ماهو افضل لون على الأكورد .. ؟

السلام عليكم ورحمة الله وبركاته

اخواني الأعزاء اعضاء نــادي محبي هوندا ..

انا عضو جديد بينكم ...

واود ان استفسر ماهو افضل لون على الهوندا اكورد 2007 .. ؟

وانا محتــار بين الأسوود واللولي .. ؟؟

واذا فيه لون افضل ياليت .. ؟

طبعاً
انا خوفي من عندة اشياء ..
وطالب فزعتكم باللون ..
1- بزارين الحاره والصدز اخاف على سيارتي منهم فماهوو افضل لون بالنسبه للخدوش ..
2- لون يحتفظ باللمعه بعد الغسيل ويظهر السياره بشكل متألق انا اشووف اللولي ..
3- لوون لك وللزمن ..
4- لون لاقدر الله وصار حادث الله لايقولها يكون اللون سهل في مطابقة اللون ..

طبعا ( انا جربت الألوان التاليه .. الكحلي .. الأسود .. الابيض طبعا على سيارات مختلفه )وكان اريحهم الأسود من ناحية الخدووش والحكات تلميع ويختفي .. والابيض في قلة الغسيل ..


بس الأن محتــار وابي فزعتكم يالنشاامى ..
والله يتمم لي بخير قوولي آمين ..

اخوووكم ..
alramaD

اقتباس:

---

وكان اريحهم الأسود من ناحية الخدووش

---

؟؟؟؟؟؟؟؟؟؟؟؟؟؟؟؟

alramaD

اولا مرحباً بك في المنتدى وان شاء الله يعجبك

ثانيا بالنسبة للالوان الاسود اكثر لون توضح فية الحكات ويبغالك تمسح السيارة يومياً

الابيض اختيار موفق هذا بالنسبة لي ممكن غيري يحب الاسود

لكن اتوقع في لون جديد ل 2007 تأكد اذا بغيت تشتري

تحياتي ومبروك مقدماً

حياك الله معنا في المنتدى
واما بالنسبة للون فهو الابيض سيد الالوان على الهوندا
والف مبروك لك تحياتي

نورت الموضوع اخوي H 4 Ever

بالنسبه للون الأسود فعلا تظهر فيه الخدوش لكن روح للأبيض انا جربته على الفورد وكرهت نفسي بعد الخدش تلقا الموتر قلب ابيض واسوود طبعاً الخدش يظهر لوونه اسود
اما بالنسبه للأسود يظهر الخدش فعلاً لكن رح لاي محل واشتر ملمع تلقا الخدش لوونه يخف وما يظهر الا بعد تدقيق وطبعا اللي ينكبك بالألوان الغامقه هو بعد فتره مع الغسيل يظهر خدوش على شكل دايري تظهر بعد الغسيل ويبيلها عنايه زيااده واتعبني اللون الأسود في مطاابقة اللون ..

اخووي بومحمود نورت الموضوع يالغلا ..

طبعاً الأبيض سيد الألوان

وشاكر على مرورك الرائع ..

لكن ودي اعرف وش الافضل بالشكل على الهوندا اللولي والا الاسود ؟؟

:cool: حبيبي أنا معي 2006 أسود فل أبشن:cool:
:mad: لازم تمسحها يوميا:mad:
:confused: إذا ماراح تاخذها فل أوبشن لاتفك الطاسات ولا الدوريات بكل شارع توقفك لأنها شبهه:confused:
:( أن بصراحة مرتاح بس كل الناس يقولون لؤلؤي:(

:cool: مبرووووك حاول تحافظ عليها ولا تسرع لأنها بصراحة تهيض للسرعة:cool:

انا اقول ابيض لؤلؤي

والاحسن لاكن المشكله انه ما يجي هو اللون العنابي

ياهو اليم على الاكورد

اه لونه يجي بس

هع هع

لؤلؤي وهذا كلام مجرب ...:cool:

اقول مالك إلا لؤلؤي ليش :

يعطيك نظرة حلوة للأكورد . :cool:

ما يتأثر بالشمس . :d

تحس ان فخامة السيارة بارزة وواضحة . :eek:

ينفع عليها التظليل . ;)

الخدوش ماتبين عليها . :(

المرغوب اكثر شيء . :)

ومبروك مقدما . ;)

وأنا أخالفكم الرأي وأقول اللون الذهبي أفضل وأجمل .

بالنهاية الألوان تعود للأذواق، لكل منا ذوقه الخاص، أنا أحب الأسود ومحمود يحب الأخضر ومنصور يحب الكستنائي :p
يعني لا إختلاف ولا شي :)

احم احم .. مشكوورين كل ابوووكم على الردود
طبعا انا نفسي متحيزه للولي .. لكن اليوم اصورها لكم عند معرض النفيعي (الطائف) اسود وجنبها لولوي واحس ان الاسود افخم طبعاً الاسود فل واللولوي نص فل
وانا اللي باخذها ان شاء الله 4 سلندر فل

بس ما قلتولي اللولي سهل بمطابقة اللون ..
4- لون لاقدر الله وصار حادث الله لايقولها يكون اللون سهل في مطابقة اللون ..


اخووي Juventus عندي بالطايف دوور موتر مركب الطيس كل المواتر فاكينها وطبعاً فيه اكوورد تقووول كامري جنوط دوج وتنكيسه كل يووم اشووفها مديل 2006

تحياتي لكم ..

اقتباس:

---

وأنا أخالفكم الرأي وأقول اللون الذهبي أفضل وأجمل .

---

اخوي علم الدين والله انك كذا :cool:

اخوي الكريم alramaD حياك الله في منتداك واهلا وسهلا

اخوي انا بالنسبة لي اللون ذهبي روووعة على الأكورد واسأل مجرب

تحياتي لك واتمنى لك اختيارا موفقا

حياك الله اخوي


انا اقدر الون الؤلؤي لاكن انا سيارتي اسود وبصراحه كرهت عيشتي لازم كل يوم غسيل

بصراحة اللؤلؤي الابيض زين ,,, بس احسة صار ماصخ لان كل الاكوردات في الشارع نفس اللون

شف اللون اللي انت ترتاح له افضل .. :)

والله شوف انا عندي اسود ومثل ماقالو الاخوان متعب ويبيلة غسيل كل يوم وتلميع
هذا العيب الشرعي الوحيد فية
بس الشكل طبعا احلى من اللون اللؤلؤي ومعروف الاسود ملك الالوان ولايق على حجم الاكورد
اما بالنسبة للخدوش انا اظمنها لك ماتبين وولاتشوفها باللون الاسود
وعندي كم خدش بسيارتي ويبيلك مجهر علشان تلاحظهم والحمدللة مرتاح من هالناحية
اذا ماتبية خذلك لؤلؤي او ذهبي ولاتاخذ غيرهم
والله يكتبلك اللي فية الخير

مممم في نظري الأسود ....

حلووو على الفل .... و لكن تظل وجهة نظر ....

اخوي انا بتكلم عن وجهة نظري يعني رايي الخاص

اول شي انا كنت زيك محتار جدا بين الاسود او الازق وبين اللؤلؤي

كنت اقول حكات تبان ومدري ايش وباخذ كحلي او اسود

همن اخر شي قررت اللؤلؤي

كل يوم احمد ربي اني اخذت لؤلؤي واحد اعرفه معه اسود يعني صراحه اذا ما غسله

لمدة يومين وربي شكل السياره يطلع اشهب يعني تحس لا لمعه لا شي ثاني شي

اللؤلؤي اقوى لون للحكات يعني اي حكه شي يجي عليه لون السياره تلميع او اي شي يروح

عكس الاسود حكات تجيك بيضاء تحس مخوش

ودايم اقول الحمدلله اني ما اخذت اسود او كحلي

سيارتي له اسبوعين ما غسلته والله لو تشوفه تحسها نظيفه

عاد فيه لون ثاني يمكن ما فكرت فيه الناس ما ياخذونه على 2006

الي هو الذهبي شفته لون ذهبي على فل كامل جنوط ولون الجوانب نفس لون السياره

وربي شكل السياره رايق طالع احلا من الاسود يعني من جد خيالي اما يطلع شكله بايخ

اذا صارت طاسات اما فل كامل صراحه شكل السياره ينقلب 180 درجه


__________________________________________________ ________

هذا وجهة نظري وانت عاد فكر وشوف وش الي تفضله


تحياتي ،،،

سيارات الدبلماسيين والحكام والملوك كلها اسود ;)

وحسب احصائيات دوائر المرور حول العالم يعتبر اللون الاسود اقل الالوان في عدد الحوادث المسجلة لديهم :rolleyes:

لاتقولي ليه ؟ :confused: لاني بصراحة ماادري ولا حتى هم يدرون :d


صح متعب في الغسيل وتمسك حراره .... بس لاشفتها بعد الغسيل بتنسى كل التعب
ولو تبي منظر عنفواني وشرس :eek: خلها بغبارها .... ولاتغسلها

اما من ناحية الخدوش والحكات في الصدامات .... لاتشيل همها .... لان البلاستيك أو الربل المصنوع منه الصدام يجي لونه اسود :p



الؤلؤي حلو وبارد ولايمسك غبار .... بس عيبه منتشر وااااجد .... ولو قدر الله وجيت ترش اي جزء في السيارة يمكن مايطبق معاك اللون ( زي اللون الفضي ) غير كذا اي حكه في الصدام بتشوفها زي عين الشمس ( حتى لو كانت الحكه صغيييييرة :mad: ) .

وفي الاخير الاختيار لك ..... احسبها براسك وشوف اللي يخارجك ;)

واللللللللللللف مبروك مقدمآ والله يبارك لك فيها ويعطيك خيرها ويكفيك شرها :)

اقتباس:

---

المشاركة الأصلية كتبت بواسطة اتش

سيارات الدبلماسيين والحكام والملوك كلها اسود ;)

وحسب احصائيات دوائر المرور حول العالم يعتبر اللون الاسود اقل الالوان في عدد الحوادث المسجلة لديهم :rolleyes:

لاتقولي ليه ؟ :confused: لاني بصراحة ماادري ولا حتى هم يدرون :d

صح متعب في الغسيل وتمسك حراره .... بس لاشفتها بعد الغسيل بتنسى كل التعب
ولو تبي منظر عنفواني وشرس :eek: خلها بغبارها .... ولاتغسلها

اما من ناحية الخدوش والحكات في الصدامات .... لاتشيل همها .... لان البلاستيك أو الربل المصنوع منه الصدام يجي لونه اسود :p

الؤلؤي حلو وبارد ولايمسك غبار .... بس عيبه منتشر وااااجد .... ولو قدر الله وجيت ترش اي جزء في السيارة يمكن مايطبق معاك اللون ( زي اللون الفضي ) غير كذا اي حكه في الصدام بتشوفها زي عين الشمس ( حتى لو كانت الحكه صغيييييرة :mad: ) .

وفي الاخير الاختيار لك ..... احسبها براسك وشوف اللي يخارجك ;)

واللللللللللللف مبروك مقدمآ والله يبارك لك فيها ويعطيك خيرها ويكفيك شرها :)

---

كأنك تقول .... أحسنت يا بلك على إختيارك اللون الأسود :d

أبشرك حبيبي إتش ... لمعت السيارة و صارت كأنها وكاااااااااااالة ...

لكن باقي اللحية <<< خخخ :d

بلاك

ابي لحية من وين؟؟؟

صراحة الاختيار صعب الله يعينك اخوي

بس أنا معاي لؤلؤي ماعليه كلام :cool:

لكن الخدوش الصغيرة تبكي :mad: والله اي خدش صغير يبان بشكل كبييييييير ويقهررر

غير كذا منتشر اللون بشكل كبير جداً يحسسك أنك ولا شيء :(

عشان كذا أنا أفكر أصبغ السيارة بحري <------------ صح يالكامري :p

وفي الأخير اخوي القرار راجع لك والله يعينك

اقتباس:

---

المشاركة الأصلية كتبت بواسطة H 4 EVER

بلاك

ابي لحية من وين؟؟؟

---

أقولك مثل سيارتي :d

أخوي يقولي من البحرين !!!!!

لكن وين لا تسألني لأني من زمان ما رحت ...

و يقول يمكن إذاااااا رااااح و صار له شهور و هو يقول لي الكلام ذا !!!!

بس إذا صار عندي جديد أبشرك أخوي ...

هلا وغلا ..

بصراحة انا عندي الاسود افضل .. مع ان الماكسيما حقتي لؤلؤية ..

بصراحة احس ان الاسود ملك الالوان من جد لكن مشكلته ع كلام الكثيرين انه يتوصخ بسرعه ..

انا موتري اسبوعيا اغسله مرة بصراحة ..

.

شوف أخوي الؤلؤي لون حلو وعملي يعني مايحتاج اهتمام كثير وغسيل دايم
لكن الاسود معروف ملك الالوان خصوصا لمن تشوف السيارة تلمع بالليل لها هيبتها
وعلى قول اخوي اتش لمن تشوفها بعد الغسيل يروح تعبك :)
وانت لك الحكم والختيار