عاشق أكورد ومتردد والسبب :

السلام عليكم ورحمة الله وبركاته
كل عام وانتوا بخير شباب
من فتره وانا ادخل هذا المنتدى الجميل لاني ناوي أكورد :)
وبالرغم من العيوب اللي طرحوها بعض الاعضاء مالكي الاكورد من مشاكل فرامل وفحمات ومكيف وتنسيم او سماع احتكاك الهواء داخل السيارة :( الى ان هذي العيوب مثل ما قال بعض الاخوان ماهي ضروري تطلع في جميع الاكوردات .
طيب خلصنا وشتبي تقول؟ ... ان شاء الله
ابي اسأل عن قير السيارة 6v مثل ما قريت ان المكينه تشتغل بثلاثة سلندر واربعة وستة على حسب قوة اندفاع السيارة او سرعتها...
السؤال هو هل من الممكن التحكم في عدد السلندر واخلي المكينه على 6 سلندر على طول :o؟ لاني احس انها افضل واريح للقير لو اشتغلت بالطريقة هذي وانطلاقتها اسرع صح ولا انا غلطان؟
تقبلوا تحياتي

شوف يا غالي ..

بالنسبة لصوت الاحتكاك و صوت المكيف و المشاكل الثانية ، هذه مو حصريةعلى سيارة وحدة يعني جاية على كل السيارات الي ماندر ، و اذا طلع لك هل صوت ، روح في صيانة الـ 1000 كيلو و قول لهم ابغى اصلح ( الملاحظات ) هذه بدون صيانة . و الصيانة اعملها في الخدمة السريعة لانه ارخص ، و هذا النظام الجديد تبع الوكالة ، اذا ماكان عندك ملاحظات على السيارة ، روح اعمل الصيانة في الخدمة السريعة لانه نفس الشي بيصير في الصيانة ( زيت - فلتر - تشيكات ) .

و يا غالي لو تبغى سيارة بدون مشاكل ، روح اشتري لك رولز رايز فانتوم او مايباخ ... لان هذه تتصنع يدويا و ناااااااااااادر او مستحيل تلاقي عيب مصنعي .

بالنسبة للـ v6 و السلندرات

انا جربت الكوبية v6 جلست ادعس للسيارة ابغى اشغل الـ v6 كامل ، بس للاسف ما اشتغل ، لكن اقسم بالله السيارة فيها نشاط مو طبيعي ، صح اني ماسقت v6 الا مرتين ( رانجلر - بونتياك ) ، بس الصلاة على النبي الـ v6 في الكوبية مره جبار ، و بالنسبة للسيدان راح يفرق شي بسيط نظرا لوزن السيارة .

هذا رأيي لك .. وانت عاد لك الاختيار

اخوي الستة سلندر تقدر تشغلها على طول اا عرفت اشلون تبرمج الكمبيوتر وتلغي النظام نفسه لانه يشتغل بالكمبيوتر بس بالنسبة انه ما يشتغل احيانا فهذا غير صحيح لانه مبرمج انه يشتغل في ظروف معينه ومنها لما تدعس اكثر من النصف مثلا

اشكركم اخواني على تجاوبكم السريع .. وانا مو مرددني مشاكل السيارة انما فقط حركة 6v طيب سؤال الله يبارك فيكم هل الوكالة ممكن تبرمج الكمبيوتر على ان السلندرات كلها تشتغل؟
تقبلوا تحياتي واسف الازعاج

^
^

يالغالي .. انا اللي معي 6 سلندر .. لا تشيل هم السالفة هذي !

هو أصلاً 6 سلندر بالوضع الطبيعي .. لكن اذا مشيت بسرعه ثابته أو منخفضه ..ألخ يشتغل النظام وتشوف لمبة بالطبلون خضراء ،،

يعني ماراح تدعس او تحتاج الـ 6سلندر الا وتكون موجوده !

يمكنك مافهمت علي .. بالعربي لا تشيل هم السالفة هذي وجرّب قبل تشتري وشف ،،

الف شكر على ردك اخوي ثامر للاسف كتبت موضوع عن الفرق بين 6 و 4 سلندر قبل لا اشوف ردك
طيب معنى كلامك انها من اول ما تشغل السيارة تكون على 6 سلندر لكن لو انك جالس تتمشى على سرعة منخفضة ومستمرة راح يشتغل النظام وتقتصر المكينة على 4 او 3 سلندر.على عكس ردود الاخوان انك لازم تدعس عشان تشتغل 6 سلندرات.
بنتظار ردك يا غالي

غلطان اخوي ثامر

هي السيارة تمشي في الوضع العادي للقيادة ما بين 3 سلندرات الى 4 فقط من عام 2003 وفوق حتى الان

ولما تدعس اكثر من النصف يشتغل معك الست كاملة وحتى انه يوفر البنزين داخل المدن وصرفيته اقل من الاربعة سلندر ولو ان كلامك صحيح ما كان وفر بنزين داخل المدن


وهذا فيديو واضح لعمله


[ame]http://www.youtube.com/watch?v=7_18_lrFhwk[/ame]

:confused: