افادة لو تكرمتوا بخصوص اكورد 2007

السلام عليكم ورحمة الله وبركاته :d

مبارك عليكم الشهر يا اعضاء المنتدى الموقر :d

عندي جم شغله بالسيارة ودي اخذ رايكم فيها

:cool:سيارتي اكورد سبشل 2007 ذهبي (كشافات + وتخشيبه ماعدا البيبان والدركسون + مسجل كاسيت + مسجل 1 cd + جنوط مقاس 15" الشكل السداسي ):cool:

الاستفسارات :

1- بالنسبة للكشافات الي عندي دائرية وذاك اليوم قاعد مع نفسي واشاورها <<< حرب قايمه بينه وبين نفسة :d
الحين الكشاف ما فيه شيء زين بس القزاز ماله مكسور ليش ما اركب له او افصل قزازة للكشاف وخلاص بدال لا اشتري جديد ولا شرايكم

2- بالنسبة للسكان (الدركسون) في تقشيرة شرايكم اغطيها بتخشيبة بنفس لون وهل اركب كل الدركسون او نصه احلى واركب تخشيبه لمكان الابواب مو احسن

3- فيه عندي صوب الابواب من تحت قطعة تحمي الشاصي لونها اسود شرايكم اصبغها بنفس لون السيارة ولا ما تنصحون اصبغها اخليها نفس ما اهي

4- المسجل عندي ودي اغيره واحط بو 6 سيديات هل تنصحوني فيه ولا القرص الوهمي كفاية عليه وخلاص او اركب مسجل 6 سيديات مع قطعة التحكم من السكان "الدركسون" واستغني عن القرص الوهمي وخلاص وهل مسجل 6 سيديات يشغل mp3 او audio

5- وعندي الجنوط الله يسلمكم غطيان علامة هوندا الي تتركب بالوسط طاحية شرايكم احط لها سيليكون وخلاص وبعدين اذا فكينا الجنوط بيتكسر الغطاء ولا لا وهل فيه محلات تصلح الجنوط

6- هل مقياس الحرارة وكذلك مثبت السرعة هل يركبون بالاكورد حقي ولا لا وهل الشباب المبدع الي موجودين اهنيه ما شاء الله لقو حل ولا جاري المحاولة <<< ما شاء الله عليكم الله يوفقكم ان شاء الله والله تستاهلون كل خير يا شباب

7- وبالنسبة للحساسات "السنسر" هل تنصحوني اركبه عن طريق التخريم للدعامية او الي يلزق لزق بالدعامية وشنو الافضل من ناحية وضوح الصوت لاني بحثت عند كذا محل ما عجبني الصوت الي عندهم

هذا الحين كل الاستفسارات الي جت على بالي وسامحوني على الاطالة يا شباب

ملاحظة : بخصوص المحلات ياريت احد الاخوة يفيدنا علما بأني من الكويت فإلي يعرف محلات لا يبخل علينا فيها الله لا يهينكم ويرحم والديكم

دمتم في رعاية الله وحفظة
:)

اقتباس:

---

المشاركة الأصلية كتبت بواسطة accord-4601

السلام عليكم ورحمة الله وبركاته :d
وعليكم السلام ورحمة الله وبركاته

مبارك عليكم الشهر يا اعضاء المنتدى الموقر :d
علينا وعليك وعلى كل مسلم

عندي جم شغله بالسيارة ودي اخذ رايكم فيها
ابشر باللي نعرفه .. واللي ماعرفناه سامحنا

:cool:سيارتي اكورد سبشل 2007 ذهبي (كشافات + وتخشيبه ماعدا البيبان والدركسون + مسجل كاسيت + مسجل 1 cd + جنوط مقاس 15" الشكل السداسي ):cool:
الله يبارك لك .. ويعطيك خيرها ويكفيك شرها

الاستفسارات :

1- بالنسبة للكشافات الي عندي دائرية وذاك اليوم قاعد مع نفسي واشاورها <<< حرب قايمه بينه وبين نفسة :d
الحين الكشاف ما فيه شيء زين بس القزاز ماله مكسور ليش ما اركب له او افصل قزازة للكشاف وخلاص بدال لا اشتري جديد ولا شرايكم
ان شاء الله تقدر تركب لها قزاز عند محلات تفصيل القزاز
بس انت فكها وودها عند اي محل يفصل قزاز ويركب عليها
نفس سمك القزازة القديمة .. وكنها شد بلد :cool:

2- بالنسبة للسكان (الدركسون) في تقشيرة شرايكم اغطيها بتخشيبة بنفس لون وهل اركب كل الدركسون او نصه احلى واركب تخشيبه لمكان الابواب مو احسن
أنا اشوف انك تلبسه نفس لون ديكو السيارة .. او اذا خاطرك بالتخشيب
فلا تروح عن لون التخشيبة اللي انت ذكرتها على السيارة

3- فيه عندي صوب الابواب من تحت قطعة تحمي الشاصي لونها اسود شرايكم اصبغها بنفس لون السيارة ولا ما تنصحون اصبغها اخليها نفس ما اهي
هذي القطعتين على اليمين واليسار ( أظن تقصد الجسور )
الأفضل انك تصبغهم على لون السيارة تطلع كذا :cool:

4- المسجل عندي ودي اغيره واحط بو 6 سيديات هل تنصحوني فيه ولا القرص الوهمي كفاية عليه وخلاص او اركب مسجل 6 سيديات مع قطعة التحكم من السكان "الدركسون" واستغني عن القرص الوهمي وخلاص وهل مسجل 6 سيديات يشغل mp3 او audio
بامكانك متابعة هذا الموضوع للرائع كوكو كورد
http://hondaarabia.com/club/showthread.php?t=15723

5- وعندي الجنوط الله يسلمكم غطيان علامة هوندا الي تتركب بالوسط طاحية شرايكم احط لها سيليكون وخلاص وبعدين اذا فكينا الجنوط بيتكسر الغطاء ولا لا وهل فيه محلات تصلح الجنوط
الغطيان هذي يالغالي تلقاها في محلات بيع الاكسسوارات وعليها علامة هوندا
بس تجاري ( لكنها تمشي وشكلها ممتاز ) أما اذا بغيت أصلي وكاله فتلقها
طبيعي في محلات بيع قطع هوندا أو الوكيل المعتمد لهوندا لديكم أو الوكالة نفسها

6- هل مقياس الحرارة وكذلك مثبت السرعة هل يركبون بالاكورد حقي ولا لا وهل الشباب المبدع الي موجودين اهنيه ما شاء الله لقو حل ولا جاري المحاولة <<< ما شاء الله عليكم الله يوفقكم ان شاء الله والله تستاهلون كل خير يا شباب
تستاهل الطيب يابعدي
وبامكانك متابعة ابداع الرائع accord 06
من خلال هذا الموضوع والتجربة الجميلة
http://www.hondaarabia.com/club/showthread.php?t=5948

7- وبالنسبة للحساسات "السنسر" هل تنصحوني اركبه عن طريق التخريم للدعامية او الي يلزق لزق بالدعامية وشنو الافضل من ناحية وضوح الصوت لاني بحثت عند كذا محل ما عجبني الصوت الي عندهم

وبالنسبة للحساسات اذا انت تقصد اللي أنا فهمته من شرحتك
فأيضاً بامكانك متابعة احدى الابداعات من خلال هذه التجربة
لمراقب قسم اللاكترونيات المبدع algattas
http://www.hondaarabia.com/club/showthread.php?t=16267

هذا الحين كل الاستفسارات الي جت على بالي وسامحوني على الاطالة يا شباب
بالعكس أتمني اني أنا أفدتك وماقصرت في حقك .. وياهلا ومرحبا فيك يالغالي

ملاحظة : بخصوص المحلات ياريت احد الاخوة يفيدنا علما بأني من الكويت فإلي يعرف محلات لا يبخل علينا فيها الله لا يهينكم ويرحم والديكم
والله بالنسبة لي أنا اسمح لي ما أعرف بالكويت مكان مع انه لي بها غالين شرواك
أما بالسعودية وخصوصاً الشرقية واين ماودك حنا بالخدمة .. بس انت شرّفنا

دمتم في رعاية الله وحفظة

:)

---

وانت بحفظ الله ورعايته .. واسمح لنا

اهلا ياعزيزي ..

افيدك بنقطه وحده ..

الدريكسون بإمكانك تغيره على الضمان ومجانا ولاياخذوا منك فلس ..

طبعا اذا مازالت سيارتك على الضمان ..

تقبل مروري

الاستفسارات :


1- بالنسبة للكشافات الي عندي دائرية وذاك اليوم قاعد مع نفسي واشاورها <<< حرب قايمه بينه وبين نفسة :d
الحين الكشاف ما فيه شيء زين بس القزاز ماله مكسور ليش ما اركب له او افصل قزازة للكشاف وخلاص بدال لا اشتري جديد ولا شرايكم
تقدر تفصل له بلاستيك لان القزاز صعب تركيبه
قبل يومين سويناها انا وامير الهنادي بالغرابي (الرياض)


2- بالنسبة للسكان (الدركسون) في تقشيرة شرايكم اغطيها بتخشيبة بنفس لون وهل اركب كل الدركسون او نصه احلى واركب تخشيبه لمكان الابواب مو احسن
اذا سيارتك ع الضمان يبدلونه لك مجانا
ولا لبسها جلد عن محل محترم يصير خياطه زي السكان مالت الفل <كويتي :d


3- فيه عندي صوب الابواب من تحت قطعة تحمي الشاصي لونها اسود شرايكم اصبغها بنفس لون السيارة ولا ما تنصحون اصبغها اخليها نفس ما اهي
اكيد تصبغها احلى بواجد من لونها الاسود


4- المسجل عندي ودي اغيره واحط بو 6 سيديات هل تنصحوني فيه ولا القرص الوهمي كفاية عليه وخلاص او اركب مسجل 6 سيديات مع قطعة التحكم من السكان "الدركسون" واستغني عن القرص الوهمي وخلاص وهل مسجل 6 سيديات يشغل mp3 او audio
اذا تبي شكل حلو ولا يهمك تشغيل mp3 ركب مسجل الفل 6 سيديات وركب له تحكم صوتي
واذا انت تحب تريح بالك وتشغل mp3 (لان المسجل الاصلي مايشغل الا اوديو) ركب القرص الوهمي
ولا ركبهم الاثنين (مسجل 6 سيديات وقرص وهمي )


5- وعندي الجنوط الله يسلمكم غطيان علامة هوندا الي تتركب بالوسط طايحة شرايكم احط لها سيليكون وخلاص وبعدين اذا فكينا الجنوط بيتكسر الغطاء ولا لا وهل فيه محلات تصلح الجنوط
اذا ركبتها بسيلكون وجيت تفك الجنط ماله دخل الغطاء لان المسامير على الاطراف تفك الكفر وتركبه بدون ما تجي صوب الغطاء


6- هل مقياس الحرارة وكذلك مثبت السرعة هل يركبون بالاكورد حقي ولا لا وهل الشباب المبدع الي موجودين اهنيه ما شاء الله لقو حل ولا جاري المحاولة <<< ما شاء الله عليكم الله يوفقكم ان شاء الله والله تستاهلون كل خير يا شباب
مقياس الحراره يركب بسهوله .. بس المثبت انسى الموضوع حاليا :d

7- وبالنسبة للحساسات "السنسر" هل تنصحوني اركبه عن طريق التخريم للدعامية او الي يلزق لزق بالدعامية وشنو الافضل من ناحية وضوح الصوت لاني بحثت عند كذا محل ما عجبني الصوت الي عندهم
ركب حساسات بتخريم الصدام (الدعاميه ) واختر نوع جيد عشان ما يخرب بعد فتره


هذا الحين كل الاستفسارات الي جت على بالي وسامحوني على الاطالة يا شباب


ملاحظة : بخصوص المحلات ياريت احد الاخوة يفيدنا علما بأني من الكويت فإلي يعرف محلات لا يبخل علينا فيها الله لا يهينكم ويرحم والديكم

العفو يا اخوي واي خدمه حاظرين .. وآسف ما اعرف محلات الكويت عشان افيدك

شكرا لكم يا اخواني جميعا

شكر خاص لاخواني لعيونها و pink dream و المسافر على افادتهم ونصايحهم القيمة صراحة

مشكورين يا اخواني ويعطيكم العافية

ودمتم في رعاية الله وحفظة

:)

اقتباس:

---

المشاركة الأصلية كتبت بواسطة accord-4601;276794[color=darkorchid

[/color]]
السلام عليكم ورحمة الله وبركاته :d

---

اقتباس:

---

المشاركة الأصلية كتبت بواسطة accord-4601;276794[color=darkorchid

و عليكم السلام


مبارك عليكم الشهر يا اعضاء المنتدى الموقر :d

علينا و عليك


عندي جم شغله بالسيارة ودي اخذ رايكم فيها

:cool:سيارتي اكورد سبشل 2007 ذهبي (كشافات + وتخشيبه ماعدا البيبان والدركسون + مسجل كاسيت + مسجل 1 cd + جنوط مقاس 15" الشكل السداسي ):cool:

الاستفسارات :

1- بالنسبة للكشافات الي عندي دائرية وذاك اليوم قاعد مع نفسي واشاورها <<< حرب قايمه بينه وبين نفسة :d
الحين الكشاف ما فيه شيء زين بس القزاز ماله مكسور ليش ما اركب له او افصل قزازة للكشاف وخلاص بدال لا اشتري جديد ولا شرايكم
القزاز ماراح تحصل مقعر مثل الاصلي ... اي محل زجاج يبدلهم لك .. و السعر على اختلاف سمك الزجاج .. كلام الاخوان بالنسبه للبلاستك .. اذا كنت مركب زينون ..انتبه بالنسبه للحراره .. و القزاز العادي مع الحراره يتشلخ بسرعه ... و الكشافات التجاريه الدائريه نوعا ما سعرها رخيص بالكويت ... بس تحتاج لمحل يوفرها لك .. جرب "مارينا 4×4" و ابتعد عن " المهلب 4×4" ... المهلب دايم اسعاره اعلى من السوق .. و بعض الاحيان يحتكر الاشياء عنده ( مثلا : فلاتر كي اند ان .. هو الوكيل و محد غيره بالسوق عنده امريكي الا هو .. و السعر نار و شرار .. و لو انه ينزل السعر احيان )

2- بالنسبة للسكان (الدركسون) في تقشيرة شرايكم اغطيها بتخشيبة بنفس لون وهل اركب كل الدركسون او نصه احلى واركب تخشيبه لمكان الابواب مو احسن

التخشيبه كل الدركسون احلى مع مكان الابواب .. تحصل الوان تطابق الالوان اللي عندك بالسياره ... المحلات الصغار اللي على شارع الزينه دايركت .. بس انتبه للسعر .. الافضل تسأل كل المحلات اذا عندك وقت و لك مزاج .. صدقني بتحصل واحد منهم يكسر فيهم و يعطيك سعر ما كنت تحلم فيه .. هاذي الحركه دايم اسويها .. اسأل فوق 20 محل .. واحد منهم لازم يعطيني سعر اقل من الباقي علشان ما ارجع للباقي .. و اذا شفت السعر هو نفسه عند الكل .. روح للمحل اللي تحس انه محترم و كبير .. ابتعد عن المحلات الصغيره المشبوهه ... تلاقيه يتعلم على السياره !! .. و خلك واقف على راسه بكل شغله يسويها !


3- فيه عندي صوب الابواب من تحت قطعة تحمي الشاصي لونها اسود شرايكم اصبغها بنفس لون السيارة ولا ما تنصحون اصبغها اخليها نفس ما اهي
بما انه اللون عندك ذهبي .. اصبغها احسن !
انا صابغها .. و شكل السياره يطلع حلو .. و مافي محل معين بالنسبه للصبغ .. للاسف خبرتي من هاذي الناحيه قليله .. بس اقدر اقولك روح شارع الهوندا بشويخ .. كراج اسمه الفيصل اظن ... شوف اذا "فاضي" يسويلك اياها .. لانه عنده زحمه
و اذا حولك على محل ثاني .. حاول انك تشوف شغل المحل قبل لا تخليه يبتدي !

4- المسجل عندي ودي اغيره واحط بو 6 سيديات هل تنصحوني فيه ولا القرص الوهمي كفاية عليه وخلاص او اركب مسجل 6 سيديات مع قطعة التحكم من السكان "الدركسون" واستغني عن القرص الوهمي وخلاص وهل مسجل 6 سيديات يشغل mp3 او audio

بو 6 سيديات محصله بالكويت ؟
"للامانه اخر مره بحثت عنه قبل اكثر من سنه .. و بعدها راح الموضوع عن بالي"



5- وعندي الجنوط الله يسلمكم غطيان علامة هوندا الي تتركب بالوسط طاحية شرايكم احط لها سيليكون وخلاص وبعدين اذا فكينا الجنوط بيتكسر الغطاء ولا لا وهل فيه محلات تصلح الجنوط

محلات تصلح جنوط " مخرطه السلام" اللي عند دوار الاوكسجين .. الافضل بالكويت
بس انتبه .. اكلمك على اللي عند دوار الاوكسجين .. لهم افرع غير عن اللي عند الدوار .. بس الكل يمدح اللي عند دوار الاوكسجين بالذات !!!
العلامه الطايحه تنباع بنص محلات الزينه اذا مو كلها ! .. اذا ما خاب ظني 4 حبات بدينارين او دينارين و نص !


6- هل مقياس الحرارة وكذلك مثبت السرعة هل يركبون بالاكورد حقي ولا لا وهل الشباب المبدع الي موجودين اهنيه ما شاء الله لقو حل ولا جاري المحاولة <<< ما شاء الله عليكم الله يوفقكم ان شاء الله والله تستاهلون كل خير يا شباب

مثبت السرعه .. شيله من بالك
مقياس الحراره .. المواضيع كثيره عنه ... و الاخوان بالردود السابقه افادوك اكثر مني !


7- وبالنسبة للحساسات "السنسر" هل تنصحوني اركبه عن طريق التخريم للدعامية او الي يلزق لزق بالدعامية وشنو الافضل من ناحية وضوح الصوت لاني بحثت عند كذا محل ما عجبني الصوت الي عندهم

انا يوم استلمت السياره من الوكاله كان فيها حساسات ... و بالتخريم
جرب الوكاله .. ما اظن سعرهم غالي كثير .. بس حط في بالك انهم راح يعطونك اياهم مصبوغين بلون السياره !
و بصراحه ما سبق لي و اهتميت بهذا الشي لانه مثل ما قلت لك سيارتي فيها من الوكاله !


هذا الحين كل الاستفسارات الي جت على بالي وسامحوني على الاطالة يا شباب
حياك في وقت .. ما خاب من استشار !

ملاحظة : بخصوص المحلات ياريت احد الاخوة يفيدنا علما بأني من الكويت فإلي يعرف محلات لا يبخل علينا فيها الله لا يهينكم ويرحم والديكم
حدد الغرض .. و انا احاول احدد لك محل معين لهذا الغرض
و انا حااضر بأي وقت .. ولو اني يمكن يطوف علي الموضوع .. بس ارسل رساله خاصه ... و لا يهمك ما تلاقي الا اللي يسرك ! :d

دمتم في رعاية الله وحفظة
:)

---

مشكور اخوي the godfather على النصايح والافادة الطيبة

دمتم في رعاية الله وحفظة

:)