تــصويت لـــتمـديد الإجـــازة

السلام عليكم


اخواني بسرعه كل واحد يصوت حطو نعم

تأجيل الدوام وتمديد الاجازة

http://www.alriyadh.com/section.home.html


تحت على اليسار مربع تصويت صوتو كلكم

وعليكم السلام يا هلا وغلا
يـابو انا من المعارضين عـلى تمديد الإجازة :mad:
يشيخ السنة الجايه ورانا كأس عـالم ما نبي دراسة و البشرية كلها معطلة :d

للأن شي اكيد و 100% اذا طولت الإجازة و خلوها بعد الحج
شي طبيعي ان العطلة الجايه راح تكون جدا متأخره او راح تكون قصيره جدا
يعني راح يصير تعويض

و ازيدك كمان
أول امس في الأخبار في القناة السعودية
أكدوا و قالوا ان هذا الكلام مجرد اشاعة و الدراسة راح تبدأ في موعدها
و ما راح تطول ولا تقصر :cool:

يعطيك العافيه

أنا الحمد لله تخرجت السنة اللي فاتت
إفتكيت بس والله صوتت نعم

طيب واذا طولو الاجازه وش استفدت!!!!

بالعكس راح تضرك لانها فيك فيك وماراح تلتغي من حياتك

واذا ودك تريح يمديك تحذف الترم او تعيد السنه وانبسط وعيش جوك

في احدى الدول سوو اضراب على شان نقصو ساعت العمل

وانتم تصوتون على شان تلتغي الدراسه

فرق كبير وكبير!!!!


ودك تعرف الفرق؟

اسأل واحد كان مستهتر في دراسته واخوياه شادين حيلهم


شفه الحين وين صار وهم وين صارو؟؟؟؟؟؟؟؟؟؟؟؟

:pيا نااس الي يبي يحط نعم يصوت الي ما يبي لا يصووت...

<<< دومتم بود>>>

تم التصويت نعم :cool:

يا ناس يا هووه

انفلونزا الخنازير

مو سهل الله يجزاكم خير

تدري ناس كثير جاها المرض

ومن ضمنهم البطل سامي الجابر الله يشفيه
ويشفي جميع مرضى المسلمين

اللهم آمين

أنا أرى أنه يتم تأجيل الدراسه :)
حتى لا تزداد العدوى

وعليكم السلام
وإلي له 7 شهور في إجازة وش يسوي الصراحة ملل الأجازات أنا ودي تبداء الدراسة مع أنه ما لي دخل بالدراسة لاني متخرج وعاطل الحين بس جو الدراسة غير تحس بمتعه فيه أكثر من الأجازة وطيب لو صوتنا هل راح يلتفتو للتصويت وهذا ما أظنه لان إلي قام بوضع التصويت الجريدة مو وزارة التعليم وإذا هم بيأخذون على تصويت الشعب فـا أقول ردد يا ليل .........

اقتباس:

---

المشاركة الأصلية كتبت بواسطة أكورد فضي

تم التصويت نعم :cool:

يا ناس يا هووه

انفلونزا الخنازير

مو سهل الله يجزاكم خير

تدري ناس كثير جاها المرض

ومن ضمنهم البطل سامي الجابر الله يشفيه
ويشفي جميع مرضى المسلمين

اللهم آمين

أنا أرى أنه يتم تأجيل الدراسه :)
حتى لا تزداد العدوى

---

اشونك تبي تعطل<<<قافطك:d

ياخي حنا الموظفين مالنا دخل بالموضوع :mad:

هذي نتيجه الاستفتاء بالجريدة ولا احد عارف وش اسبابها وطرق علاجها واعراضها ..
هل تؤيد تأجيل بداية الدراسة في ظل انتشار أنفلونزا الخنازير ؟

نعم 89%

48678 صوت

لا 10%

5412 صوت

لا أعلم 1%

552 صوت

يارب ما تزيد الإجازه .. يالله يارب ياكريم يا أرحم الراحمين ياقادر على كل شي
انك تنقص اجازه المدارس عندنا بالبلد .. خلاص بسكم اجازات ..!!
:)

المسافر ،

تدري قبل نص ساعة أو ساعة ألا ربع بالكثير ،

كان المصوتين بنعم 47 ألف وعليها ،

غمّض فتّح ، صارت 48 خخخ

إن شاء الله ما يزيدون الاجازة ..

تدرون أن أكثر دولة في الخليج العربي تأخذ اجازات وراحات وخاصة للطلاب ، السعودية ،

فيه لقاح يسوي مناعه للمرض هذا

وراح يجي لنا من روسيا

وبتلقونه في جميع المستشفيات والمستوصفات

وحتى في المدارس وبعض الدوائر الحكوميه

واذا الله اراد بجيك المرض لو انت في بيتك

والله يشفي كل من ابتلي به ويعافيه

يآرب مايعطونآ اجآزه ,,

حرام نتأخر سمستر

ما نبي اجازة زيادة :p..

كفاية 3 شهور المخ يوقف شغل فيها .. لو يزيدوها 3 شهور كمان معلوم السمستر الجاي الدرجات كلها في الحضيض :eek:..

تم التصويت بـ لا .. مع اني ادري انه تصويت جريدة لا يقدم ولا يأخر ..

نعم 89%
54631 صوت
لا 10%
6100 صوت
لا أعلم 1%
620 صوت

انشاء الله يمددو الاجازه سنه

ياشين الفضاوه والله

:007:

صوتتوا ولا ما صوتتوا ما راح يتغير شي