جيب Mrv-2008 .. الزيت ينقص ؟؟؟

:(السلام عليكم يا شباب ..
كنت امس اشيك على زيت المكينه وسحبت العيار وجدت انه شبه ناشف من الزيت الا حاجه بسيطه في رأس العيار رحت للبنشري عشان اشيك على السره والفلتر من الاسفل كانوا الحمد لله مافيهم اي تهريب او ترشيح .. ورجعت للدليل وجدت فيه ان الزيت ينقص لتر واحد بعد كل 1000 كيلو خصوصا اذا كانت السياره جديده ما ادري هذا الكلام صحيح ولا لا ..

1 - نوع الزيت اللي استخدمته اخر مره هو زيت المقلب ان صح التعبير هو castrol - magnatec والله ما يستاهل قيمته 40 ريال للعلبه الوحده وما شي عليه تقريبا 6500 .. طبعا سالت اخويه عنده اكورد 2005 يقول لي انه يغير الترا 7 ومقارب على ال10000 كيلو ولا نقص عنده الزيت .. والله اني مغبون ومادري ايش اسوي اروح للوكاله ولا هذا طبيعي .. وش تنصحوني فيه ؟؟ وايش الزيت الافضل للتغبر .. وجزاكم الله خير

وعليكم السلام ورحمة الله وبركاته

اخوي اتوقع سيارات الدفع الرباعي تستخدم زيوت لزوجتها اعلى من اللزوجة اللي تحتاجها السيارات الثانية
راجع لزوجة الزيت اللي تستخدمه اللحين وقارنها باللزوجة المناسبة لسيارتك في دليل المالك

وعطنا خبر لا هنت عشان نستفيد

اقتباس:

---

المشاركة الأصلية كتبت بواسطة B Unique

وعليكم السلام ورحمة الله وبركاته

اخوي اتوقع سيارات الدفع الرباعي تستخدم زيوت لزوجتها اعلى من اللزوجة اللي تحتاجها السيارات الثانية
راجع لزوجة الزيت اللي تستخدمه اللحين وقارنها باللزوجة المناسبة لسيارتك في دليل المالك

وعطنا خبر لا هنت عشان نستفيد

---

شكرا لك اخي على تفاعلك بالنسبه للزوجة الزيت المناسبه للسياره كما في الدليل :

( W-40 خمسه ) أو ( W-40عشره ) أو (W-40 خمسطعش ) :d .. طبعا وأعلى من كذا .. بالنسبه لزيت كاسترول ماجنيتك W-40عشره والان انا غيرت زيت الترا 7 واللزوجه حقه W-50عشرين اعلى طبعا ... بس لا تنسى ياغالي انا ماشى على الكاسترول مجناتك 6500 او تزيد .. هل هذا الشي سبب في النقص ؟

اكيد اخوي انا اول معاي فكتوريا وكل ما اجي بغير الزيت (5000)ينقص نص لتر او زياده طبيعي لانه يتاكل مع بعضه وكل ما الزيت طول فترة اطول كل مايصير سائل ويفقد لزوجته اكثر مع الاحتكاك والحراره ويخف وزن الزيت طبعا
لكن مانت خسران شي روح شوف الوكاله :)

اقتباس:

---

المشاركة الأصلية كتبت بواسطة سحآآب

ورجعت للدليل وجدت فيه ان الزيت ينقص لتر واحد بعد كل 1000 كيلو خصوصا اذا كانت السياره جديده ما ادري هذا الكلام صحيح ولا لا ..

---

اذا الكلام هذا مكتوب في دليل المالك وش المانع انه يكون صحيح ؟!

:)

انا عندي هوندا اكورد 2006 ونفس المشكله النقص ورحت الوكاله وراح طلع دليل السياره من الشنطه وقال لي ان هذا الكلام كلام الوكاله وارسلنا لهم اميل وردو عليهم ان يقوموا برماجعت دليل السياره والله اني ماني مقتنع بس ابمشي عليها والله لوتبوش لجيب العيد فيهم واشهر بهم وعلى الله الاتكال صار مستوا السيارات في الحضيض احسن الواحد ياخذ كوري والله صارت السيارات في مستوا الكوري ويمكن صارت السيارات الكوريه احسن ...........

السلام عليكم
يأخي أنا عندي نفس المشكل و عند سيارة هوندا سفيك 2004 و أعاني من نفس المشكل مع أن الجزائر تنتج أحسن الزيوت العالمية.