سعر أكورد 2011 جديدة ؟

السلام عليكم

شباب حبيت أسأل عن سعر الأكورد 2011 جديدة حاليًا .
ستاندر

أي لون ما تفرأش :d:d

بإنظاركم :)

ما اظن انك بنحصل 2011 اصفار

وايضا 2011 نفس الـ 2012
يمكن تقصد الـ 12

وبخصوص اللون اناا اشوف الفيراني احسن لون

في النهار فيراني وفي الليل اسود

^^
أها
طيب يا شباب
2012 كم سعرها ستاندر ؟
وكالة و معارض ؟!

يعطيكم العافية :)

اكورد 2011 (4) سلندر فل ابشن بشاشه راح تلقاها بـ 80 الف تقريباً

اكورد 2012 (4) سلندر ستاندر ( سياحي ) جديده بـ 82 الف في الوكاله

اكورد 2012 (4) سلندر ستاندر ( سياحي ) جديده بـ 80 الف في المعرض

اكورد 2012 (4) سلندر فل ابشن بشاشة + ديفي دي جديده بـ 115 الف تقريباً في الوكاله

اكورد 2012 (4) سلندر فل ابشن بدون شاشة بدون ديفيدي جديده بـ 100 الف تقريباً في الوكاله


ملاحظات :

1- 2011 (4) سلندر ماراح تلقاها جديده لأن مضى عليها سنتين

2- اكورد 2011 نفس اكورد 2012 بضبط مافي اي اختلاف ولا قطعه

3- إذا ماتقدر تاخذ 2012 فل ابشن .. نصيحه لو انا منك اخذت 2011 فل ابشن مستخدمه ارخص وفيها كل المواصفاتوافضل من سياحي 2012

4 - الفرق بين المعرض و الوكاله 5 الالف تقريباً لصالح المعرض طبعاً

^
و الله يا أخوي الوالد يقول تأخذ سيارة صينية و لا تأخذ سيارة مستعملة
حتى لو إستعمال " أخوك " !!


و الله أنا سألت عن الستاندر و الفرق
قالوا لي ما فيه فرق جوهري كلها إكسسوارات ركب منها اللي تبغى
صحيح هذا الكلام ؟

لو اروح الوكالة ألاقيها بـ 82 ألف ؟

كم العمر الإفتراضي لها ؟ الإستخدام طفيف مررة .

ايش اللون اللي ما تنصحون فيه ؟

مواصفات الفل اوبشن :

- فتحة سقف ( فتح تنده )
- جنوط 17
- تخشيبة
- تشغيل 6 سيديات
- اسيات جلد
- تحريك الأسيات توماتيكي
- تحريك وسفطها المرايات توماتيكي ( بالأزرار )
- جناح
- ازياج
- مكيف اللأكتروني ( باللمس )
- تسخين مراتب


مواصفات الأستاندر ( سياحي ) :

- بدون فتحة سقف
- بدون جنوط ( اطياس )
- بدون تخشيبه
- تشغيل سيدي واحد فقط (1)
- اسيات مخمل
- تحريك الأسيات يدوي ( باليد )
- سفط المرايات يدوي ( باليد )
- مكيف عادي ( يدوي )



مميزات الوكالة :

إذا بتاخذها من الوكالة راح يعطونك
- اغراض السياره من قلم و صندوق الصيدلية .. آلخ
- ريحة الوكالة موجوده في سياره
- السياره راح تكون اصفار ماحد حركها
- راح يعطونك كوبونات و عروض مثل حماية الطبلون و الوجهيه
- سعرها في الوكالة حالياً بـين 82 الف الى 85 تقريباً


مميزات المعرض :

إذا بتاخذها من المعرض
- ماتضمن اغراضها معاها او لا
- في المعرض نادر تلقى اصفار احيانا تلقى سياره ماشيه كم كيلو
- ماعليها لا كوبون ولا عروض
- مافيها ريحة وكالة
- راح تلقى سعرها في المعرض ارخص من الوكالة بـ 5 الاف تقريباً
- يمكن تلقاها في المعرض بـ 80 و نازل


اللون على حسب ذوقك انت
اسود ملكي - في رمادي ( فاري ) - كحلي - عنابي - عودي ( بني محروق ) - فضي فاتح -ابيض ساطع


ملاحظات:

- اللوان الفاتحه من عيوبها انها مستهلكه و كثير تشوفها في شوارع لكن من مميزاتها ان الغبار و الحكات ماتبين عليها

- اللوان الغامقه من عيوبها يبغى لها اهتمام اكثر و غسيل و تجذب الحراره لكنها في نفس الوقت مميزه و تلفت لنظر

- اخوي انا انصحك تتمعن على هذا رابط حتى تعرف مواصفات الأكورد بأنواعها بشكل ادق و اوضح
http://www.hondaarabia.com/club/t57347/

- الأكورد سياره عملية من الطراز العالي وقوية و سواقتها ناعمه جداً و إذا كنت راعي اهتمام و بتحافظ عليها راح تضل معاك 7 سنين و فوق

نسيت الاسبيشل افضل من الستاندر

مميزاتها فتحه و جنوط 17 ويمكن كشافات افضل من السوح

وسعرها فرق عن الستاندر حول 4000 او 5000 ريال

الشبك الرياضي + جناح + ازياج +كشافات

هذي مجانيه من الوكالة
يمديك تطلبها ويمديك ما تحطها على حسب اذواق الناس

يعني لو تأخذ استنادر وتركب لها هالحاجات

وتدبر جنوط وتخشيبة صارت فل مخمل ..