لاصحاب الخبره بالكورد نصيحه منكم والمقابل دعاء

السسلام عليكم ورحممه الله وبركاته
كيف آلحآل..!

آخواني الله يرضى عليكم آبي رآيكم

انا ناوي اخذ هواندا كورد 2010 ومحتار والله بينها وبين الكامري الفل
بس الاي قاهرني بالكامري كل التكاسي معاهم

والاي محببني بالكورد انها يباني يباني

بسالكم حبايبي الحين الكورد نص فل فتحه
وجنوط وش تفرق عن فل كامل
وكم سرندل النص الفل
وكم سيدي
والمكيف للحين مافهمت وش معنى اكروني ويدوي
المراتب هل هي يدويه او اكترونيه

والشي الاخير الطبلون هل هو زنون او ايش

وننا رحت لمعرض ستارز

وقالو ان سعرها الحقيقي 86 الف ريال
ونا باخذها تقصيد

طبعا بياخذون الدفعه الاولى 10 الف ريال
والقصد الشهري 2015 ريال
والدفعه الاخيره 12 الف ريال
اربع سنوات الفتره

وتشمل التامين الشامل لسياره وظمانها لي

هاه وش رايكم يالربع
وعلموني الاوان الحلوه انا عاجبني لون دم الغزال عنابي يعني احسه خقق
ونتم وش رايكم
انتظركم لاعدمناكم

ياهلا وغلا اخوي ..

بخير عساك بخير ..

اول شي الله يبارك لك في الموتر ..
ومبروك مقدما .. ويعطيك خيره ويكفيك شره ..
ويحميك من العين ..

ياغالي ..
لو قلت لي اكورد واوريون ..
كان اقول ممكن تقارن ها تنبلع شوي خخخ ..

لكن اكورد وكامري , وحتى لو ان الكامري فل !!
بصراحه أنصحك بالاكورد وبشده بالحاله هذي ..
وبالنسبه للالوان يـ ابيض لؤلؤي او عنابي او فيراني .. :)

ومن السعر واضح انك بتاخذ نص فل .. لذلك انصحك بالعنابي ..
العنابي من احلى الالوان للاسيبشل بوجهه نظري ..

بس ياغالي حط ببالك لو انك شخص تهتم للمواصفات كثير ..
وممكن تبيع خلال سنتين او اقل خذ كامري : ) ..

ولو انك شخص تهمك الجوده والراحه الداخليه والراحه بالخط ..
وتبغى سياره لـ 3 او 4 او 5 سنين وممكن اكثر اذا حافظت عليها وحماها ربي من الحوادث والدقات والعين باذن الله ..

عموما خلاصه الكلام ارشح " الاكورد "

الله يوفقك ..
وداعوتك لي سيارتي بتخرج قريب باذن الله : ) ..

في حفظ الرحمن

والله يالغالي .. انا معي اكورد 2008 ستاندر ونسيبي معه كامري 2009 فل كامل
وبعطيك وجهة نظري بالسيارتين وبحاول ماكون متحيز لسيارتي :o
اولا الداخليه :
الاكورد افضل بمراحل من داخلية الكامري والمواد جودتها اعلى من جودة المواد المستخدم بالكامري .. شف اقل مثال البلاستيك بالاكورد تحس من مجرد لمسه انه مصنوع بجودة جيده جدا اما بالنسبة للكامري تحسه قاسي ..
فرق بسيط بالمرتبه الخلفيه .. خاصة عند الرجول تحسها اوسع شوية لصالح الكامري ...
الاكورد كلها ازرار .. والكامري قليلة ازرارها .. طبلون الاكورد احلى ولافي مقارنه مع طبلون الكامري " فرق الثرى عن الثريا "
بالنسبة لمكيف السيارتين ... الكامري اول ماتشغل المكيف ترج السيارة > مدري بكل الكوامري والا بس بكامري نسيبي لانه اخذها للوكاله اكثر من مره وقالوا له سليمه وشئ طبيعي ...وبالنسبة للتبريد الاكورد افضل من الكامري ...
الشكل الخارجي .. الناس اذواق وانا اخوك ... ولولا اختلاف الاذواق لبارت السلع ... بالنسبة لي الاكورد افضل واحلى واكشخ .. بس يظل ذوقي انا ...
بالنسبة للقطع الكامري اقل من الاكورد بسعر القطع .. وغير كذا التويوتا معروف ان في شركات كبيره وكثيره " مدري في صالحها هالنقطة او ضدها " تجيب قطع تجاريه مثل النهدي .. والنجيدي .. وغيرهم ... وتتفاوت درجة الجودة في القطع والاسعا ايضاً
اما الهونداالاسعار شوية غاليه وماعندك الا الوكاله وكم شركة تورد قطعها .. يعني الخيارات محدوده " وهذا عامل مهم لشراءاي سيارة انك تفكر بالسيارة اللي تقدر على مصاريفها وتكاليف صيانتها لو حدث عطل لاسمح الله .. وهذا شئ وارد وليس مستبعد مهما كانت درجة اهتمامك بالسيارة ....
العزم .. متقارب .. ولكن الاكورد لديها فئة الـ 6 سلندر ..والكامري لا...
هذا الي جاء على بالي وحبيت افيدك ولو بشئ بسيط ...
وفوق كل هذا .. استخر الله سبحانه قبل كل شئ ...

لبى قلبك اخوي وماقصرت
لاكن وش قصدك في احتم في المواصفات
وهل الكورد تتحمل وتصبر اكثر من الكامري
وهل تنصحني بنص الفل
وهل السعر مناسب

السيارتين يتحملن وانا اخوك الكامري لو ماتتحمل ماحطوها لموزين
والاكورد تتحمل جودتها عاليه بالمواد المستخدمه في تصنيعها
طبعا ... الكامري ليست يابانيه ...!! انما انتاج استرالي
الاكورد يابااااااااني ...
بالنسبة للفئة اللي تناسبك .. وانا اخوك على قد لحفاك مد رجولك .. شف اللي تقدر عليه وخذه ..
وكلها نفس الشئ بالنسبة للآكورد ستاندر"بدون فتحه ولا كبوس ولا جنوط" والا سبيشل " فتحة +جنوط16 كروم" والا فل كامل "جنوط 17 + فتحه + كبوس+ مسجل 6 سيديات + مقياس حراره + تخشيبة+ مكيف الكتروني" .. كلها اربعه سلندر
الفرق بالاكسسوارات .. والا هن نفس المكينه ونفس القير ونفس البودي

^

هلا اخوي ..تسلم يارب ..

قصدي المواصفات بالنص فل اكورد اقل من الفل كامل ..
النص فل مثل اقل نوع " ستاندر " لكن مضاف له جنط 16 وفتحه سقف ..
لكن الجميل انه بـ 2010 فيه مكيف خلفي وحساسات ايضا ..

اذا فيها مجال تزود الفلوس وتاخذ فل اكيد انصحك وبقوه ..
ولكن اذا مافيها مجال برضوا انصحك بالاسيبشل " نص فل " بصراحه ..

الفرق بين الفل والنص فل فقط بالمواصفات ..
اذا انت تهتم للمواصفات بشكل كبير خذ فل ..
اذا ماتهتم لها كثير وتبغى سياره كشخه وحلوه وواسعه ومريحه بالخط وعمليه جدا وتقضي مشاوير ..
خذ النص فل مومشكله ..


والفرق بين الفل والنص فل ..
فقط مواصفات واكسسورات وزياده فلوس حدود 10 الاف و 12 الف ريال : ) ..
فـ الاكورد الفل مقاعد مخمل بـ 97 الف تقريبا ..
والمقاعد الجلد بـ 99 الف ريال تقريبا ..

اذا فيها مجال تزود فلوسك وتاخذ الفل خذهـ مومشكله ..
لكن اذا ماتقدر مـ انصحك صراحه تضغط على نفسك وتحملها فوق طاقتها ..
فـ السياره نفسها نفسها بالبودي والقير والتحمل و و و و و ..
فالفرق بين الفئات كماليات واشياء مكمله وترفهيه لااكثر ولا اقل ..


موفق باذن الله ..
واذا فيه استفسار بخدمتك ..

دمتـ بود

حياك الله ياخوووي
اول الله يعطيك خيرها وكفيك شرها
انا انصحك بالاكورد
اذا تقدر تاخذ فل حلووو لانه موصفات بين سبيشل والفل فرق واضح
وتري فرق 6 الف
الوصفات الفل
1الفل مراتب كهربائي
2 كشفات وكاله
3 تخشيب
4 6 cd
5 مكيف اكتروني
6 جنوط 17
7 حسسات
8 انا سمعت قوة الكمينه الفل 190 حصان ونصف فل 175
افضل الفل اذا تقدر

صدق الكآمري مآ تليق بـ مقآمكــ

بس كلمة الحق تنقآل حتى لو تنزعل منهآآآ

آذآ آخذت الكآمري آنسى يخرب فيهآ شئ وآنسآء شئ آسمه وكآلهـ وآنـآ مجربهآآآ من 2002 آلين 2010

آمآ الاكورد كل يوم في الوكآله يآ الفحمآت خلصت يآ رجه يآ قلق يآ وجع رآس

ريح رآسك وخذ كآمري آو موتر ثآني

وش الموتر ثآني في بآلك عشآن نعطيك رآينآ . ؟

نصيحة زد فلوسك 4 الى 6 الاف واشتر اكورد فللللل وعش حياتك فررررق بين السبيشل والفل

اكورد وبس وكانك بتشوف موتر غيره شف الالتيما او الاوريون فقط

اخواني ممكن صور اللوان الكورد 2010 الون الؤلي والاسود والفيزاني والعنابي اذا تقدرون
وروني اياه والله لدعيلكم
ودي اشوف الشكل

^
هلا اخوي شتات , ابشششر .. :)
تفضل ياغالي \

اللؤلؤي :

http://carbl.com/im/2007/08/2008-hon...-11_450_op.jpg

http://www.fannat.com/news/New-Honda...s/image002.jpg

.
.

الأسود :

http://www.q-moon.com/uplodar/uploads/bb498f2da2.jpg


http://www.psuae.com/vb/uploaded/525_1248128001.jpg


.
.

الفيراني :

http://www.q-moon.com/uplodar/uploads/f7ff507a20.jpg

http://farm3.static.flickr.com/2097/...00b718d794.jpg




.
.

العودي :

http://up.arab-x.com/Jan10/zl832859.jpg


http://www.kai02.com/up/upfiles/hvO51410.jpg


دمتـ بخير

حراام عليك ماافي مقاارنه بتندم من جد لو اخذت كاااامري

خذ اكورد او اوريون او التيما

الكاامري طلعها من الحسبه سيارة فاشلة

الكامري اول مافيها خرابات وانا اخوك قبل موديل 2007 يعني الشكل الجديد كله خرابات مصنعية وخرابات مع الزمن>>الدعسة تعلق الزيت ينقص المكيف مخيييييس ولا يبرد مع انه ورا وقدام>>واحد من العيال شاري الموتر معي ومع ذلك مغير فحماته قبلي؟؟؟؟
وغير كفرات الوكالة لأنها مخيسة على قوله وغير البطارية لأنها خلصت >>موديل السيارة 09 والله على ما اقول شهيد
"الكامري كانت صح يوم كانت تصنع في اليابان اما الان لا تعليق"
""وشي لا تعور الراس ترا مشاكل الاكورد الرجه اذا ضغطت فرامل على سرعات عالية والفحمات مقارنة بغيرها فقط لكن فيه بعض الناس يكبر المشكلة ويقول ما تمشي الفحمات الا عشرة الاف ومدري كم"

نصيحتي اكورد او اوريون او التيما فقط لاغير>>وكانك بتدخل الكوريلا فهي ارحم من الكامري

معليش بس .. اتمنى تطلعون الالتيما من الحسبة ...
سنه والا اثنين من الاستخدام وانواع الهربده والخرابات .. تبدأ بالكمبروسر وتنهي بالقير :d

السلام عليكم

الكامري سيارة جميله وتتحمل وخاصه شكلها الجديد ومميزاتها والله سيارة ابدعو فيها بس مع ذلك عندنا الكامري ياحنسات ولا تكاسي ولا خواجات يعني مظهرك فيها ليس افضل من الاكورد

الاكورد تجي ياطويل العمر فئات متعدده

انت الظاهر تبي 4 سلندر

فيه اطثر من فئة

الفئة الفل كاملة المواصفات

مراتب الكترونية
فتحه
مكيف الكتروني
6سيديات
7سماعات
مقابظ نيكل
جلد
المرايات تتصفط اذا قفلت السيارة
تخشيبه
تجليده عالقير
جنط 17
والكثير

اما الفئة الي تحتها نفس المواصفات بس ينقصها
الجنط 16
نو تخشيب
نو فتحه
نو مقابض نيكل
مراتب هندل
قماش مهب جلد


وعاد السوح هذا ابعد عنه كنك راكب تيرسل

هذا والله اعلم

ان اصبت فمن الله وان اخطات فمن نفسي والشيطان
شكرا