سؤال يا شباب المنتدى واستشارة...(هام)
السلام عليكم ورحمة الله...
أحد الشباب من مالكي هوندا أكورد (ليس بعضو في المنتدى) وصاني أبلغكم السلام واستشيركم بشغلة...
الولد رجع عليه واحد وصدمه ، والحمد لله جت الصدمة في قاعدة اللوحة ولا تأثرت السيارة نهائيًا ما عدا شغلة...
صار عنده (قشر) بسيط جدًا ، يمكن ما أحد ينتبه له في الصدام ، بمنطقة الخط اللي يفصل بين الصدام الأمامي والنور الأمامي .
يقول أنا تركته وما اهتميت لأنه ما يبين أساسًا...
الكلام صار له اسبوعين...
يقول إنه لاحظ اليوم إن (القشر) بدا يزيد شوي ، وخايف إنه يتطور...
استشار بعض الشباب ، وبعضهم قاله اصبغ الصدام...
وهو غير مقتنع ، خصوصًا إن القشر (بسيط جدًا) والسيارة جديدة 2007 ...
اللي يبغى يعرفه...
1- ش الحل المقترح ؟
2- هل يوجد أقلام (صبغ) في الوكالة ؟
3- ش أفضل ورشة صبغ في الخبر والدمام ، وكم ممكن تكلف الشغلة ؟
الرجاء يا شباب تردون علي لأنه يبي يودي سيارته نهاية الأسبوع...
مع خالص شكري..