الشنطة الا جابوا صاحبي وقالوا له ايش هذا الا قام يطالع فيهم ويموت من الضحك تدرون ايش طلعت القنبلة ++ طلعت امبليفير و صندوق اوفرة++ الا صاحبي يقولهم هذا حق صوت وماصدقوه الا لما جرباه قدامهم قام شغلاه وراواهم الفرق مع امبليفير وبدونه ...
وفي الأخير مشوه ولا قالوا له حتى كلمت اعتذار...
------------ واحد خامس -----------
الليلة وانا قاعد اتمشى ما اشوف الا السفتي شغال في اللومينا واشوف جاي من بعيد بسرعة جنونية ويخيط بين السيارات انا هالايام من اشوف السفتي اتشائم المهم لما قربت الدورية طلع قاعد يلاحق راعي ترانس احمر غامق موديله قديم وهو داعس والدورية داعسة وراه وتخييط بين السيارات وعلى طول جا في بالي انو الحين الشرطي رح يبلغ لباقي الدوريات انو يطارد سيارة باب واحد لونها احمر غامق ،،،واقول في بالي لو بلغ بنفس هذا الكلام تطلع نفس لون سيارتي وباب واحد يعني رحنا فيها ،،،وتعرف الدوريات الباقية لين يقولوليها سيارة باب واحد ولونها احمر غامق لو يحصلو داتسن غمارة وحده بيوقفوه لانو نفس اللون وباب واحد ،،، فقلت في بالي هذي الليله شكلها نحس من اولها ودورت ورجعت البيت انسدت نفسي .
------------ واحد سادس -----------
السالفة الثانيه كان واحد من العيال عنده موستانج 98 كشف وكالة المهم وكان ذاك اليوم عيد والرجال هذا بالهافمون المهم يقول صاحب السيارة ما أشوف الأ دورية جاية لي بسرعه وتقولي أصفط على جنب يا راعي السيارة باب واحد http://www.qatifracing.net/vb/images...es/biggrin.gif لووووووووووول أول الحفلة مابديناها http://www.qatifracing.net/vb/images...es/biggrin.gif المهم مع الكلام يمنه ويسرى طلع العسكري جيزاني المهم قاله عليك الله ليش لآعب في سيارتك وقاص التنده ولاعب فيها مو حرام عليك أبوك يشتريها لك جديدة وأنت تلعب فيها وين سقفها قولي وين سقفها الرجال يطالع فيه جذيه http://www.qatifracing.net/vb/images/smilies/eek.gif يفكرة يتغشمر معاه وطلع من صجة يتكلم ومصر على أنه قاص السقف حق السيارة ومايدري عنها كشف المهم قاله وأبتسم في وجهه وقاله السيارة شد بلادها جذيه ومالعبت فيها وبعدين علشان تصدقني شوف http://www.qatifracing.net/vb/images...es/biggrin.gif سكر الكشف وبطله له مره ثانيه ما يشوف العسكري الأ يقول الله أكبر أول مره في حياتي أشوف سيارة يلعبون في سقفها لوووووووووووووووووول سمعتوا الكلام أول مرة أشوف سيارة يلعبون في سقفها المهم ماهو مستوعب حركة الكشف كيف يتسكر ويتبطل غير لما قاله سويها حول الخمس مرات وبعدين أقتنع وقاله روح ولا عاد أشوفك هني http://www.qatifracing.net/vb/images...es/biggrin.gif أجل سيارة وكالة كشف يقول ليش تقص السقف لووووووووول http://www.qatifracing.net/vb/images...es/biggrin.gif من صج غبي هذا
-----------------
هذي افضل القصص الي بالموضوع المنقول وأتمنى المشاركه من الأعضاء
