الدينمو احترق والسبب زيت الدركسون
السلام عليكم اخواني
انا راجعت الوكاله قبل اسبوع وتم اصلاح تهريب زيت الدركسون ومشكله الليات المعروفه
وطبعا كانت على حساب الوكاله وكان سعر القطع مع شغل اليد 2200 ريال وكنت مبسوط
اني مادفعت شي لكن يافرحه ماتمت:mad:
وانا مسافر من جده للطايف فجأه اشتغلت لمبه البطاريه وكملت طريقي رغم اني حسيت فيه شي غريب في السياره
واول ماوصلت البيت طفيت السياره على طول وطنشتها لليوم الثاني:d
واول ماشغلتها الا واسمع فيها صوت غريب وافتح الكبوت الا واشوف الدخان يطلع من الدينمو
والزيت يطلع من علبه الدريكسيون على شكل فقاعات وفكيت غطاء العلبه وطلعت كميه من الزيت وبعدين وقفت
والدخان مستمر من الدينمو حتى طفيت السياره وبعدين جبت لها كهربائي في البيت وقالي المشكله من الدينمو
روح جيب واحد جديد واركبه لك قلت له بكم قال 200-300 ريال وانا اضحك واقول انت ماتعرف الهنادي اقل شي 3000 يمكن واروح للموزع وكيل عبدالله هاشم في الطايف وانواع الدجه عنده وقالي مافيه اصلا
قلت له كم السعر قالي 5004 ريال ينطح ريال وقلت كفو يالهنادي هذا خبري فيك :mad:
ومافيه الا في جده او مكه
والان السياره في حاله وفاه دماغيه الحل يا اخوان
هل الدينمو يتصلح
وكم سعره في الوكاله لاني ماني متاكد من سعر النفيعي موزع الطايف
وكم سعره تشليح
وهل الوكاله تتحمل المشكله هذي لانها بعد تغييرهم لليات جت الطامه
وخروج الزيت من العلبه هل هو بسبب زياده الكميه داخل العلبه ام له اسباب اخرى
ولو غيرت دينمو جديد يمكن يطلع الزيت ويحرقه مره ثانيه
عارف اني طولت بس هذا كل اللي في راسي
وباقي اسمع تجاربكم وارائكم والمشكله ان الصيانه وقطع الغيار مسكرين من وقت حدوث المشكله ولابيفتحون الا بالسبت والا سالت عن السعر