تهريب الدركسون .. نصائحكم بالحل

السلام عليكم
اليوم ياشبب طلعت لي مشكله بالسياره ان شاء الله بسيطه
المهم .. السالفه تهريب زيت دركسون من اللي (الماصوره) من فوق .. المهندس يقول لازم تتغير ويتوقع سعرها غالي وقال ممكن تسوي كبس بس يمكن مايضبط ويطلع لك اصوات بالدركسون .. افيدوني ياشباب ايش اسوي مع العلم اني مسوي لها قبل شهر تقريبا اصلاح دركسون تحت..

اخوي وحبيب قلبي حبيب الالم لا تكبس ولا تضغط ولا تسوي مندي
خذ العلم مني انا صار تهريب وحاولت بشتى انواع الطرق ولكن مافيه فايده
الكبس بقلل التهريب ولكن بيخرب عليك اشياء كثيره

غير لي الدركسون قبل ماتغير اشياء ثانيه وتتمنى انك غيرته من اول

لي الدركسون من عند النعماني تقريبا ب760 في الوكاله فوق 1100

اتمنى لك التوفيق

ليات الدركسون اتوقع عليها ضمان استبدال

كم موديل سيارتك وكم ماشيه

أخوي بخصوص مشكلتك ففيه مواضيع كثيييرة في المنتدى تتكلم عن نفس مشكلتك فحاول تسوي بحث وإن شاء الله تلاقي المواضيع..
بحسب ما قرأت فالكبس حل مؤقت وبعد فترة يرجع التهريب عندك وتغييرها في الوكالة مكلف جدا وفي نفس المشكلة الوكالة تغير هوز في علبة الدركسون لأنه عيب مصنعي بس ماني متأكد أي هوز ويفيدونك فيه الأعضاء إن شاء الله..

شكرا للجميع على المشاركه والمساعده والرد
الموتر اكورد 2006 ماشي 143000

روح الوكالة في اي وقت وغيرها لأن فيها خلل مصنعي وجايهم امر من الشركة الام بتغييرها ...

طبعاً بيجيك احد هالسوالف /

* الا تدخل السيارة صيانة ١٥٠ الف وتسوي الصيانة كاملة عشان تغير لي الدركسون !!

* تطيح عند واحد عاقل وفاهم ، اوكي ، السيارة بتخلص بكرة عشان الزحمة ، تبي تسوي شي ثاني بما ان السيارة جالسة عندنا ؟


اللي صار لي السنة الماضية اني دخلت سيارتي الفحص المجاني في ( جدة ) و في ( الرياض ) وكلهم في التقرير قالو اني سيارتي الموقرة ماخشت اي صيانة منذ ان كان عدادها صفر الى ( ذاك الوقت ) الى 120،000 كيلو !( التشييك بيكون برقم الشاسية ) وقالو انت عندك لي الدركسون ( وهو اللي كنت رايح على شانة ) مع انة كان سليم لكن الواحد يحتاط قبل المشكلة ، وقالو هذا يبغالة تغيير ،،، اللي في جدة قال دخل السيارة صيانة ١٢٠ الف ، ( للمعلومية ) صيانة ١٢٠ الف فيها شغل كثير تغيير زيت القير المكينة والفلاتر جميع والبواجي و.... و..... الخ ، طيب هذي كلها انا مغيرها قبل ما اسافر ؟؟ ليش الخساير ؟؟

رجعت الرياض ، رحت الوكالة ،،، وقلت في نفسي دام النظام كذا لازم ندخلها الصيانة عشان هالقطعة .. امري لله ادخلها صيانة ..

وانا عند المهندس قلت لة اني سيارتي ماقد خشت صيانة ابد وابي اغير لي الدركسون عشان المشكلة اللي اعلنتو عنها ... قال اوكي .. تبي صيانة من ضمن ضمن تغيير لي الدركسون ولا بس تغيير لي الدركسون ؟؟

شفت الفرق كيف ... اقدر اغير اللي بلحالة ،،، واقدر اسوي صيانة وتغيير للي بلحالة ،،،
سويت صيانة ١٣٠ الف <<<<<< اقدر اختار الصيانة اللي ابي لاني علمتة الوضع كل شي تبون تغيرونة سبق وغيرتة قبل ما اجيكم بفترة قليلة ...

مشكور أخوي B Useful على ردك .. :0001:

أنا الحين يهرب عندي ..
واذكر يوم شريت السيارة قال لي راعيها أن الوكاله قالوا له تغيير لي الدركسون مجاناً فيه عيب مصنعي ..
وانا طنشت لأني ماشفت مشكلة وقتها .. وبعد سنتين تقريباً صار يهرب عندي وكل ماله يزيد التهريب ..

بس الحين أخاف أروح للوكالة ويقولون بدري .. توك تجي هههههههه .. :d
وش رايكم أروح ولالا ؟..
سيارتي 2006 ماشية 145 الف .. <<< :aa_whisle: ..

ياشباب كلمات الشكر تعجز عن شكركم ...
بس عندي ملاحظه انا سيارتي جايبها من الامارات يعني ماهي تبع عبدالله هاشم يعني ماهي مسجله حتى بالكمبيوتر تبع الوكاله..
هل يصلحوها ولا كيف ؟؟ يعني اتفلسف عليهم ولا مالي حق ..

جرب ياخوي مراح تخسر شي ان وافقوا وغيروه خير وبركه واذا رفضوا وحسبنا الله عليهم اذا رفضو مالك الا تحسين بيك خلال ساعه ونيف <== حلوه نيف وامورك سيارتك ميه ميه

Abdulmajeed
ان شاء الله لو ماشية ٥٠٠ الف ..!
لو مستعملينها ١٤ واحد ..
لو فيها ٢٠ حادث ..

رح الوكالة ويشكون على رقم الشاص ، حتى لو انة سليم وما تغير بيغيرونة ... جميع الدفعات من ٢٠٠٣ الى الى ٢٠٠٦ فيها نفس المشكلة .. ما طلعت معك اليوم تطلع بكرة ..
اما اذا شيكوا على رقم الشاص وظهر عندهم انة تم تغييرة .. <<<< خلاص وش تبي بعد .. الحين ادفع :)

درب الالم
جرب منت خسران شي ولا تجيب لهم طاري انها من الامارات <<< مع انهم بيعرفون وش اللي جاي من طريقهم ووش الجاي من غيرهم ..
اللي اعرفة انهم مافية امل يستقبلون السيارات الجاية من امريكا .. بس دول الخليج ؟؟؟ نحتري الجواب منك :)

اذا ما استقبلوها مثل ماقال al3andleb رح ورشة ٢٠ في صناعية علي بن علي في ام الحمام ، ويعطونك واحد مستعمل بحدود ٣٠٠ ريال .

اولا : أنا في مدينه جازان .
ثانيا : الوكالة تستقبل السياره عادي ويضبطوها بس تعطيهم حقهم .. اللي مدوشني شغلة الضمان ..

رووووح للوكالة لأنه عيب مصنعي في الأكورررررد أنا صار معي نفس الشي وسيارتي موديلها 2003 وضبطوه هم على حسااااااااب الوكالة بالتوووووووفيق أخوووووي

طيب اخوي اغير لي الدركوس يبي يكلف كثير انا كابس اللي ولا صار شي بس انه ينقص على خفييف

يعني لازم كل شهر ازيده أخر شي مليت العلبه وتفقعت الصوف علي والحين كلفني واجد لانه اعدم اصلاح الدوده

اخوي انا عندي حل كويس التشلييح التشليح بــ 250 ووكاله ... وانتم احراار