ابي مشوورتكم بالاكورد الامريكي تكفوون ...

السلام عليكم ورحمة الله وبركاته


صبححكم الله بالخير


شبااب ابي مشوورتك وفزعتكم

والي عنده خبره لايبخل علينا

انا نويت اشتري كورد ودورت بالمعارض مستعمل نظيف مالقيت الا نادر وغالي

وحصلت اكورد استخدام امريكي

موديل 2010 ممشاها تقريبا 11الف كيلو

4سندلر سياحي طبعا بس الامريكي السياحي يجي جنوط ومثبت سرعه ..

وابي امشورتك فيها لان مالي خبره فيها

هل الامريكي قطع غياره مثل السعودي ؟؟
وش الاختلاف بينهم مكيناكي ؟؟

وش العيوب بالاكورد عامه والامريكي خاصه للي يعرف ؟؟

وكم تتعطووها سعر الامريكي ؟؟



تكفوون الي يعرف لايبخل علي محتار ومستعجل ع مووتر قبل العييد

وعليكم السسلام ورحمه الله وبركاته
من رآي خذ لك الياباني او امريكي 2012 وارد عبدالله هاشم افضل
عشان تبعد عن المشآكل لان خرابتها اضن مو زي اللي عندنا ... وفوق كذا سياحي
خذ لك سبشل فتحه ومثبت وجنوط
والله يشوف اللي فيه الخير واعضاء المنتدى يفيدونك ان شاء الله
تقبل مروري

مشكوور عبودي ع المرور العطر
بس وانا اخوك الجديد غالي شوي وانا ابي مسعمل عشان لاكرفته ماتحسف :rolleyes:

ومواصفات الامريكي سياحي مثل نص الفل عندنا جنوط وومثبت بس بدون فتحه

ماهمني الشكل اكثر من اذا تختلف اختلاف كبير عن الي عندنا
واذا سعرها اقل من 70 الف مناااسبه يعني ولا لا ؟؟

تكفوون ابي مشورتكم لاني بتطبح ع وجهي بالامريكي اذا محدا فادني :(

وعليكم السلام

يالغلآ حتى الخليجي من 2008 وفيه مثبت سرعه وتحكم بالصوت من الدركسون

يعني لاجديد وغير كذا الامريكي يجي بدون اشاره بالمرايه واختلاف المواصفات الميكانيكيه بالنسبه للرديتر وماشبهه لانه غير مخصصه للشرق الاوسط

و 70 الف تجيب لك فل 2009

الإختلاف على اللي سمعته فلتر البنزين فقط

و إذا موديلها 2010 أتوقع لو في اختلاف تقدر تاخذ قطع 2012 لأنه أمريكي ممكن ما في فرق :rolleyes:

و السعر أعطيها ما بين 60 - 62 ألف و الله يكتب لك اللي فيه الخير :)

اقتباس:

---

المشاركة الأصلية كتبت بواسطة alkasr777

الإختلاف على اللي سمعته فلتر البنزين فقط

و إذا موديلها 2010 أتوقع لو في اختلاف تقدر تاخذ قطع 2012 لأنه أمريكي ممكن ما في فرق :rolleyes:

و السعر أعطيها ما بين 60 - 62 ألف و الله يكتب لك اللي فيه الخير :)

---

2012 مجمع في امريكا ولكن مخصص للشرق الاوسط فقط يعني ضمن المواصفات والمقاييس المطلوبه في الشرق الاوسط

حتى روح افتح باب السائق وشوف القطعه الحمراء مسجل عليها وفق المواصفات الخليجيه

مشكووورييين ميششوو والكاسسر يعطيكم العافيه

لا طبعا مستحيل احط 70 الف بس انا اقول اقل من 70

ويععني اذا كانت بفتحه بيكون سعرها بحدود 65 الف ؟

واذا الرديتر والفلتر انشاء الله انها زينه

ويعطيييكم الف عاافيه اخوااني وعسى ربي يووفقكم :cool:

شف يا الغلا أنا أخذت 2008 أمريكي فل كامل جلد وفتحة وجناح وتحكم من الدركسون وتسخين وتبريد مراتب
لها معي حول شهر زي الفل اللهم عداد البنزين خرب ووزنته وزي القشطه

مواصفاته تنطح 2009 سعودي الفل

توكل على الله ولو رحت الشارقة بتلاقيها أرخص
أنا ما خذها من الشارقة

اقتباس:

---

المشاركة الأصلية كتبت بواسطة أكورد أمريكي

شف يا الغلا أنا أخذت 2008 أمريكي فل كامل جلد وفتحة وجناح وتحكم من الدركسون وتسخين وتبريد مراتب
لها معي حول شهر زي الفل اللهم عداد البنزين خرب ووزنته وزي القشطه

مواصفاته تنطح 2009 سعودي الفل

توكل على الله ولو رحت الشارقة بتلاقيها أرخص
أنا ما خذها من الشارقة

---

الله جابكـ هل فعلا فيها تبريد و تسخين

و هل طريقتها زي 2012 اللي عندنا أرجوا الرد :)

لأن صاير لبس بالموضوع :( لأن اللي عندنا يقال ان بس تسخين مراتب

والله توكل على الله وخذه ترى افضل من الخليجي لانه الخليجي لو دور بتحصل كلهم السيارات مكروفه وملعوب فيها

اما المريكي بتلاحظ مثل الوكاله من دقة السلف ماله الفرق الوحيد انه الامركي سعره نازل ورخيص لو تطلع الشارقه راح تحصل 2008 نظيف وفل يطلع لك واصل السعوديه 51 الف