هوندا 6سلندر وكابرس ss

السلام عليكم
شباب وش تنصحوني هوندا 2005 6سلندر ولا كابرس 2006اسس

مايبي لها مقآرنه ... ss

انت واحد تبي موتر لك وللزمن

اكورد

تبي موتر كل اشوي موضب قير ولا مكينة خذ لك كابرس

لأنه الكابرس قيره مايتحمل لازم تركب مبرد اشوي ترانزقو اشوي تغير كلشات اشوي تركب حزام رياضي


خذ لك الأكورد اصرف بواجد

وخل عنك القومات ماوراها الا خساير الفلوس على الفاضي

اكورد لك ولزمن

شوف صراحه ع حسب ميولك
اذا انت دفيع وراعي فلوس وتحب الصناعية وتحب الدعس والجكر خذ كابرس بلا منازع(لكن تأكد انه راح يجي موتر ويدق خشمك) :d

واذا تبي خدمة وش ياباني خذ اكورد واذا بتطيعني أكثر لا تأخذ 6 سلندر
لأن الستة اذا مو انت اللي مطلعه من حوش الوكالة راح تتعب إلا إذا كان نظييييييييييف جداً ومخبور

...................حبيبي مجنن الاكورد أتمنى أكون أفدتك

بغض النظر عن المقارنة ابعد عن الكابريس حتى لو كان جديد فمبالك بمستعمل !!

للعلم كان معاي كابريس اس اس 2005 اسود باختصار هبل فيني :p ((مطلعه وكالة جديد من الجميح ))

عليكـ يالاستخارة

بالتوفيق

ss يأبوي وأخ بس ..
ومايبلها مقارنة اتلصراحــة ..
ولكن لزم تحافظ عليه وتهتم فيـه بشكل كبيسـر ..
تحيــاتي

مايبيلها اثنين يتكلمون خــذ الكابرس
ولو ان الكورد 2006 وطالع كان قلنا خذ اكورد

بس لا تتردد خذ الكابرس

لو أنهأإ 2007 كأإنــ أنقولــ كأإبرس ما فيهـ مقأإرنهـــ آبـد آبـد

بس 2006 خربأإتـــــ كثيرررررررررررهـ

والله الاكــــــــــــــــــــــــــــــــــــورد ارحـــــــــــم

الكابرس مانصحك فيه لانك اكيد تعرف الخرابات الى تطلع فيه؟

أنا عندي شكل الـ ss موديل 2006 أحلى من الجديد ;)

لاكن ما أدري عن خراباته

يا حبيبي انا جربت الكابرس صراحه فخامه وشكل مافي احلى منه ومكينه تعطيك ومافي احد يقدرلك على الخط ومن الداخل فخم وانيق واحلى من الاكورد
بس اعطيه بعد ما ينزل من الوكاله 5 سنوات وبعدها لازم صيانه شهريه وتهتم فيه اكثر من قبل طبعا غير قطعه الي اغلى من الكابرس ال اس او ال تي زد يعني اذا انت عندك فلوس وتقدر تتحمل صيانته عشان تاخذ كل المواصفات الي فوق خذه بدون ما تشاور احد
واذا تبغى فخامه وشكل جيد جدا ومواصفات اقل بشوي من الكابرس بس لك وللزمن وتكرف بيها ولا تقولك ليش انصحك بالاكورد
انا مجرب الاثنين بس الاكورد حق كرف
وتبغى الدليل انه الناس ماصارت تبغى الكابرس اس اس لو تلاحظ الشوارع ماعاد صرت تشوفه كثير في الشارع مثل اول
تقبل نصيحتي وشكرا.

والله إللي نفسكـ ترغبهـ ... وبالكـ فيهـ ... اشتريهـ
بس حاول يكون نظيف الموتر ... وبالتوفيق ,,

والله انصحك بالوحش الامريكي الكبرس وبس

ss

يكفيك محرك v8

بس عيبه في الجيربوكس والرساوة تعبانه

اذا انت رجال راعي مجاكر وفي راسك مافيه اقوى منك خذ لك الكابرس الوحش الأمريكي ، بس الله يعينك على حرارة السياره والمشاكل الثانيه ..

اما اذا انت رجال عارف هدفك ووجهتك ومقصدك وسياره في الخط مريحة نوعا ما .. لكن سرعه انسها اتكلم عن سرعة المجاانيين ٢٢٠ وتحت ،،

والله الله بالإستخاره يابعدي :)

الكابرس كانك راعي مقاومات
وترا ال2005 ستة سلندر يعني مهب بايخة بين قوسين تراها عزم

صوتي مناصفة
ما اقدر احكم بس الكابرس خرابات والله لو تسوي الللي تسوي الوالد كان معه واحد 2000 وعام2003 باعه بسبب الخرابات مع ان الوالد مايتعدى 140 ولا سرعة ولا خرابيط
++اتكلم عن 2000 يعني الجديد ما ادري عنه؟؟؟

لا والله أكورد مايبيلها مقارنة الكابرس يبي ورش وكل يوم فيه علة إسأل أهل الورش ويعلمون والسطحات بعد لا تنساهم و إس إس بعد

كملت الناقص لو إنه 6 سلندر أرحم أنا أعرف واحد أخذ إس إس 2005 نظيف بس كل يوم أشوفه عند كهربائي و بالصناعية يامشكلة

بالكهربا يا بالرديتر يامراوح ياتهريبات لا تتورط الكابرس تاخذه جديد و 3 سنوات و تخلص منه وعقلك براسك وتعرف خلاصك

اذا تبغى وجع الراس خذ الكاابرس

وكماان مستعمل يصير تكمل:p

ابعد عن الخراااابات

وخذ لك أكوورد

اكووووووووووووووورد لك ولزمن هذا انا بروح يوم السبت واطق لي هوندا 2009فل عنابي

من رأيي وانا صاحب أكورد

أقول ss

ليه

8 سرندل
مواصفات أعلى من الاكورد

رساوة افضل

هيبة حتى بعد خمس سنوات وهو ماسك هيبته

والي يقول خرابات وورش وتوضيب هي على حسب المستخدم

انا عندي أكورد 2005 جننتني من كثر الخرابات مع العلم اني مطلعها وكالة اصفار

ss ولا تفكر

انا اقولك ابعد عن الكابرس ss عندنا واحد في البيت 2006 ss مطلعينه وكالة القير توضب مرتين ومشاكل في الرديتر والمراوح اللين اللحين كل بين فترة وفترة الحرارة ترتفع

اللي يقول هوندا خرابات انا اقولك ارحم من خرابات الكابريس على الاقل
انا عن نفسي كان عندي كابريس كلاسيك (ال اس مطور) 2006 مطلعه وكاله والحمد الله ماشتكيت منه
بس صار عليه حادث وراح تشليح
اما تقولي كابريس مستعمل ابعددددددد والله نصيحه يالخوي المستعمل ما تدري عن راعيه اللي قبل وش مسوي فيه
ترا اذا راعيه اللي قبل موضب قير والله لو عند احسن واحد يوضب قيور راح يخرب القير ان شاء الله لو بعد سنه او سنتين
تبي تتأكد ادخل موقع اس اس فور ايفر
وعن الرساوة بصراحة رساوة الاكورد افضل بكثيييييير
يكفيك انها يابانية وقوية مهما تكرف فيها....بس فيها مثل كم شغله ماحبيت فيها
مثل سيت الراكب يدوي مو اوتو حتى الفل مافيها شاشة مافيها حساسات شغلات بسيطة

وبالنهاية هاذا كل اللي اقوله لك