وش رايكم استمر في الصيانه ولا لا !!!

السلام عليكم

انا عندي اكورد 2010

واليوم دخلتها صيانه الـ 40.000 كيلو

وش تنصحوني فيه اواصل الصيانه ولا بس كل 5000 كيلو اغير الزيت والسيفون عندهم؟؟

والله متقروش :confused:

والله اشوفها نصب بس كذا

هو نصب هاذي خالصين منها :d

و نصيحتي اسحب عليهم بس غير الزيت و السيفون عندهم

أو تخلي الصيانة كل 20000 كيلو أفضل لك :)

يعطيك العافيه alkasr777

ماشا الله 45 مشاهد ورد واحد بس، اعضا يحمسون

شوف حبيبي انا عندي اكورد 2009 ماشيه 46 الف ماشاء الله ماسويت عندهم غير صيانة ال1000 كلم
واذا فيه شي يتغير على الضمان مثل ماصار على الكليبر
اما غيره انا حالف مااربحهم مني ريال واحد هذا نصب عيان بيان
مادام انا كل 5000 كلم بروح اسوي صيانه من جيبي الخاص اجل وشهو له الضمان
انا عندي مبدأ اني ماروح للوكاله الا وقت الشراء فقط تخيل كم تدفع فلوس انت للشركه كل ماسويت صيانه واحسبها كم بيربحون منك وسيارتك مافيها غير العافيه صراحه نصب
والراي الأخير لك انت لانك طلبت راينا واعطيناك الخلاصه
تحياتي

يعطيك العافيه عصب عنك

ونصيحتك انت و alkasr777 عالعين والراس

وان شا الله من بكره ما اروح الا بس لاغير الزيت

ويعطيكم العافيه :)

والله انا سويت صيانة 1000 و 5000 و 10000 وبديت احس انها نصب من الصيانه حقت 10000 وسويت بعدها 15000 وسحبت عليهم
واضطريت اسوي صيانة 40000 علشان الكليبر

ولمن وصلت سيارتي 60000 غيرت زيت القير وسلم لي عليهم مقهور اني سويت الصيانات الاوليه عندهم


نصيحتي لك اشتر سيفون من عندهم واقرب بنشري يكون ممتاز غير عنده زيت وسيفون كل 4000 بالكثير واحمد ربك سيارتك جديده وش صيانته اللي كل 5000

اللله يعطيك العافيه قلبي يحبك

انا الظاهر بصير اغير الزيت والسيفون بس عندهم

والصيانه زي ما قال اخوي alkasr777 كل 20 او 30 ألف

ايوه نصب واحتيال الفلوس بدال ماتعطيهم اياهم حطها في سيارتك وكشخهــــأ والسياره مافيها شي بس فكره صيانه كل 20000 حلوه عجبتني الفكره والقطع والزيوت خذها من عندهم:cool:

والله انا دخلت سيارتي صيانة 40 والفطوني 610 والله ما في اي شي تغير في السيارة

بصراحة انا بسوي الصيانة خارج الوكالة بشتري القطع من الوكالة و بروح عند الميكانيكي و بقلو غير كذا و كذا حسب جدول الصيانة يلي كتالوج السيارة

على سبيل المثال على الستين الف غير زيت القير و زيت فرامل مع فلتر البنزين
البواجي على 80 الف افحصها اذا كانت تتحمل اغيرها على 100 الف

و كل 5000 كيلوا غير زيت و فلتر

و بالتوفيق

من تجربه شخصيه وللإمانة / أنا كل 5000 اسوي تغير زيت والسيفون وبعض الربط من الضمان ولي سنتين ع الحاله ويعلم الله ماخذو مني ولا ريال الا اذا قلت لهم بعض الملاحظات مثل لمبة الداخل بالسقف اغيره تحترق وخااصة الريمووت مبهذلني لسنتين غيرتها 4 مرات!! واعرف واحد معه موديل 2006 لين يومك هذا ماشاء الله ماغير بطاريته وريموت ياكود يضغط يفتح ولا يقفل ماعلينا ،،، واول ماخذتها عقب 9 شهور دقو علي ياخذون رأيي بتغيير الفحمات وقلت مو مشكلة غيروها من فلوسي طبعاً لاني سافرت كثير عليها ولي الآن سنة وشوي ماغيرتها لان مافيها لا صوت ولا هي قاضيه ولا شي

حبيت اعلمك تجربتي ،،،،

أقولك أهم شيء بالسيارة .....
إنك تعاملها بحنية, وان شاء الله ما تحتاج ولا الوكالة ولا الورش

الي ابي اوصلك اياه انك لازم كل 10000كيلو تسوي الفحص ولا الضمان يتكنسل عليك وانا انسان الحين ماشي 56الف وانا مواظب معهم بديت من ال10000لين 50000والستين بالطريق جاي
الي يغبنك لازم تدفع ومع ذلك انا قاعد اقول نلحق الكذاب للباب الدار يعني من جد زرف عيني عينك :mad:

موضوعك في وقته


انا حالياً ان شاء الله بسوي صيانة 40 الف


وش اللي سوه لك في الصيانه في شئ مهم


ولا تشيك كالعاده

لاتسوي عندهم إلا إذا اكتشفت عيب مصنعي علشان يغيرونه لك على الضمان
أما الزيت والسيفون فغيرها عند أقرب مركز خدمة سريعة
ب 65 ريال + 18 ريال سيفون + علبة زيت اضافية علشان السيفون ب14 ريال=97 ريال كل 10000كيلو
وب 65 ريال كل 5000 كيلو

انا والله ساحب عليهم وموتري مشالله ماشي 12 الف وسويت صيانه ال 1000 فقط ,..

والباقي عند محطه بوترومين كل 5 الاف اتغير الزيت وكل 10 الاف اغير السيفون...

والي يقول الضمان يروح هذا ياحبيبي النظام هنا

لاكن باذن الله ان شالله الله لايقوله اذا صار شي لموتري مافيه الا قوه اتراسل مع شركه الام هوندا .. واقولهم انهم رفضو سيبارتي على الضمان على اي اساس .. من متى سضمان يروح اذا ماجيت في الصيانه .. بالعربي كله نصب في نصب .. يعني اسحب عليهم وادخلها عندهم كل 30 الف فقط .. او 40 الف فقط


ان شالله اكون افدتك وتنسانا عن دعائك

سلام

اقتباس:

---

المشاركة الأصلية كتبت بواسطة Legend KSA

موضوعك في وقته


انا حالياً ان شاء الله بسوي صيانة 40 الف


وش اللي سوه لك في الصيانه في شئ مهم


ولا تشيك كالعاده

---

ما فيه جديد
زيت & سيفون & تششيك ع الاقمشه & وتشييك ع كهرب السياره & وتشييك كامل عالسياره & ياخذون فره بالسياره

وسالني تبغى تنظف المكينه والمكيف قلت لا :d

لاني سويت تنظيف للمكينه في صيانه 10.000 وبعد ما اخذتها بيوم السياره قامت تتفتف وبعدها خفت التفتفه

والحسنه الوحيده الي اخذتها منهم بدون فلوس غسيل السياره لاني وديتها لهم مغبره من الامطار الي جتنا

والحمد لله السياره ما طلع فيها شي
* بس غيرو وحد من لمبات السقف كانت محروقه من يوم اخذتها من صيانه 30.000
قلت له على هالملاحظه وغيرها
وهم قريب بيتصلون يسالون على مستوى الخدمه وراح ازفهم بخصوص اللمبه

والتكلفه 625ريال

ا شباب والله والله والله انهم نصابين
انا سويت صيانة ال40 وقالولي نشيك على الكمبروسر وعلى مولد الكهرباء وووووو والله اكثر من 20 شي قالو بشيكون عليه
وفي الاخير عارفين وش الي سوا غير الزيت والسيفون وعايرو الكفرات وفك الفحمات صنفرها وقال خلاص موترك جاهز واخذو 610:mad: حسبي الله ونعم الوكيل

والله سويتها في محل قريب مني صيانة الثلاثين الف ..

وبكدا وفرت مبلغ وقدره.