تجربتي ل شاشة رودماستر 2003-2007 (أيجابيات وسلبيات )
السلام عليكم ورحمة الله وبركاته
تحية طيبة للجميع وبعد ...
هنا أحببت أن أشارككم ملخص 14 يوم معاناة وجماليات
مسجل شاشة اللمس الصيني المشهور
بأسم وكليين محليين [رودماستر - ورويال]
* فكرة عامة :
المسجل مصنوع من مواد وقطع واحدة لعدة سيارات [هوندا - هيونداي - كيا - تويوتا...] الاختلاف فقط واجهة الديكور .
المسجل نوعين يعتمد على نوع السيارة : نوع مسجل مع مكيف ألزامي - ونوع مسجل فقط
المسجل من ناحية جودة الصنع والمتانة في مصانع الصين الثلاث المعروفة يصنف من مصانع الدرجة الثالث
المسجل بجماليته ومزاياه لايقارن أبد بقوة وجودة هوندا الياباني الشد بلد .
* التجربة :
المسجل أول لحظة تركيب وأستخدام يختلف أختلاف تام عن الوكالة أزرار التحكم الشكل المزايا
كلمة حق للشركة المصنعة له كتصميم ومزايا فقط أجمل من الوكالة، ومقتبس شكله
من تصميم وديكور لكزس LS430 ، لكن مسجل اللكزس تقدر تقول أيفون ورودماستر سامسونج
*المميزات :
مشغل لأغلب الصيغ السيديات عدا 3GP وأمتداد آخر أعتقد mp4
أقتران بلوتوث من خلاله ترد وتتصل من الأيفون [التجربة كانت عليه] وتسمع صوتيات اليوتيوب فقط بنت وبدون نت ،بدون صورة وفديو وتستغني عن واير AUX
مدخل USB + Micro card+ AUX لو أحتجت
مشغل DVD , VCD للفديو يعني ع خط السفر تقدر تستمع بفلم ساعتين للكبار أو رسوم متحركة للأطفال يلهيهم
خاصية نسخ داخلية لنسخ محتوى السيديات لمايكرو مموري شرط سعته 32 قيقا ع الاقل ، أقل مايصلح
5 أو 3 ألعاب لملأ الشاشة ترتيب صورة مبعثرة - صل المتشابه - ورقةsolitaire ، ألعاب جهاز من رامز ب15 ريال يعيب ع الشركة أضافتها
أمكانية أضافة كاميرا أمامية مع الخلفية ومدخل لصوت الحساسات
القبلة
JPS
ساعة عقارب تكبرها وتصغرها مثل ساعة الكلايزر بنص الطبلون بس ألكترونيه
* المشاكل والعيوب بعد التركيب :
تعليق بشكل عام لو دخلت الراديو واخترت موجه ع الFM ، وضغطت الشاشة الرئيسية يرجع للراديو من كيفه !
تضيق صدرك بس هاذي تمشي
JPS ، بس مضروب يشتغل بكيفه ويختفي أحيان ،خاصة أذا شغلته وحددت موقع ثم شبكت USB صوتيات يطير وتعال أنت بديرة خليجية سو أعادة ضبط وطف شغل وحمل الخرايط من الاعدادات
المشكلة والطامة الكبرى اللي ماتنبلع حيل حيل المكيف ، من أول يومين لاحظت أختلاف تبريد المكيف ومشاكل تبريده ، وماني قادر أشرح لموزع عن الوكيل السبب ألا بعد 5 أيام من الفحص والتدقيق
تبين المشكلة فيه أنه متحكم درجة البرودة والحرارة الثيرموستات للسواق يتحكم بتوجيه هوا المكيف اللي هو من أختصاص زر mode يعني تختار وجه - وجه قدم ، ترفع تقصر الثيرموسات تلقاه بدل التوجيه معاه
* الضمان والأرجاع والتواصل :
مكتوب على كرت ضمان الوكيل المحلي تركب الجهاز بدون فاتورة بتاريخ وختم محلنا أو المحلات الموزعين عننا مالك شي عندنا !
الوكيل والموزع عن الوكيل يعرفون الخلل ويحاول بيعك بدون فاتورة أو ختم للأسف فحرص عليها
الموزع عنده فك تركيب توصيل بسعر أقل من الوكيل ، ومعلومات أستخدام سريع وأي مشكلة تلاحظها حلها عندهم أضغط RST لو تقوله صار عندي ألتماس يقولك أضغط RESET
بعدها يوجهك للوكيل وهنا ننبه أنك لازم تتأكد من الوكيل المحلي ووين محله بمنطقتك لأن بعض الوكلاء ماعنده فرع بمنطقتك الا المنطقة الوسطى او الشرقية أو الغربية وبعض المحافظات الرئيسية فيها فقط
موظفين الوكيل متعبين جداً ، يحاولون قدر الأمكان تشتيتك بالنص البائس "حنا بعنا 200 حبة مافي ألا أ،ت اللي تشتكي أيش هذا "
الموظف الفني عندهم طلبت منه تبديله بجديد مافيه هالمشكلة أو أذا المشكلة بجميع الموديلات معناه عيب مصنعي ترجع لي قيمة الفاتورة ، رفض وقالي حنا ماعندنا الا أني أفكه واحاول أشيل وألحم
وقال يومين وأتصل بكلم الادارة عشان أيش الحلول المتاحة
لهم موقعين ويب سايت موضح ع الكرتون تواصلت بأحدهم معهم بشات خدمة العملاء بالرئيسي بجدة ووعدني خير وتبديل بواحد جديد نفس الموديل أفترضت لو أن عيب مصنعي كامل ما رد؟
----------------------
بالأخير تبقى الشكوى عن طريق وزارة التجارة ، لكن توصلنا لحل بأرجاع قيمته من المحل الموزع عن الوكيل اللي باللتي واللتيا رجع من قيمة المسجل مع خصم 250 ريال
100 كاميرا خلفية صالحة لم تسترجع ، و150 ريال يقول ماوده يخسر لحاله ، وأعتبرها فك وتركيب وأستخدام ، رغم وجود الكرتون والاسلاك وكل مايختص بأرجاعها وتعوضنا الله والحمدلله على كل حال .
----------
المسجل بشكل عام قابل للأستخدام أذا راضي بالممزايا مع العيوب والعيب الاخير حله يكون المكيف ع ال LO أو 22 فقط أكثر لا
أسف للأطالة ، وشكراً لمن قرأ وأتمنى أن يفيدكم هالموضوع ولوما حرصي على عدم الضرر لكم ماتعبت ولاكتبت وفي فديو تجربة ولاعرفت أنقله لكم
