المشاركة الأصلية كتبت بواسطة عاشق سيييييفيك
أول شي الف مبروك السياره الله يعطيك خيرها ويكفيك شرها
وأحسنت الأختيار
وراح أجاوب الي أقدر عليه وافهمه
بنسبه ايش الأفضل شغل الوكاله أو برى أنا اقول لك برى أفضل لأن القطع الي أنت ذكرتها ما يحتاج يغيرها شخص خبير يعني تعتبر قطع أستهلاكيه أي ورشه تغيرها
1-غير زيت وسيفون عند اي ورشة غيار زيت بشرط يكون زيت هوندا
وسعره زيت+سيفون وشغل يد ب 95 ريال تقريبا
روح للوكاله واشتر منهم 3 علب زيت قير سعرهم تقريبا 130 ريالا وغيرهم عند اي ورشه ب 10 ريالا وشغلتها سهله كلها صره تحت السياره تفكها وينزل الزيت القديم ويقفلها بعدين يعبي 3 علب كامله
اشتر من الوكاله بواجي طبعا تجي 4 بواجي لأنها 4 سلندر وسعرها تقريبا 300 ريالا وشغل يد اي ورشه تقريبا 15 ريالا إلى 20 ريالا طبعا شغلتها سهله جدا ولا يبي لها خبير
فحمات أمامي اشتر من الوكاله فحمات أمامي السعر تقريبا 230 ريالا
صلحها في الورشه بشرط يكون عندهم مخرطه طبعا شغل اليد ما راح يكلفك أكثر من 80 ريالا وخل نفس الورشه يشد لك البريك أو الجلنط الخلفي سعره 30 ريالا
فلتر هواء اشتره من الوكاله سعره في الوكاله تقريبا 80 ريالا وتركيبه مجان اذا جيت تغير الزيت عطه العامل وهو راح يركبه لك
اذا دخل الصيف يبي لك تغير فلتر المكيف ليعطيك بروده افضل لكن سعره وكاله غالي تقريبا 290 ريالا لذلك أفضل أنك تشتري نوعيه ياباني سعره 60 ريالا وعلى فكره الفلاتر بختلف نوعيتها ما عليها ضرر على السياراه لأنها تؤدي نفس الوضيفه فلتر المكيف وضيفه يصفي الهواء ويمسك التراب وأنت بكرامهووضيفة الياباني نفس الوكاله ولا تشيل هم
أن شاء الله أني أفدتك بألي اقدر عليه والله يكتب لك الي فيه خير
ومبروك السياره
تقبل ودي قبل ردي أخوك بندر أسف على الأطاله:o
