أسعار قطع غيار أكورد 2007

بسم الله الرحمن الرحيم
السلام عليكم ورحمة الله و بركاتة
أول مشاركة لي و أستفدة كثير منكم و من المنتدى و حبية أشكركم
سيارتي أكوردد 2007 أربع سلندر
كان قبل الأكورد كابرس 2004 بعد سنة و أنا أزور الصناعية كل 3 أشهر :047:بس الحمد لله فكية عمري منها
و الأكورد من يوم أشتريتها من خمس سنوات ما عمري دخلتها الورشة و كارفها كرف :050:
بس زيت و فحمات
المهم رحة الوكالة
وسويت تشيك كامل للسيارة
وعطوني برنت :A6rb.Com_25: بالخربات إللي يبغالها أصلاح طبعاً بعطيكم صوره من البرنت و فيها أسعار قطع الغير

https://lh4.googleusercontent.com/-P...w/s606/003.jpg


https://lh3.googleusercontent.com/-J...g/s930/004.jpg

صار عندي تهريب زيت دركسون و تأكدة أنه عيب مصنعي لأن كثير يشتكون منه بس من خمس سنوات كانت زي الحلاوة
في الأيام هذي خربة السيارة بسب تغيير زيت الدركسون و أنصحكم أنكم تعبون زيت الدركسون الأصلي فقط أتوقع لو أني أستخدمه ما كان صار إلي صار
الخربات هي :
كراسي مكينة عدد 3 أشتريتها من الوكالة 1911 بعد الخصم و نصب علي لأنه لو أشتريتها كرتون واحد يجي فيها الثلاث قطع تكون
أرخص

https://lh6.googleusercontent.com/-8...c/s589/002.jpg

و سعرها عند عمر النعماني و هو يبيع قطع وكالة أصلي حول 900 أريال و هذي أكبر غلطه بس سيارتي و تمون و ما عمرها طلبة قلة أدلعها

https://lh4.googleusercontent.com/-U...o/s462/005.jpg

كراسي قير عدد 3 من عند عمر النعماني 400 أريال - كرسي قير فوق يسار 200 أريال - كرسي قير تحت (خلفي و أمامي) 100+100=200

عندي حذف يسار
ورجه عند 120 بعد تغيير الفحمات راحت مع خرط الهوب
عكس 400 أريال
تشحيم 25 اريال
أصلاح دركسون 500
شغل يد كله 300
الورشة إللي صلحة فيها نصحني به واحد في الوكالة
المجموع 4916 أريال
و باقي أنشاء الله أسويلها تلميع
أستنى تعليقكم و بنسبة للورشة باقول أسم الورشة بعد ما أتكد من شغلة اليوم بستلمها اليوم أنشاء الله

الصور إذا ما طلعة جربو متصفح قوقل كروم

ايه هيه الورشه اللى نصحك بيها اللى في الوكاله حتى نستفيد

بأعطيك أسم الورشة بس خلني أشوف سيارتي هو ضبطها و لا جاب العيد
عشان لا تتوهق بعدين
هي ورشة صغيرة في الصناعية القديمة قريبة من ورشة الجنوب
السوداني إللي في قطع الغيار أعطاني رقم عامل بكستاني عنده ورشة قال شغله ممتاز و سعره حلو

أستلمت سيارتي اليوم كل القطع إللي أشتريتها ركبها بس العكس قال بيشتري جديد بس ركب و احد مستعمل و أخذ قيمة جديد

بأرجع له بعدي يومين عشان أجرب السيارة
---------

عندي مشكلة ما ضبطة و هي السيارة تحذف يسار
رحة ميزان المجد ترصيص و وزن و تغيير كمر بـ 300 أريال

سعر الكمر 80 أريال

لاحظت بالفاتوره الاولى انها غاليه وبنفس الوقت كلها متعلقه بالدركسون ...على سبيل المثال

دودة دركسون 6552 ريال

طرمبة دركسون 2675 ريال

لي الدركسون 1779 ريال

المجموع 11006 ريال ...!! وباقي القطع تكلف 2053 واغلبها تلاقي لها بديل

وفي ملاحظه بخصوص المساعدات اتوقع السعر للمساعد مع الكرسي وبعض الجلد لان السعر مرتفع والمساعد لحاله اتوقع بحدود 700 ريال

ان شاء الله تضبط السياره بعد الصيانه واهتم لزيت الدركسون المستخدم ومووفق ان شاء الله

الدودة 6552 غاليه جدا !!! اصلاحها ب 600 ريال و تغيريها اقل من كذا اتوقع بحدود 4 الالف على ما سمعت !!!

الله يعيييييييييييييييييييييييين ،،،،،،،

اطلق شي تسويه تفحص بالوكاله يعطونك العلم الاكيد بالمصايب وتشتري القطع من موزع معتمد بخصم رهيب وتصلح سيارتك برا الوكاله وصلى الله وبارك ،،،
الوكاله قوة زرف ، الدوده على سبيل المثل اذا فيها تهريب يقول غيرها بالكامل عندهم وسعرها حسب الموضوع 6552 ومدري كانه شغل اليد خاش بالسعر او لا ،،، بينما الحل اصلاحها قطع الاصلاح مع علبه زيت اصلي 260 ريال + شغل يد 300 ريال والمجموع 560 ريال ،،، وتصلح خلال 4 ساعات فقط ! ووفر 6000 ريال اطلع فيها دبي اسبوع في رحله اقتصادية !

إصلاح دركسون بـ 500 ممتاز .. ان شاء الله يضبط معك

انا ركبت دودة وطرمبة الدركسون .. نظيفه .. من التشليح تقريبا بـ 2500 ريال
لكن اخذت من وقتي الكثير .. لأني خليت واحد خبرة يدورلي بالتشليح .. تقريبا شهر كامل وهو يدورلي .. لأن كل مالقى وحده بعد ما يفحصها يلقى فيه مشكلة من الحوادث وغيرها
والحمد لله آخر شيء لقى وحده نظيفه وكويسه
وعطيته 2500 ريال + عمولته

غيرتها لأن الدودة والطرمبة .. كلها تآكلت وصار فيها فضاوة والدركسون ثقيل .. وما ينفع معها الاصلاح

السالفه هذي قديمه قبل سنتين تقريبا

ونصيحه لا تستخدم الا زيت دركسون هوندا .. واذا عندك تهريب قوي لا تهمله

واذكر احد الأعضاء هنا كتب موضوع عن تنظيف علبة زيت الدركسون و أن فيها فلتر


بالنسبه للعكس ترا يمكن يحتاج بس تشحيم .. لأن الربله حقت العكس منشقه والشحم طلع .. ويصير احتكاك حديد × حديد .. وبعد فتره يصير بالعكس فضاوه

انا قبل كم شهر وديت سيارتي لورشه لأن العكوس تطقطق وتاركها ومهملها من زمان وكارفها كرف ( اكثر من سنه )
أول شيء جربها وقالي تحتاج تغير كل العكوس كامله .. ورحت للوكاله وطلع سعرها غالي .. ضاق صدري

المهم آخر شيء الميكانيكي قال بشحم واحد من العكوس لأن مافيه شحم .. وراس العكس الثاني خرب خلاص
لكن بجيب لك راس عكس ياباني ( تجاري) بـ 250 ريال مع الفاتوره

وركبته والحمد لله راحت الأصوات وانحلت المشكلة .. صار واحد من العكوس يحتاج تشحييم وواحد يحتاج تغيير فقط راس العكس

( راس ) العكس الأصلي من الوكاله على ما اظن حول الـ 1000 ريال أو 700 .. ما اتذكر بالضبط كم
لكن العكس الكامل الأصلي غالي
و(راس) العكس الياباني ( التجاري ) بـ 250 ريال

والحمد لله اني ما استعجلت وشريت طقم عكوس كامله .. وحل المشكلة بسيط ورخيص

250 ريال قيمة راس عكس ياباني + تشحيم العكس الثاني + شغل يد = نسيت كم كلفتني


البوري انا مركب طقم بوري فورد ماليزي < على ما اظن ( حبتين .. واحد واطي ..وواحد عالي ) سعره 45 ريال من محل الزينه .. لكنه ممتاز
عيبه يحتاج قطع فيش سلك البوري الأصلي
طقم بوري الاكورد ( حبتين ) من الوكاله بـ 364 ريال :eek:
لكن 364 - 45 = وفرت 319 ريال

اللمبات الصغيره اغيرها عند محلات الزينه .. أقرب وأرخص واسرع من الوكاله .. أهم شيء الواط حقها يكون نفس واط watt لمبة الوكالة


لكن أبسألك عن المساعدات

المساعد الخلفي الواحد بـ 1356 ريال ؟؟ أو طقم حبتين بـ 1356 ريال ؟؟
والسعر هذا يشمل الياي أو بس المساعد نفسه



وترى الوكالات نصابين على طول يقولون تغيير .. حتى لو تقبل الإصلاح بمبلغ بسيط جدا جدا مقارنة بسعر القطعه الجديده

هم يبون الناس يغيرون قطع جديده بالكامل وغالية عشان يكسبون اكثر