نصيحة للي يبغى يشتري سيارة جديدة من الوكالة وخاصة اللون الاسود
أولا احب اسلم على جميع الاخوان الاعضاء والمشرفين اللي موجودين في هذا المنتدى الرائع جدا واتمنى ان الجميع بخير وصحة وانا بصراحة استفدت كثييير من خلال هالموقع بمعلومات ماكنت اعرفها :o..... ولكن مابغى اطول في المقدمة وراح ادخل في الموضوع واللي حصل معي انا شخصيا من غير اي مبالغة......
الموضوع ياشباب كالاتي انا والحمد لله وبعد توفيق من رب العالمين طلعت سيارة من الوكالة هوندا اكورد 2010 فل كامل اللون اسود قبل تقريبا اسبوعين ولكن حصل معي كم حاجة وحبيت اني اذكرها لكي يستفيد منها الاخوان وخاصة ياللي ناوي عالجديد من الوكالة.
أول ماجيت الوكالة علشان استلم السيارة وطبعا كنت متحمس ومبسوووووووط :d نزلت انا والمندوب الله يسامحه :mad: علشان نشيك عالسيارة واوقع اوراق PDI لاحظت وجود خدوش كثيرة على البودي وخاصة في الكبوت والشنطة... الخدوش هاذي تجي من تمسيح السيارة بقماشة معفنة ووسخة :mad: من الغبار وهاذا اللي صار... العامل اللي مسح السيارة قبل مااستلمها وخاصة انه عليها غبار خرب ام الدنيا وعمل خدوش عالبودي وبالاضافة للخدوش وجود بقايا الشمع اللي بيجي من الستكر الابيض تبع المصنع :eek: وبغيت اهون عن استلام السيارة وحسيت بخيبة اما بعد ماكنت متحمس :(المندوب قالي ولايهمك احنا حنسجل هالملاحظات على ورقة الاستلام وندخل السيارة عالتلميع عندنا بالوكالة واحنا عندنا مواد خاصة بتشيل كل هالامور :confused: قلت اوكي خلينا نشوف موادكم ...... وبعد التلميع ولما شفت السيارة بالشمس يعني تقدر تقول ان الخدوش خفت بنسبة 70% ولكن جزء صغير من الشمع اللي على الزيج الاسود اللي على سقف السيارة ماراح يعني كانك شايف بقعة بيضة على الربل الاسود اللي على السقف من الجهتين وقالي مسؤؤل السمكرة ان هاذي البقع ماراحت ولازم نغير الربل الاسود كله على الجهتين (الزيج الاسود) :mad: ولكن للاسف اكتشفت امور اعظم على ضوء الشمس واللي هي:
1- الجلدة اللي تكون حول الزجاج الخلفي من بره طالعة شوي .
2- الجلدة اللي تكون تحت الزيج الاسود اللي على السقف جزء منها داخل جوه تحت الزيج :eek: طبعا انا مابينت معي هالامور الا بالشمس.
3- البلاستيك الامامي اللي يجي تحت المساحات في اجزاء منه مشهبة ولونها على بياض .
طبعا بعد ماكلمت المندوب مع مدير الصيانة قالولي خلينا نشوفلك حل فيها والموضوع صار بين الصيانة وبين المعرض كل واحد يرمي المشكلة على الثاني واحد يقول هاذي الشغلات صارت من التلميع يعني الحق على الصيانة والصيانة يقول الحق على المعرض لانه هاذا سؤء تخزين علما بان السيارة مصنعة من 6 شهور تقريبا وانا ضايع بينهم وقلت لهم حلوها بينكم انا في النهاية ابغى السيارة تكون اوكي :mad:
طيب نجي نلخص الموضوع مع النصائح:
1- قبل ماتستلم السيارة من الوكالة افحص كل شيء فيها جزء جزء ودقق على كل التفاصيل الصغيرة انشالله تقعد ساعة المهم انك تطمئن.
2- لاتستلم السيارة ابدا في حال وجدت اي ملاحظة حتى لو كانت صغيرة واطلب تغييرها.
3-لاتفحص السيارة الا تحت ضوء الشمس وخاصة اللون الاسود لانه السيارة بيسلمك اياها من القبو (Basement) اطلب من المندوب انك تشيكها برى وعلى ضوء الشمس حتى تشوف كل شيء بوضوح ومايصير فيك مثل ما صار معي :(.
4- لاتكون جنتل مع الموظفين لانهم بيحرجوك وبيصرفوا الموضوع وبيأجلوه لبعدين وبتروح عليك السالفة.:p خليك شديد واطلب حقك مظبوط وبعقلانية.
وانا اسف عالاطالة بس والله حبيت ان اذكر بالتفصيل كل ماحدث معي لكي تعم الفائدة للجميع وانشالله ماحد يواجه مشاكل منكم وانا سعيد جدا لتواجدي في هذا الموقع الرائع والمفيد ودمتم بخير. :)
