صدمتيني يالاكـورد ..

السلام عليكم ..

صبآح / مسـآء الورد ..


اخواني انا اشتريت اكورد 2010 فل كامل 4 سلندر ..


وانصدمت فيها وربي اني مجنون شئ اسمه اكورد من ايام الدراسه اول متوسط اذا مرت اكورد من الشارع ابقق عيوني فيها .. ولكن ؟؟


1- الفرامل زفـت وربي طلعتها يوم 15 رمضان .. اقسم بالله يوم 18 تطلع صوت الاقمشه >> وين عايش ثلاثه ايام بس ؟؟

2- امشي فوق 200 واضرب فرامل بقوه التركسون يرج >> وربي لو ددسن ماترج ؟؟

3- يدخل علي هواء حآآآر من التركسون ومن تحت عند الارضيات الله يكرمكم ..

4- تنسيم من باب الراكب ..

5- مراتب ؟؟ > هذيك مراتب بالله ظهري يرحم امك وربي العصعص عندي جاه شئ >> قآآآآآآآسيه بالحيل

6- غير مريحه ابدا ابدا وصوت الشارع معي بالسياره كان فاتح الدرايش كلها ؟؟؟

7- لاحد يزعل مني ولو ماحب الاكورد ماقلت هالشئ ..


اخيــرآ :

عزيزي عبداللطيف بخصوص ارتفاع اسعار الاكورد ..

















































يعني مسوي فيها بنتلي ولا بانورما مثلآ

خخخخخخخخ

ماركيز 2010 فل كامل 12 سيدي وراحه غير طبيعيه وربي غرفه نوم هالسياره >> قيمتها 105 الاف

وانت حاط السعر فوق 115 الف ؟؟؟؟؟

شو دخل عبداللطيف :d

قصدك عزيزي عبدالله هاشم :d

خخخخخخخخخخ صح بس تعرف مع الحماس قمت اقط خيط وخيط >> وبعدين كانت معي اوريون وبعتها عشان كذا متعود على ابو جميل >> آآآهـ يالاوريون فديتك > مافي سياره ابي اجيبها بالخط الا واجيبها غصب .. والاكورد ماركيز 98 قام علي هههههه

ياااخي شووف بالعربي ريح راسك

الأكورد ماهي حقت مقاومات ودز واسبقني واسبقك

الأكورد شكل فقـط

وبالنسبـه للقماشات

الأخوان هنا بالمنتدى قاعدين على اكتشاف اقمشه جديده مصنوعـه من الألماس وراح يعطوني طقم مجانا
بس انا قلت لهم عن فكره ثانيه ..

عاد بقول لك شي إنت عارف أن الألماس يتحمل 1500 درجة حرار فهرناهيت

وماينكسر

وإذا ما خاب ضني

السيراميـك بعـد يتحمل درجات حراره عاليـه بس من عيوبـه إنه ينكسر بسرعه britlle

ليش هنا بالمنتدى

مانحاول نطبق اول قماشات سيراميك للأكورد
خخخخخخخخخ

عشان نفتك من سالفة الأقمشة ونحلها بالسعوديـه ونقهر اليابانيين:p

انت اول اعرف اضبط طبخ الكبسه بعدها فكر تسوي قماشات وتقهر اليابان هههههه

سيارتك فيها مشكلة
معقولة تنسيم وهواء حار
ما عمرها صارت معي

اتوقع ان موترك فيه شي وخلل

اكثر من واحد عنده اكورد نفس المشكله >> 99 الف وعيب مصنعي >> بنتححححححر

روح بيعها واشتري الماركيز او الاوريون او اللي تبي ... الله يرزقك ويعوض عليك

بسمه تعالى :

إذا أردت أن تصل الأكورد لمرتبة السيارات الفارهة فبإمكانك ذلك بإضافة بعض التعديلات و التي لن تكلفك الكثير : طبقة عازلة سميكة للزجاج الأمامي لتخفيض صوت التنسيم ..و ضع المادة العازلة الجديدة تحت المراتب و بين الأبواب و التي تهتم بها بعض الشركات و هي طريقة فعالة لتخفيض إزعاج الشارع قليلآ ...تغيير نوع العجلات القاسية بنوع اكثر ليونة مثل عجلات غوديير ...تغيير إسطوانة المكابح أو خرطها كلية لتخفيف الضغط على حامل القماش و عدم عطبها مرة أخرى و لا حاجة لمفاجئة نفسك بإرتجاج العجلات و بسرعة 200 km لحين التوقف لأن نظام الأمان يتوجب فعل ذلك للمحافظة على وقوف المركبة بشكل اسرع و أكثر أمانآ ....المراتب قاسية لطبيعة صنعها و ذلك حسب مبدأ المحافظة على ظهر السائق و يمكنك تطريتها قليلآ بإضافة فرو صناعي و هو منتشر بمحالها المتخصصة ...إضافة دبة إكزوز خاصة مع تغيير الفلتر لفلتر رياضي مما يساعد على زيادة قوة الأحصة قليلآ و خاصة بالنسبة لأصحاب الأرجل الثقيلة و مجربي قيادة المركبات ذوات الثماني سلندر سابقآ .....و العديد من الإضافات لترقية المركبة و تطويرها و لكن ليست لتغييرها بالكلية .....و هكذا صنعت الأكورد للمحافظة عليها و إن أعطيتها تعطيك و لا تبخل عليك ...و إذا لم تعجبك فليس شرطآ بأنها لم تعجب غيرك .....و بالنسبة للسعر فهو يوفي بعضآ من حقها مقارنة بسيارات أخر أعلى ثمنآ منها و أعني بذلك السيارات اليابانية ....و شكرآ .

لا توسوس كثير يأخوي ،،
ما شفنا ذا الأشياء كلهاا بذا المبالغة،، أركب سيارات ثانية واحمد ربك على الأكورد
وتعرف قصدي

ياخي تنزل من اوريون وتركب اكورد ... انا اشهد انك منتب صاحي :mad:

طيب ورى ماقلت لي .. كان ابادلك راس براس :mad:

ياخي شوف الاكورد موتر مع احترامي يقهر ... لكن اذا تقدر تغيره روح اركض وغيره قبل ينزل 2011 :(

ومن ناحيه قماشات وما قماشات بتتعب من ذي السالفه كثيييير بس روح لواحد ثقه انا قبل كم يوم كنت بروح اغير في ورشه ووريته الفحمات وكالعاده قالي لازم تغيير وخرط بس قال الوالد يعرف ورشه كويسه ((اذا انت من اهل الرياض راح اوصفها لك )) طلع فيها بس غبار وصنفر الفحمات ورجعها مكانها ويقول لسا جديده يقول المشكله كلها بس كان تراب :eek: وهذاك الاول كان بيلعب علي




واللي يقول غير وركب وفك وحط .. :d

موتر بـ 99 الف اجلس اركب وافك فيه ليييييييييييييييش .... لييش مايجيني من الوكاله زي العالم والناس :mad:

على العموم ربي يفرج عنك همك ويعوضك باللي احسن منها ويخليها خيره لك :(

ومن شاف مصيبه غيره هانت عليه مصيبته ... :( <<< ترى مدري مثل توي متعلمه وودي اقوله :d

حسافه .. سيارتك غريبه .. عندنا اكورد وزي الفل والحمدلله ..

كلامك صح في حاجتين : استهلاك أقمشة + عزم ثقيل

لكن حسنات الأكورد تكاد تملئ عليك تفكيرك ..
جمال وديكور ورساوه وصرفيه حلوه وراحه وخفيفه على الخطوط الطويله ... اليتسترا اليتسترا .. ..

والله انا الحمد لله الاقمشه مغيرها الحين صار لها سنه وشهر وازيد اقول الحمد لله بس قولوا ما شاء الله وبعدين العزم مو بطال يعني طيب اشوفكم تبون طياره مو سياره
خلاص انا بشوف الاسبوع الجاي بسافر على اليابان وكلمهم نبي السياره حقكم الاكورد ما نبها تفصل ونبي العزم في ثانيه يصل 100 حراااام عليكم عزم عزم يا اخوان اللي يتكلمو عن هوندا والله انها سياره عال العال الى متى واحنا نتكلم على الاقمشه الواحد يصك ال200 ويضغط فرامل بقوه ويقول ليه الاقمشه تنتهي والله من الهبال اللي في راس المتهور المتهور يعرف نفسه
اسف على الايطاله :mad:

Acura
^^^^
اذا نزلها هشوم بعدين أضيف رد

اقتباس:

---

المشاركة الأصلية كتبت بواسطة &علمتني الايام&

لا توسوس كثير يأخوي ،،
ما شفنا ذا الأشياء كلهاا بذا المبالغة،، أركب سيارات ثانية واحمد ربك على الأكورد
وتعرف قصدي

---

اركب سيآرآت ثانيه > يعني مثلا اوريون أو مآركيز ..

الحمدلله على كل حآل والاكورد موب شينه ولا زينه > سيآره مش حآلك بالجامعه وتخرج وطق الي ببآلك ..

اقتباس:

---

المشاركة الأصلية كتبت بواسطة bЯộǾk ❤

ياخي تنزل من اوريون وتركب اكورد ... انا اشهد انك منتب صاحي :mad:

طيب ورى ماقلت لي .. كان ابادلك راس براس :mad:

ياخي شوف الاكورد موتر مع احترامي يقهر ... لكن اذا تقدر تغيره روح اركض وغيره قبل ينزل 2011 :(

ومن ناحيه قماشات وما قماشات بتتعب من ذي السالفه كثيييير بس روح لواحد ثقه انا قبل كم يوم كنت بروح اغير في ورشه ووريته الفحمات وكالعاده قالي لازم تغيير وخرط بس قال الوالد يعرف ورشه كويسه ((اذا انت من اهل الرياض راح اوصفها لك )) طلع فيها بس غبار وصنفر الفحمات ورجعها مكانها ويقول لسا جديده يقول المشكله كلها بس كان تراب :eek: وهذاك الاول كان بيلعب علي






واللي يقول غير وركب وفك وحط .. :d

موتر بـ 99 الف اجلس اركب وافك فيه ليييييييييييييييش .... لييش مايجيني من الوكاله زي العالم والناس :mad:

على العموم ربي يفرج عنك همك ويعوضك باللي احسن منها ويخليها خيره لك :(

ومن شاف مصيبه غيره هانت عليه مصيبته ... :( <<< ترى مدري مثل توي متعلمه وودي اقوله :d

---

ياعيني عليك فآهمني .. وبعدين أنا من اهل الرياض وين الورشه فديتك .. والاوريون صدمت فيها وصلحتها تصليح ابو كلب وبعتها .. وشلون اغيره بالله تبي الشايب يفقع وجهي صآدم بسياره ومشاها لي واشترا لي اكورد ل كامل > تبيني اقول موب زينه > قسم يذبحني ..

^^
يعني ماعمرك بتنزل رد
:d
--
المشكله رقم 1
راجع الوكاله :confused:
صج فيهم عيب
بس مو 18 يوم
:p
المشكله رقم 2
مثل ماقالك gogo
نظام الريك يحاول يوقف السياره باسرع وقت ممكن
:eek:
والرجه راجع الوكاله ينضفون الهوبات و100%

المشكله رقم3
مستحيل :confused:
شلاون يدش هوا حاار
الا اذا انت فاتح الهوايات

المشكله رقم4
الوكاله عندهم حل يوزنون لك الجلد
او يغيرونهم

المشكله رقم5
يالغالي مراتب طبيه
الشركه صنعتها بمواصفات طبيه المراتب
تصير دراسات وفحوصات واختبارات
عشان المراتب الطبيه وماتاثر على السائق
وطبعا هذ من عيوب المراتب الطبيبه الي تواجهه


مشكله 6
الصوت
كلنا مو بس انت :p

^ اعطيك الف ريال وتروح للوكاله وتصلح لي هالاشياء > مافيني شده لقروشه الوكاله

^^^^^^^^^
أخوي عبادي اسحب كلمتي من جد كلامك صحيح:(

:mad:
خلنا ساكتين بس
:p

اقتباس:

---

المشاركة الأصلية كتبت بواسطة حـسـآفـة بـآعـونـي

^ اعطيك الف ريال وتروح للوكاله وتصلح لي هالاشياء > مافيني شده لقروشه الوكاله

---

ههههههههههه
شفت شلوون؟
تبي وتبي وتبي
ومالك خلق تسويهم
:p
اذا ماتبي الوكاله روح اي ورشه محترمه وسوهم
وسو زياده طبقه العازل الصوت
وكل شي مايكلفك
800

وعليكم السلام ورحمة الله وبركاته

الله يعطيك خيرها ويكفيك شرها

اول شي من بياناتك يدل انك مشترك في المنتدى من قبل ماتطلع السياره بشهر

يعني اكيد كنت مطلع على عيوب السياره اللي قلت عليها قبل تشتريها

ثاني شي صدقني بتجيك مشاكل اكبر من اللي عندك لسبب واحد انت قلته في ردك التالي

اقتباس:

---

المشاركة الأصلية كتبت بواسطة حـسـآفـة بـآعـونـي

.. والاوريون صدمت فيها وصلحتها تصليح ابو كلب وبعتها ..

---

على بالك انه ذنب اللي اشترا الآوريون منك ماراح يطلعه ربي

الله يكون فعونك على ما انت فيه ويهدينا واياك والمسلمين اجمعين

:)

بسم الله الرحمن الرحيم

الحمد لله على السلامه << موب تقول صدمتك الاكورد خخخخ:d

انا من ناحيتي جميع الاشياء الي ذكرتها مو مهم
صوت هوا عادي ماعندك مشكله موب ذاك الصوت الي يخليك تنزعج في اختراع اسمه مسجل
صوت الارض مثل ماقالو الاخوان كانك منزعج لهالدرجه تسوي لك عزل وركب كفرات لينه ويضبط وضعك
والأكورد موتر ماينفع للمقاومات ليه سموها الملكه
حافظ عليها ترزك وتخليك ملك
ومن ناحية تقولي راح عليك فور 98 خخخخخ
انا بقولك شيء اذا تبي تقاوم جرب من 40
انا قد جربت بموتري مع ازيرا (قولو ماشاء الله :d) والتيما
كنا كلنا مع بعض فالقومه يعني واقفين سوا وبعد البوري الثالث << بيمسك خط
دعسنا
انا يساري الالتيما وماسك مع صدام الازيرا ماشاء الله
ذاك اليوم بغيت اطير من الفله خخخخخ :cool:ماشاء الله أذكرو الله بس
واذا تبي تقاوم والثمانيه سلندر مايمسك معك
تقدر تروح لقسم التعديل والتزويد
وتحط لك موضوع وبتلقا الردود الي تسرك :d

تحياتي

HONDA ACCORD
The First Car in the World :d

اخوي مع احترامي لك اتحدى لو كان معك اكورد اتحدى

1- الفرامل زفـت وربي طلعتها يوم 15 رمضان .. اقسم بالله يوم 18 تطلع صوت الاقمشه >> وين عايش ثلاثه ايام بس ؟؟
عاد ويييين ياخوي احنا لنا شهور والسيارة ماشية 25الف مافيها اصوات تجي انت في ثلاث ايام يطلع صوت >>من الممكن تراب ولا شي جوا الهوب

2- امشي فوق 200 واضرب فرامل بقوه التركسون يرج >> وربي لو ددسن ماترج ؟؟
ياحبيبي هذي نظام توزيع الفرامل >>اضغط الفرامل كااااملة بتشوف السيارة ماتتزحلق

3- يدخل علي هواء حآآآر من التركسون ومن تحت عند الارضيات الله يكرمكم ..
هذي عاد والله مدري من وين جاايه كلنا معنا هالسيارة ولا طلعلنا شي
4- تنسيم من باب الراكب ..
مافيه سيارة مافيها تنسيم والتنسيم حق الاكورد ليس بالمزعج عااادي جدا
5- مراتب ؟؟ > هذيك مراتب بالله ظهري يرحم امك وربي العصعص عندي جاه شئ >> قآآآآآآآسيه بالحيل
مثلك اول ماطلعتها لكن بتتعود عليها وفيه شي اسمه سفنج حطه كان مااعجبتك المراتب

6- غير مريحه ابدا ابدا وصوت الشارع معي بالسياره كان فاتح الدرايش كلها ؟؟؟
صوت الشارع من الكفرات اما التنسميم فهو جيد مقارنة بالمثيلات

مبرووك على سيارة الي تكرههاا ..

ومافيه سيارة بالدنيا مافيهاا مشكله ...

فديت اكوردتي ههه

المهم انا يووم طلعت سيارة جلست يوومين وكرهتهاا .. بسبب صووت طلع لي بس رحت لهم ويرجع صووت واكثر من مرة طفشت وسافرت ع سيارة ويووم وصلت 4الف كيلوو راح صووت سبحان الله من نفسه بااقي صووت يعني مع الفرامل طق خفيف .. امم والحين مرتاح بس فيهاا رجه مع الفرامل لما تمشي 200 وتمسك فرامل ترج ذا الي محيرني .. بس تبقى الاكورد وربي سيارة ولا احلى .. ويازينهاا ويازين سواقتهاا ..