عندي تهريب من طرمبه الدركسون

السلام عليكم

كيف الحال ..

اخباركم ..

شباب عندي اكورد 2007 عند تهريب من طرنبة الدركسون واللي اللي تحت الذي يمر من تحت المكينة

ماأدري يبيله كبس او تغيير ... لكن وش رايكم .. وش أفضل ورشة غير الوكالة . وشكراً

انا من الرياض

التغيير أفضل من الكبس

ان شاء الله B Useful يمر من هنا ويعطيك المفيد الأكيد بخصوص الورش وبخصوص كل شي :)

اهلن وسهلا ، كل اللي قلتة صار لي قبل سنة ومن ذاك الوقت صلحتها وللحين مافيها الا العافية
رح ورشة رقم ٢٠ في صناعية ام الحمام
،
وانت جاي من طريق العروبة متجة غرب بيجيك تقاطع الامير تركي بن عبر العزيز اطلع يسار
بعد اول اشارة امسك الخدمة وخش مع ثاني مدخل للخدمة بتلاقيها على يمينك رقم ٢٠

الطرمبة قطعها ب ١١٣ ريال وشغل اليد حول ٥٠ ريال

اما الدودة اذا فيها تهريب القطع وشغل اليد حول ٦٠٠ ريال

*

يعطيك الف عافيه وما قصرت

طيب كم يبيلها بالورشه ؟؟

وبخصوص الضمان السياره ماشيه 65000 الف وانا شاريها مستعمله و راعي

الموتر ما عطاني كرت ضمان و لا اي شي وش الدبره ؟؟

اذا الدفتر مو معك ..

طلع لها ضمان جديد بدل فاقد يعني

روح للوكالة وكلمهم .. عشان تستفيد من الضمان ..

يعني ينفع ؟؟

طيب الضمان كم سنه ؟؟ وكم كيلو ؟؟

وكم يطلعون بدل فاقد ؟؟

اللي اعرفه تقدر ..

والضمان الين 100 الف كيلو ..

هذا اللي اعرفة من ناحية سعر ماادري..

ضمان سيارتكـ الى ٦٠ الف كيلو فقط او ٣ سنوات ايهما اسبق، يعني مايحتاج ذا الدفتر تروح تطلعة ..

ضمان كراسي المكينة و علبة الفيوزات الى ١٢٠ الف كيلو ..

طرمبة الدركسون اذا الورشة فاضية وجبت لهم القطع بنفسك تاخذ اقل من ٣٠ دقيقة ، اما الدودة يبيلها نص يوم ، والافضل توديها لهم الصباح الباكر وتاخذها في العصر او الليل اذا عندهم زحمة ..

للمعلومية شي مهم جداً ..

جب معك من الوكالة زيت الدركسون لأنهم يحطون زيت عادي لونة احمر وهذا اللي يضر الطرمبة وبتخرب مرة ثانية ..
سعر العلبة حول ٤٢ ريال ، وجب معك علبتين احتياطاً .

السلام عليكم ورحمة الله

أنا معي اكورد 2008 وفيها تهريب زيت في طرمبة الدركسون , ويطلع صوت حنه كل ما لفيت بالسيارة..!
ورحت للوكالة وشافها المهندس وقالي دخلها الصيانه
وتوني مطلعها يوم الأربعاء , ولا بعد صلحوها وقالو طرمبة الدركسون طالبينها من دبي تعال بعد 10 ايام ونركبها لك.

طيب يا B Useful وش القطع المطلوبه حق التهريب لازم اجيب شي معي او عند الورشه القطع؟؟

مر فرع قطع الغيار بالعروبة اهم شي وخذ زيت الدركسون <<< اهم شي .

واذا انك رايق مرة وحدة قلهم ابي ( اصلاح طرمبة الدركسون << حدود ١١٥ ريال )
وابي ( اصلاح الدودة << حدود ٣٠٠ ريال )

وودهم للورشة ، او رح للورشة وهم يجيبون كل شي ،، لكن لا اوصيك على الزيت جبة بنفسك ... لأنهم يتعملون مع محلات قطع الغيار الاصلية <<< وهالمحلات مايجيبون الزيت .

القطع اجيبهم من النعماني ؟؟ وش رايك عندهم قطع وكاله ؟؟ وهل هم ارخصين ؟؟ >>>>>> كفوووو ياللغه هع هع:)

انا مسويها( اصلاح طرمبة دركسون)
شغل اليد اخذوا 200 ريال
وعلبة زيت الباور 37 ريال
القطع حول 123 ريال>مو متأكد