أخيراً عرفت سبب الهزة والرعشة اللي في السيارة بسبعة ريال

هلا والله يا شباب

وأخيراً عرفت مشكلة الهزة و الخرشة اللي في السيارة بعد تعب وخسارة تفوق 1000 ريال

طبعاً رحت الورشة قالوا لي الشداد و بعضهم فلتر البنزين وبعضهم قالوا فلتر الهوى
طبعاً غيرت كل شي والهزة ما راحت .

لكن اليوم اكتشفت السالفة كلها
موضوع الهزة وسالفتها تكلفتها ( 7 ريال ) الله العظيم
تعرفوا شنهي السالفة رحت الورشة وشرحت لها الموضوع قال لي افتح الكبوت وطبعاً فتحته وقال لي اللحين تسمع صوت الهزة قلت له لا
تعرفوا شنهي المشكلة ( المشكلة ياشباب هي ربلة العمود اللي يمسك الكبوت مكسورة ) غيرتها وصارت السيارة 100%

إذا قدرت أنزل الصور
صورة القطعة وصورة الفاتورة

قريباً

اخوي معقولة قطعة بلاستيك بعيدة عن المحرك وتشيل الهزة من السيارة وتصير تمام؟؟؟؟؟؟

انت قصدك كان يطلع صوت بسبب الرجفة وراح الصوت الان صح ؟؟؟؟؟


تكفى قول صح لا ياكلونك الشباب:eek:

قصدك هزة في الكبوت ؟؟ ولا هزة في المحرك ؟؟ ولا هزة في الدركسون ؟؟

بس من كلامك اعتقد ان الهزة اللي قصدتها من الكبوت وهي اللي سببت لك الخرشة والجنان صح ولا مو ؟

ههههههههههههههههه
لو يطلع كلامك صحيح كان الشباب يروحو يسوو مظاهرات في الوكاله على كراسي المكينه الي بدلوها هههههههههههههه

ننتظر الصور

الموضوع بسط وسهل المقصود فى الكلام
كلبس الكبوت المثبتة به عمود الكبوت وليس هزة المحرك او هزة الدركسون

والله مافهمت شيء؟؟؟؟؟؟؟؟؟؟؟؟؟؟؟؟؟؟؟؟؟

باختصار هذه المشكلة اللي كنت أعانيها وموجود بها كل الأعراض اللي بالسيارة من صوت وعيره
أنا عندي سيارة هوندا أكورد 2003 , المشكلة عندي لما أمشي بالسيارة و أوصل للسرعة 80 أو 90 يطلع عندي صوت هزة أو طقطقة مثل صوت الحديد أو صوت رعشة بالسيارة بس الصوت واضح جداً عند جهة الراكب ولما أتعدى السرعة يروح الصوت ولا كأن صار شي مع العلم أن الصوت ما يطلع دائماً .

بعدها رحت غيرت المقص السفلي بجهة اليمين واليسار وغيرت كراسي الماكينة والقير وكراسي الشاصي وغيرت البواجي بس الصوت ما راح ورحت ورشة ثانية قالوا لي الشداد وفلتر البنزين وفلتر الهوى وغيرت كل شي بس ما راح لين ما لقيت السبب وهو ربلة العمود أو الحديدة اللي تمسك الكبوت

والله ما عندي وقت انزل الصور بس ان شاء الله قريباً تشوفوا السالفة كلها بالصور

اقتباس:

---

المشاركة الأصلية كتبت بواسطة موسيقار

بعدها رحت غيرت المقص السفلي بجهة اليمين واليسار وغيرت كراسي الماكينة والقير وكراسي الشاصي وغيرت البواجي بس الصوت ما راح ورحت ورشة ثانية قالوا لي الشداد وفلتر البنزين وفلتر الهوى وغيرت كل شي بس ما راح لين ما لقيت السبب وهو ربلة العمود أو الحديدة اللي تمسك الكبوت

---

وغيرت القير والمكينة والتلفزيون والجوال وغيرت البيت وغيرت السيارة وباقي الصوت موجود صح؟


يا اخي كان كلمتنا يا اخي


هذه حركات الورش يقولون لك شي ويغيرونه ولا ينفع ويقول لك بعد لازم تغير هذا

انا كنت ميكانيكي وفي ورشة وعارف اللعبة يا اخي

حرااااااااااام اخذوا فلوسك :p



وفي النهاية 7 ريال؟؟؟؟:(


وخسرت مبلغ المقصات والمساعدات والجوال والتلفزيون والبيت


اخوي دايم اذا فيه مشكلة زي هذه خذ معك واحد يركب معك ويسمع الصوت ويكون كل همه يسمع الصوت


حلل الصوت بالطريقة اللي اقول لك عليها


1- ايش نوع الصوت هل هو طقطقة بلاستيك او معدن

2- ايش مصدر الصوت هل من الداخل ولا الخارج

3- هل الصوت ياتي مصحوب بشي معين مثلا مطب او انطلاق او توقف فجائي او لا

4- هل الصوت ياتي مع الحرارة ام لا




طيب نجي للميكانيكي


المفروض انك تقولها كذا ابي الصوت يروح ايش اللي خربان ؟


لنفرض قال لك كرسي المساعد


اوكي قول له واذا ما راح الصوت تتحملها وما تدفع له شغل يده تدري ليش؟؟
لان الشغلة مو تخمين ويجرب عليك وياخذ منك 500 ريال ويعطي المحل ويقول انك عطيته 200 ريال والباقي جيبه مثل ما كنا نسوي في الورشة


لانه فعلا لو ما طلع المشكلة مثلا من كرسي المكينة وسوى الميكانيكي مشكلة معك كذا انت المفروض انك تبلغ الشرطة بكل بساطة

وتقول للشرطة انا قلت له الصوت يروح وقال لي انه اذا غير القطعة هذه راح يروح الصوت وما راح وما طلع العطل منه

وكذا انت تطلع من جشع الميكانيكيين والتلاعب اللي يصير منهم

ولو تسمع مني الخطوات اللي فوق تقدر تحدد المشكلة واصلا الميكانيكي لما يشوفك فاهم خلاص يبدأ ينتبه ويعطيك الصحيح والكلام الاكيد

اذا استطعت تنزل الصور نكون شاكرين ومقدرين جهدك ياموسيقار

الحمدلله انحلت المشكلة

تعرف لو كنت حطيت موضوع تسأل فيه عن هذي الهرجة يمكن كنت أفدتك ببلاش كمان
كان عندي نفس الصوت اللي في الكبوت اللي عندك
وعملت وزنية لفتحة الكبوت وببلاش والحمدلله انتهت المشكلة

أخونااااااااااا
صاااااااااااااااااااادق مليوووووووووووووووووووون
حتى أنا رحت الورشة وبأرخص ب 3 ريال
والله لمن شفتها راحت بس من ضربة شاكوش ماصدقت
قلت ياشيخ تعيش باكستان تعيش تعيش هههههههههه

اقتباس:

---

المشاركة الأصلية كتبت بواسطة أغـار يا هـوندا

أخونااااااااااا
صاااااااااااااااااااادق مليوووووووووووووووووووون
حتى أنا رحت الورشة وبأرخص ب 3 ريال
والله لمن شفتها راحت بس من ضربة شاكوش ماصدقت
قلت ياشيخ تعيش باكستان تعيش تعيش هههههههههه

---

طيب عطنا صوره للمكان حتى أنا عندي نفس المشكله

ولله اني عندي نفس الرعشه والصوت بس اتصور انه كراسي المحرك لان يوم اشغل المكيف يبين الصوت اكثرررررررررررر

الحقنا بالصور با الذيب

الصــور تكفاااا خلنا نشوووف

الله يعطيك العافيه

وين الصور

.
.
.
انا عندي البلاستيك مكسور حق عامود الكبوت ,,, وقبل كم يوم اخوي فك العمود ورماه في الشنطة واختفى الصوت
:d