وش ضار معي بعد ماغيرت الفحمات وخرطت الهوبات

السلام عليكم ورحمة الله وبركاته . حبايبنا أعضاء منتدى هوندا ,,, انا اول سيارتي لما تمشي بها على 120 وتضغط الفرامل تحس يكون هناك رجه وتحس فيه رجات شوي ... المهم رحت لميكانيكي قال خرط هوبات وتغيير فحمات ... رحت وخرطت الهوبات وغيرت الفحمات .. لكن المشكله اللي معي الان هي انك لما توقف عند إشاره اوي أي شي بس تكون واقف تحس برجه خفيفه وتروح مع المشي ..رجعت للميكانيكي وقلت له السالفه قال هذه طبيعية جدا فلا تخاف اهم شي أنت خرطت الهوبات وغيرت الفحمات قال أوكي توكل على الله ماعندك مشاكل بإذن الله ... فلا تقلق هذه طبيعية مع الهوندا ... انتم وش رايكم شباب ... عطونا رايكم ...

الرجة هذي مالها دخل في الفحمات والهوبات ..

احتمال كبير كراسي المكينة ..

اذا خفيف الرجة خلها تمشيك كم كيلو ..

اذا قوية غيرها ..

و عليكم السلام ورحمة الله وبركاته

اخوي دام ان الرجال خرط الهوبات وفتوكل على الله واما من ناحية الرجه وانت واقف فهذا شي طبيعي خاصة اذا كان القير على D
وترى وانا اخوك ترى في النهاية سيارة هوندا مو مرسيدس والا بي ام >> كيف التحطيم :d

الشغلة طبيعية خليك ربي

شف اخوي بالنسبة للرجة وانت واقف مالها علاقة بـ الفحمات

ودامها في حدود المعقول فـ هي طبيعية في الهوندا

يعني اذا كان الضغط فوق 750 فـ وضعك في السليم

ومايمنع انك تشيك على كراسي المكينه ..بس لاتستعجل في التغيير لانها غاليه


وبالتوفيق...

والله ياجماعة الخير انا سافرت نهاية الأسبوع الماضي لأني كنت داخل المدينة الرياض فتعرف أحيانا ماتختبرها كويس إلا بالسفر .. فسافرت بها فصراحة ماتغير شي الرجه هي هي مع سرعة 120 كلم لما أظغط الفرامل تحس برجه قويه الموتر يقوم ينتفض فمارأيكم شباب الله يعطيكم العافية ... وهذا بعد خرط الهوبات والفحمات ...

هاه ياإخوان وين ردودكم ... تكفون يااعضاء هوندا

منتظرين الردود ياجماعه

اخوي المشكلة في الهوبات لا شك والميكانيكي ماظبطها لك

اذا السيارة لسا ضمانها شغال خل الوكالة تغير لك الهوبات

والرجة الخفيفة عند الوقوف هذي من كراسي المكينة لكن لاتشغل بالك الا اذا زادت عن حدها وصارت قوية