آول شي آلسسلام عليكم ورحمة وبركاته ي الله ان تحييهم :d ،
عندي كم مشكله وياليت القى لها حل بـ آذن الله ،
المشكله الـآولى 1- واللي هي صصاير لـ الغب الشباب من موديل 2008 وانت طالع ان صصار عندي تهريب زيت في طرمبة الدركسون وطبعا ماكنت داري عنها لـ فتره ماهيب قليله فترة 4 شهور اشوف الزيت وتاركه الموهم صصار يطلع عندي صصوت غريب بكل الحالات لاف يمين ولا يسار ولا ماشي طوالي الصوت يطلع عندي ،، رحت لم ورشه اعرفها وكويسه شافها قال تحتاج لـ اصلاح طربمه اشترها وانا اصلحها لك ، حلوين :d شريت اصلاح طربمه بـ 110 ريال وزيت دركسون بـ 40 ريال ، صلح لي التهريب اللي مملي الدنيا كلها ونازل ع الدينمو لين غطس الدينمو كله زيت :p ،، مالكم بالطويله نظف الزيت كله وركب الاصلاح وعبى لي زيت الدركسون وطلعت الموتر من عنده والوضع تمام التمام ماعاد شفت التهريب ابد والصوت اختفى بنسبة كبييره مره لكن انه موجود بصصوت خفيف إذآ فتحت الكبوت تسمعه زي الونه ،، قالي هو ان الصوت بيختفي بنسبة كبيره لكن ماراح يختفي كله إلـآ غيرت الطرمبه كامله ،، وتخبرون انتم ان سعر الطرمبه جامده سالته عليها ضرر قال لا ابدن اللهم انه صصوت فقط لاغير ،، طلعت الموتر من عنده رجعت للبيت إلـآ اسمع صوت طقطقه حول محل الطرمبه وانا اللي تطقني الروعه وش جاه ذآ بعد حاولت اعرف وين محل المشكله بالضبط ماعرفت عينتها خير وصكيتها نومه وجيته من باتسسر وشاف الصوت وقال ي اخ تركي المشكله عندك شداااد السير لزم تغيره وطلع صادق شداد السير طلع هو اللي يطقطق ،، السؤال ي اخوان هل شداد السير يصصلح ؟ ولا لزم تغير ؟
السؤال الثاني 2- انا سمعت ان الكليبرات فيها خطـآ مصنعي وانا موتري 2008 ومنتهي الضمان ،، رحت لم الوكاله في خريص دخلت سلمت ششف الزول قلت له انكم تقولون فيه خطـآ مصنعي في الكليبرات الخلفيه من موديل 2008 وانت طالع قال كم ماشي موترك قلت ميه الف وشوي قال زين انتظر لك ثواني بيجيك واحد يسجل بياناتك عشان تآخذ موعد قلنا مو مشكله نـآخذ موعد ،، جآني الشخص وآخذ بياناتي وآخذ لي موعد يوم الاثنين الجاي ي الربع ، قالي ي تجيب الموتر من الساعه 7 الصبح ويطلع لك 4 العصر او انك تجيبه 4 العصر ونطلعه لك بكره ، قلت لا اجيبه لك 7 الصبح بس اهم شي يطلع بنفس اليوم قال خلاص ، سالته قلت وش بتغيرون بالموتر قال الكليبرات الخلفيه بس ؟ قلت له والفحمات ؟ قالي لا بس كليبرات / قلت بنفسي ي تركي ماهيب ساويه تتهاوش وتتلاعن معهم عشان فحمات ، قلت له خلاص مو مشكله قال بس بشرط حنا بنغير لك الكليبرات ع حسابنا ، قلت ايوه وبعدين وش المطلوب مني :confused: اكيد ع حسابكم لـ انه خطـآ مصنعي ، قال بس لزم تغير عندنا شي ي زيت وسيفون ي فلتر هواء ؟ قلت يصير خير اجيكم الاثنين ويصير خير
آنتظر ردكم ي الربع
