اصبع البطاريه

السلام عليكم شباب ارجو ان تساعدوني
انا كنت ابغير البطاريه ومع التركيب ابو يمن قطع الاصبع النحاس من الشد الزايد وركب لي واحد نحاس من عنده بس احس ان تشغيلة سيارتي اضعف مو زي اول على طول تشتغل
علما ان بطاريتي 55 امبير
ارجو مساعدتي وشكرا

ولا احد يعرف:(

أنا غيرت الاصبع عندي جلس معي شهور

بعدها جيت أشغل السيارة مارضت تشتغل معي

في الأخير طلع الاصبع ماعاد يوصل كهرباء

فنصيحة مجرب

غيره من الوكالة وخل عنك النحاسي

وكم يكلف وهل يحتاج شغل كثير

ياشباب كرهت سيارتي ناس تقول الدنمو وناس البطارية قسم بالله حوسه ما بعدها حوسه

اطلع الوكالة وخذ لك اصابع جديده, وركبها بنفسك.

ماادري عن سعرها لكن اكيد غاليه بس لك وللزمن افضل من حقت المحلات إلي مثل ماوضحت ماتوصل كهرباء وبعد فتره تتكسر من الترسبات وتنعدم!.

إذا اصبع الوكالة مكسور استبدله بقفيز إذا تعرفه انا مركب واحد وماشي وضعها. ;)

إذا ماتعرف تعال التجمع اضبطها لك (إذا كنت بالرياض). :)

للتوضيح القفيز هو قطعة حديد دائرية الشكل, تستخدم لشد الليات سواء للغاز او للسيارة, وهذه صورة توضح القفيز.

http://www.mdparts.com/product_image...clamp18157.jpg

طبعا ً سعره مره رخيص بريال او قطعتين بريال, حسب راعي المحل.

ومثل ماذكرت لك إذا كان اصبع الوكالة مكسور من عند المسمار تقدر تركب القفيز وتشد عليه ويعتبر مثل المسمار. :)

ركب اصبببببببببببببببع الوكااااااااااااااله ،،
وخل شغل ابويمن
تحيتي ،،
اميررر،،

لا اظن اني اقدر اركب قفيز لانه مقطوع من الراس برايكم السبب البطاريه 55 امبير ام الاصبع
الجديد يجي كامل حول 500 ريال
واخ امير الاصبع يجي كامل مع الاسلاك مو بس الراس النحاس

؟؟؟؟؟؟؟؟؟؟انتظر هل هو سبب 55 امبير لا الكهربائي يقول الا صبع الجديد يوصل كهرباء

ابشركم تم تغير اابطاريه وخسارة حول 300 الله يعوضنا خير

الله يعوضك خير يارب والحمد لله عدت على كذا .
بس سؤال : أنا أول مرة أسمع ان فيه ضفدع أصفر أعرفها أخضر وبني >> على أساس عايش كل عمره مع الضفادع..:d

و الله يالحبيب انا مركب اصبع ابو 10 ريال له سنه ماشي زي الحلاوة و لا فيه مشاكل و لا شيء تأكد انو مركب زين

والله ابشركم السيارة رفضت تشتغل بالمره ويطلع لمبه البطارية بالطبلون مع اني امس ركبت اسي دلكو 60
شكل الاصبع ابو عشره مايوصل كهرباء الله يعين

شووووف المشكله هذه دائما ما تكون من الاصبع ما يوصل الا كهرب ضعيف فــ تشتغل اضاءه الطبلون

لكن السياره ما تشتغل فـ انصحك تروووح لــ كهربائي فاهم و يركب لك اصبع ابو 10 ريال يركبه مضبوط

و مالك الا تشغل السياره ( دور لك اصبع ابو عشره اصلي )

الغريب السيارة الكهرباء يشتغل الا بس ما تدق سلف فقط وتم نقلها لورشة وننتظر الله يعين

المشكله ما تطلع من حاجتين

* فحمات السلف خربانه >> 60 %
* الاصبع ما يوصل كهرب كافي لتشغيل السياره >> 30%
*امور اخرى >> 10 %

ربي يعينكــ

ابشركم طلع السلف محروق ويبي جديد الله يستر بس

الله يعينك سعر السلف الظاهر بـ 3500 تقريبا شووووف التشليح ارخص لك

. . . طيب ما فيه امل يتصلح

ابشركم تم اصلاح السلف بعد خسائر كم بطارية وتغير الفحمات تبع السلف وتصليح شي ثاني بالسلف نسيت اسمه والحمدلله
شكرا لكل من تفاعل معي جزاكم الله خيرا