كم سعر صيانة الـ 100000 ؟؟

السلام عليكم

شخباركم يا هناديين :d

شباب ماودي اطول بالسالفه

معي اكورد 2008

كم سعر صيانة الـ 100000 ؟؟

و مشكورين مقدما :)

وعليكم السلام

الصيانه قيمتها تقريبآ 1200 ماتتعداها

ومافي أشياء هامه تتغير سوى البواجي وزيت المكينه وزيت القير والباقي فحص الانوار الاماميه وفحص الأنوار الخلفيه وماالى ذالك


أنا ماانصحك تسويها لان لو تحسب قيمة البواجي تقريبآ الحبه بـ 42 ريال يعني تقريبآ 300 وزيت القير أيضآ 300 وزيت المكينه 110 يعني كلها 700 ريال , والوكاله راح تأخذ عليها 1200 !!!

أنا قبل كنت بسوي الصيانه لكن فكرت فيها و اشتريت القطع من الوكاله وغيرتهم في ورشه

والحمدلله كل شيء تمام وأذكر اني خسرت 750 ريال يعني نصف القيمه وأزيدك من الشعر بيت

غيرت فلتر البنزين { سعره بالوكاله حول الـ 280 ريال} وماء الرديتر { الجالون بـ50 ريال + 3 علب ماء مقطر }

وبغير فلتر المكيف وفلتر المكينه وزيت الفرامل وزيت الدركسون لي شهر اقول بغيرهم وماغيرتهم للحين <- كسلان :)

أنت شف ايش الي تحتاج انك تغيره واشتري القطع من الوكاله وغيرها برآ هذا افضل حل

وموفق ان شاء الله ..

8
8
8
8

مشكور و ماتقصر اخوي

والله انك صاادق

لا و يقالك يعني يبون يلعبون علينا هالوكاله

مسوين عرض على الفحمات الخلفيه مجانا

صح انه اوفر انك تسوي الصيانة برا .. و ان معدات الوكالة لسيت مغسولة بماء زمزم

بس تصدق بالله .. انا رحت للورشة الي يمدحوها الشباب في المنتدى .. ورشة الجنوب - الصناعية الشمالية - جدة .. و الي صار معاي

1 - فلتر البنزين لما ركبوة ضيعوا واحد من المسامير ، و بكل بساطة و هو مستهتر ، حط لي مسمار من عنده و مو نفس مقاس المسامير الاصلية .. التكلفة : كان ممكن السيارة تشب و انحرق انا و الي معاي

2 - غيرت الاقمشة و خرط الهوبات ، و الله كنت اعاني و لما اهدي اسمع صوت كان فيه جلد او جديد يحك ببعضة ، لما رحت الوكالة اتضح لي انهم ماخرطوا الهوبات تمام و هذا بنفس الوقت خرب لي القماش الجديد .. رحت خرطة بالوكالة و انتهى عمر الهوب ( لانه 3 خرطات و بعد كذا ماينفع ) .. و التكلفة الحين : غيار هوبين امامية + اقمشة امامية .

3 - ركبت عندهم السير حق المكينة : طبعا ركبوا السير بعنف و تصقيع و مضاربات .. لكن الحمد لله ماني شايف له اثر الحين

4 - المهندس ( صاحبي ) الي بالوكالة يقول لي لما جينا نفك البواجي بالقوة فكيناها لانها كانت مربوطة بقوة .. و على لسان المهندس يقول " هذا ربطها برجلة " .. يعني تخيل لو صار شي بالمكينة !

على العموم غيرها الكثير و الكثير ..

نصيحة لوجة الله ، ياخي انت بتدفع 1200 ريال لمره وحده كل 100 الف مثلا و المره الثانية راح تدفعها على 200 الف بإذن الله ، دخل السيارة الوكالة و خليهم يسووها ، و اذا صار شي لا سمح الله بسيارتك ، بكل بساطة ترجع لهم و تنشب بحلوقهم ، لا تنسى انه معاك الفواتير و انه هذه القطع محد فكها غيرهم ( بواجي - سير - فلتر بنزين ) يعني التهمة ثابتة :)