عرض للطباعة
السلام عليكم ورحمة الله وبركاته
استفسار وابيكم تجاوبوني
محتار وش اركب كفرات
انا حاليا موظف بالجوف وراعي خطوط للرياض
كل ويك اند
ابي كفرات حلوه ويستحملون
وتسلم اياديكم اللي راح تطقطق بالكيبورد :o
على اني شفت تقرير اخونا (مدري شسمه ) ههههههههه تبع القودير
وسرقت الرقم حق شركة الراشد من الفاتورهـ بس للاسف مافي الماني
وقاعد ارافس من القهر مدري وش اركب :p
ويعطبكم العافيه
من وجهت نظري ..احسن شي برجستون
أحسن شي كفرات ميشلان ..
آآسف ياشباااب على السؤال بس وش أحسن بالخطووط وأرسى .. الأكورد كوبيه ولا سيدان ؟
يعطيكم العافيه غاب القمر وسومي
بس الشي الثاني يقولون ميشلان مزعج
وانا جنوطي 17 وش المقاسات اللي اخذها وشكرا لكم
نصيحتي لك وانا اخوك
مهما درت ورحت ولفيت وفريت مانت محصل افضل من كفرات وكالتها
تبي تقول لي قاسيات تبي تقول لي مزعجات ابي ارد عليك بالكلمتين هذولي
انت راعي خطوط ومانت اعرف من الياباني ايش افضل نوع كفرات لسيارتك هم دارسين وعارفين انه افضل شي لك النوعيه ذي
حتى ماتقول هذا اتفاق بين الشركتين ابي اقول لك
جنوط الفل اللي هي 17 يحطون لها ميشلان
وجنوط السبيشل اللي هي 16 يحطون لها برجستون
ليه سوو كذا اكيد انهم دارسين لو انهم بيقولون نبي نتفق مع شركه بيخلونها كلها ميشلان ولا برجستون
اخر الكلام نصيحه لوجه الله لاتركب الا جنوط وكالتها وبس مهما كانت غاليه ولا تشتريها الا من وكالة الكفرات نفسها
الايام هذي كثرت النصب في الكفرات وهي اهم شي في السفر الله يحمينا جميع
بس هذا مو معناته انه مافي غير الميشلان والبرجيستون
فيه عندك الكفرات القادمه وبقوووووه هانكوك الكوري تنافس الياباني وبكل قوه
عندك القوديير الامريكي
عندك اليكوهاما الياباني كفرات الاوريون واللكزس
عندك كفرات تويو جيده جدا
وغيرها الكثير والكثير
بس في الاخير ابي انصحك بمقاس تركبه سعره ارخص ومنظر احلي للسياره
235\45\17
انا والله عاجبني لانه اعرض وأوطى والاهم انه ارخص:d
انا بالنسبه لي زيك اداوم كل يوم 350 كيلو
وركبت كفرات نيكسن كوريه
البعض ممكن مايعرفها ومارح اقولك ركبها
لانها غير معروفه ممكن
بس ماحصلت المقاس اللي قلت لك عليه
واخذت 215\50\17
عالعمووم بالتوفيق لك انشالله
لا تدور غير برجستون مررره
ولا تآخذ الا من الوكيل نفسه خل عنك شغل ابو يمن
وانت راعي خطوط على كلامك
ولا تنسى حياتك في اطار سيارتك
اهم شئ الجودة وقوة التحمل
الافضل مشيلان وبرجيستون
مع انها قاسية بس في الخطوط كويسه
أنا كل يوم مكة- الطائف
لا خلا ولا عدم ياذيابه
طلب اخير
ابي استفتاء يابرجستون ياميشلان
والاكثر تصويت باخذ عليه
واخر سوال البرجستون والميشلان كلهم الماني ؟
واشكركم
انا اقول برجستون بحكم تجربتي له على اكثر من سياره
^^
غير كذا اغلب السيارات اللي تجي من المصانع كفراتها تكون برجستون
انصح بـ بريجستون تورنزا gr90 واشوف ان مقاس 225/55/17 حلو
اليوكوهاما ابعد منه(مجرب بالنسبة لمقاس كفرك)
استخدمته لمسافة 45,000 بعدها نشف وصار يطلع صوت بالاضافة الى نقشته تروح بسرعة
احس انه فكك السيارة
-البريجستون صناعة يابانية
-انتبه لتاريخ التصنيع
-لا تشتريه الا من وكيل كفرات بريجستون (مؤسسة الاطلائع)
أفضل كفرات جود يير اسال مجرب ولا تسال طبيب ناعمة مرة وخذ نفس مقاس الكفر القديم
وعليكم السلام
والله انا مركب ميشلان مثل الحلاوه انصحك فيهن
اصوت لبرجستون تورانزا gr90واسألني انا
راعي خطوط زيك سيارتي خلال سنة
مشيت عليها 118000 كم
خذ الدعسه الناعمة v
انا اخذتها تقريبا قبل عيد الفطر باسبوع والحين ماشي عليها17632كم
وماشاء الله هدوء ورساوة بس قاسي نوعا ما على المطبات مو كثير
ملاحظة خذ من الوكيل نفسه الطلائع
ولا تنسى تدويرها كل 10000 كم
توكلت على الله باخذ برجستون
واشكركم حيل حيل على وقفتكم معي
الله يوفقكم ويجعل مثواكم الجنه
الله يثيبكم
طيب من وين اشتريهم بالرياض
هذا اخر طلب وكم سعره عشان ماينلعب علي
وبيض الله وجيهكم
موقعهم طريق خريص يا الغالي
بالتوفيق
موجود القوديير الماني .. لكن فقط فئة افيسنت جريب نفس اللي ركبه مرسال الهوندا :)
عاد دامك موظف خربها و طق لك طقم كونتيننتال .. يطلع عليك سعر الكفر حول 900 ريال :d
( حق المرسديس البانوراما ) :cool:
ميشلان فرنسيه افضل شيء ممكن او دنلوب ع قولة بعض الشباب
ترا البرجستون تطلع اصوات بعد عشر الاف او حولها بس مهب متاكد
اهم شي الصوووووووووووووت قارف ام ابو جد خال عمت اهل اهلي
وش هالتحطيم يارباااااااااااااااااااااااهـ
قبل لاتركب برجستون وغيره شوف هذا الاعلان ممن اخوك lonly style
اضغط http://www.hondaarabia.com/club/t41582/
يتكلم في عن تجربة كفرات قود يير اللي هي الأفضل
تعبتكم معي حيل
شكرا جزيلا لكل اللي شاركو وكل واحد يستاهل بوسه :o