عرض للطباعة
السلام عليكم ورحمة الله وبركاته
كيفكم يا أصحاب الاكوردات
لو سمحتوا يا الغالي عند استفسار بسيط جداً أنا معي اكورد 2006 توي شاريها
وودي أغير زيت القير >>> طيب وش نسوي لك خخخخ
س 1 : هل اغيره عند الوكالة والا اي محل وكيف الطريقة لاني قريت رد لبعض الاخوة
انه تنقص شوي وتزيد شوي يعني الدعوة حوسه ودي بحل مقنع .
س 2 : وش افضل الزيت حق المكينة .
ولكم كل الشكر والتقدير ..
حبيبي زيت القير ياخذ عليك ثلاث علب طبعا تاخذه من الوكاله
سعر العلبة بـ 45 ريال = 135 ريال وتغييره عند البنشري
لكن لابد تغير الفلتر الخارجي حق الجربوكس مو تسوي مثلي
رحت للوكالة ابغى فلتر يقولي مايتغير اثاري لها فلترين خارجي وداخلي
الداخلي مايتغير الا لما توضب الجيربوكس وسعر الفلتر عند قطع الغيار 100 ريال
اما زيت الماكينه فانا محتار مثلك بين زيت هوندا وبين زيت كاسترول
اتمنى اني افدتك
السلام عليكم ورحمة الله وبركاته
الف الف مبروك على السيارة والله يعطيك خيرها ويكفيك شرها
وهلا غلا فيك في منتدانا تفيد وتستفيد
بالنسبة لزيت الجيربوكس لا تفكر تغيره الا في الوكالة وخلك من ابو يمن والبناشر
الوكالة تعطيك ضمان على شغلهم اي مشكله في القير تتحمله الوكاله
زيت المكينة اولا زيت هوندا الاصلي وثانيا زيت كاسترول
غير زيت القير في الوكاله
وزيت المكينه أفضل شي زيت هوندا
بتوفيق أخووي.
بيض الله وجيهكم والله يعطيكم العافية
طيب كيف الطريقة عن الوكالة هل هو موعد مسبق والا على طول ..
وكم يأخذون اذا بغيت اغير زيت القير ولكم تحياتي ,,
انا قبل رحت لهم على طول بدون موعد والعصر بعد وصليت المغرب عندهم وبعدين جاء وقت سيارتي لأنهم قالوا لي بنشتغل فيها بعد المغرب وبدلت الزيت في ربع ساعة ومشيت اذكر اخذوا 183 ريال
ومع ان في شباب سعوديين يعجبونك في الوكالة قالوا لي كان كلمتنا نشتغل في سيارتك من بدري لأن مافي زحمه وقتها في الصيانه السريعه حاول تكلم لك كم واحد يمكن يضبطونك بسرعه لكن الصباح معروف زحمه ولازم تنتظر دورك
الله يجزاك كل خير يا الغالي ..
وربي لا يحرمني منك
جزاكم الله خير ... شكلي بروح للوكاله بس المشكله لو يغيرون الفلتر الخارجي مدري الداخلي ويفكونا ..
^^^^^^
الفلتر الخارجي الي يتغيير مو الداخلي انتبه لاتجيب العيد في الجير :d
والباقي مثل ماتفضلو اخواني الاعضاء
بالتوفيق يا الغالي