مشكله مفاجئة بالمكيف ... اكورد 99

السلام عليكم

اجو مساعدتي

هذا الاسبوع وانا اقود سيارتي هوندا اكورد موديل 99 ... فجأة طفى المكيف يعني فصل الكمبرسر وصار يطلع هواء ولا يشبك علشان يطلع الهواء البارد ... المهم وديتها لكهربائي ... شيك على الغاز لقاه سليم وعلى الكمبرسر لقاه سليم ويشتغل اذا وصل سلك له من البطارية مباشره ... والاسلاك الامامية سليمه ...... المهم فك الطبلون ما ادري وش يدور اخيرا قالي عندك مشكله اكترونيه رح للوكاله احسن لك .............. ( طقتني الروعه ) تخبرون الوكاله ما تمزح :eek:



رحت للوكاله والحمد لله صار عندهم فحص مجاني ..( فرع القصيم ) .. اتصل علي الهندي بعد ما تركت السيارة عندهم ... وقالي بعد فحصها ... ان المشكله بالكمبيوتر عطلان ..!!!! واذا تبي تصلحه نطلبه لك من اليابان او الامارات لانه مش موجود عندنا بالسعودية ..:(:(

قلت كم قيمة قال ب4300 تقريبا :mad:

قلت لا لا تصلحه ... انا بصراحه ابي اعرف وش يخربه ..؟ وايضا هل ممكن برمجته .؟ يمكن ما يحتاج الا برمجه ؟

المشكله اننا بالقصيم مقطوعين من شجره حنا راعين الهوندات .. ما عندنا احد يعرف يصلح مواترنا ...( الله يذكرك بالخير يا ورشة الجنوب )

ارجو المساعده ... الله لايوريكم مكروه

عندي لك مكان اطلق مكان بالقصيم بعد الكبده حقت مصعب ..

روح لورشة الفايز برياض الخبرا
ترا هناك فلبيني مجنووووووون ماشا ء الله


روح شوف وخله يشيك على موترك من اوله الى اخر

وترا يمكن يطلع حساس والا فيوز والا سلك والا كمبيوتر جديد

واذا تبي الوصف الشباب ممكن يفيدونك والا انتظرني لما ارجع للبيت اعطيك الوصف

^_^

الله يعطيك العافية accord2002

الفيوزات شيك عليها الكهربائي الي رحت له .......... يقول سليمة وحتى الكتاوت سليمة ...

بس انت متأكد انه يعرف للهوندا ترى مو اي واحد يفك فيها .... تراني خبره مع السياره اكثر من 7 سنوات

يعطيك الله العافية مره ثانيه

انزين بما انك قلت الخراب هو الكمبيوتر دور لك سياره اكورد 98 او 99 او 2000 امكنسله وفك الكمبيوتر

وركبه على سيارتك واذا ماتعرف اتركبه خذه لو واحد يعرف ايركبه اهم شي تفك كمبيوتر من سياره ثانيه

وتمشي شغلك

تعطيك الله العافية يا راعي الاكورد على المشاركة ....

انا اتصلت على التشليح قالو الكمبيوتر له رقم .. يعني لازم تجيب القطعة الي عندك وتطابق الي عندنا ..

وديتها الى الفلبيني المذكرو في رد accord2002 وانتظر النتائج
........

طبعا انا ما اقتنعت ان المشكله من الكمبيوتر ..

ان شاء الله يكون الخراب الي فيها بسيط ولا يكلف ..
والحمد لله على كل حال

^^^^^^^^
علمني وش بيصير معاك

وعطني رقمه ع الخاص .. الدعوه ضروريه

واسأله عن تركيب مثبت السرعه للاكورد الي مثل موديل موترك الى 2002 .. للسبشل والسياحي


انتظرك يالغلا

اقتباس:

---

واسأله عن تركيب مثبت السرعه للاكورد الي مثل موديل موترك الى 2002 .. للسبشل والسياحي

---

وش رايك تسأله بعد عن اكورد 2007 سبيشل ياصديقي:d


وان حصل تعطيني رقمه على الخاص تصير:cool:


شكرا لك

اخواني والله ما شفت ردودكم الا بعد ما طلعت السيارة من عنده .......

وبصراحه هالفلبيني مجنون صلح السيارة وقال الي خربان عندك هو مفتاح a/c تخيلو ان الوكالة يقولون الكمبيوتر .....

الله يخلف علينا يا راعين الهوندات اذا وكالتنا ما يعرفون يصلحون الخراب ... خصوصا الوكاله الي بالقصيم ... بس يعرفون يغيرون الزيت ...... لا وبعد ازيدكم انهم اخذو علي 100 !!!:confused:

المهم ما علينا انا بصراحه الحين صار عندي خبره بخرابات الهوندا خصوصا الي مثل سيارتي ...احسن من الوكاله على الاقل
:)

راح احط الرقم هنا في الموضوع ... علشان يستفيد منه اي واحد لاني وعدته اني اسوي له دعاية ..

اسمه فليب الجوال 0501907090

الحمدلله الي سخره الله لي والا كان رحت فيها مع هالوكاله
ثم الشكر ثانيا لاخي accord2002 على توجيهي له

مشكور اخوي وماقصرت


:cool:

لاشكر على واجب ... بس وش رايك فيني ^_^

والحمد الله كان الخراب شي بسيط ومثل ماقلت لك حساس والا زر والا شغله بسيطه وفعلاً
صار شي بسيط


على فكره يمديك تروح تسأله وتوريه سيارتك وتقول له يمديك تركب المثبت .. على نفس الموديل او 2002 اذا فيه اختلاف ... وعلى فكره انا طقيت مشوار للقصيم علشانه وحصل ظرف ولا رحت له...

وعلى فكره اخرى ههههه ادق عليه انا بنفسي شكيت انه زين مايرد ومره مقفل ... من جد انا استحيت كاني مسلفه>>>تحمست خخخخخخ

لاتنسى يالغلا ... وماعليش ابكلف عليك ..

والشكر موصول لك لانك تقبل النصيحه ورحت للمكان الي دليتك عليه ..

تسلم اخوي accord2002 على ردك ... واشكر جميع من دخل وشيك على الموضوع رد او لم يرد...

اخوي والله انا بيني وبينه حوالي 80 كيلو .. يعني بصراحه ما اقدر ارجع له .. والرقم الي حطيت لك يرد عليه بس يمكن ما رد اليوم لان اليوم جمعه وهو مسوي لنفسه اجازة بهاليوم ..

اخيرا الورشة ورحنا لها بس كبدة مصعب وين هذا ..:d

يسلمك ربي يالغلا واذا بينك وبينه 80 كيلو الله يعينك بس اخاف تكون من عيال النيدو ^_^ امزح معاك... ياحبي لك يابو عزوز>زميلي بقسم التجمعات ههههههه كلش قدام خخخخخ
الورشه ورحت لها باقي الكبده... اسأل مصعب.. لان الكبدة تعتبر معلم من معالم القصيم(بالنسبه لمصعب)
ويعطيك العافيه يالغلا.. ومشكوووووور على نطلة الرقم...^_^
وابدق عليه وانت جبت لي رقم اخوه الكبير وهذا احلى ماسويت لان عندي رقم اخوه الصغير الي اسمه (مون) الظاهر على اسمه علشان كذا مايرد ...