انتبهو منه وربي بغا يقتل الهنـادي
كان عندي النترا وركبت عليها زينون وانا راقد في البيت الا الجيران كسرو الباب حق البيت يوم طلعت قالولي سيارتك تحترق طبعاً كنت مركب زينون وسستم قلت اكيد من السستم وافتح الكبوت وألقى النار من جهت الاسطب الأيسر وماي وتراب وقلّت حيا الين طفت وديتها لكهربائي قالي الظفيره ياحبيبي طيب انا دخت السبع دوخات وصلحتها وقطيت الزينون ويوم شريت الهنادي :o
قلت ابي ادلعها شوي وركبتلها زينون كلفن اللي لونه نفس حق اللكزس ولا احلى منه وقعد معاي يمكن 8 شهور وقبل 4 ايام وانا ماشي طفى النور اللي على اليسار فجأهـ قلت يمكن الشمعه ماتت ورحت لكهربائي في الدمام وطلّع المحول والشمعه وشيك عليهم برى السياره شبكهم ببطاريه من عندهـ واشتغلو يعني الزينون مافيه مشكله شيك على الفيش حق النور اللي بالسياره الاصلي مالقى فيه شي وفجأهـ بدا بويمن بشغل الأفتاء قالي لازم افك الرفرف علشن اشيك على الوايرات قلتله سكر الكبوت بسرعه:mad:
ولاتلمس السياره لاأكسر يدك وقلت من بكرهـ يحلها ربك ورجعت للجبيل رحت يوم ثاني الوكاله وقلتلهم عن المشكله قالو عندهم جهاز على طول يطلع المشكله بس انت مركب زينون مواصلي والجهاز مايقرا الا الانوار الأصليه للسياره الظاهر صرفوني طلعت من عندهم ورحت لكهربائي من زمان اتعامل معاهـ وشغله نضيف في البدايه شيك على الفيش قال مافيه الا العافيه شيك على الفيوزات وطلعت سليمه وتفاجأة انو فيه فيوزات بعد من جهت الراكب غير اللي بالكبوت وجهت السواق تلقاها تحت الدرج على اليمين تفك الديكور وتشوفها بالنسبه لي اول مرهـ اشوفها المهم شيك عليها كلها وطلعت كويسه بس في فيوز كل مايشيله تطفي الانوار كلها واذا رجعه مكانه يشتغلون اللي عاليمين واليسار بس السكن اما النور مايشتغل قال يمكن من عصا النور اللي تكبس قال بفك الدركسون في البدايه انا خفت ولا عمري تعبثت بالسيارهـ بالدفاشه هذي من اول ماشريتها فك الديكور اللي تحت الدركسون وطلع عصا النور وفكها فطعه قطعه ورجع ركبها ونفس الحكايه في الآخر قالي روح وبدق عليك لاخلصت لأني بفك الصدام وبشيك على الوايرات اللي تحت الجسر حق الصدام لأن الكهرب يوصل للنور اليمين ويقطع بعدها مايوصل لليسار بعد مانقعني ساعتين عندهـ :(
رحت البيت ودق علي بعد ساعه قالي تعال خذ سيارتك خلصت يوم رحتله الا كل شي شغال سألته شنو لقيت قال الواير حق الانوار من النص الثاني اللي رايح للنور اليسار ذايب قص الخربان وركب واير ثاني وقالي احمد ربك ماقامة الضفيره وقال الزينون يضعف الدينمو حق السياره ويخرب الضفيره المهم اني فكيته وقطيته بالبيت ورجعت انوار الوكله وشحلاتها بلا زينون بلا خرابيط اذا مايجيك شد بلد ولا بلاها تغيير ضفيره .
ادري طولت عليكم بس وربي شي يقهر وحبيت انصحكم يمكن في ناس ماصار معاهم هالشي وصارله سنين من ركب الزينون بس انا قلت لكم اللي صار معاي وبس :)
