أكـ,,ـــورد 2006 V6 فل كامـــل للتقبيل ( والله فرصة ذهبية )

السلام عليكم ورحمة الله وبركاته :

المواصفات / هوندا أكورد 2006
اللون / أســــــــود ملكي
العداد / 41.000
الصدمات / لايوجــد ولله الحمد
المكينه / V6 ستة سلندر وفل الفل .
======================

السيارة ليست ملكي وانما لي زميــل من الزملاء ومرت عليه ظروف صعبة ولم يتمكن من الاستمرار في تقسيط الهوندا
وهذا شرح مبسط للمبلغ المتبقي للسيارة وصدقوني انها فرصة ذهبية

يوجد متأخرات على صاحب السيارة وهي مبلغ 12.000 اثنا عشر ألف ريال فقط .
والمبلغ المتبقي 60.000 ستين ألف ريال أقســاط .

والقسط (1500ريال)


والمطلوب : لاشــــــــــئ.

لمن يريد السيارة وله رغبة فيها يسدد المتأخرات ويكمل اقساطها وعليه بالعافيه ..


للتفاهم مع صاحب السيارة مباشرةً




ولكم اجمل تحيه

صديقك الله يهدية يبيع دين
على الاقل لو سدد نص المبلغ
موفق في البيعه
ولا يعاودها خويك

يعني الاجمالي 72 الف ريال

غالية جدا ... لو سدد الـ 12 الف كان كلام ثاني

اخوي انت من وين

أخوي محمد

بصراحه 72 ألف غاليه مره وخصوصاً القسط لا تنساه 1500 ريال

شوف إذا يبي يبيع بدون المتأخرات انا شاري
وإذا يبي 60 كاش يقولي

0598558590

اخوي محمد السياره وين موجوده

ما اجمل الصراحة ،،

انا تمنيت هالسيارة لواحد من اخوياي محتاج سيارة ،، وعطيتة رقم الرجال ودق علية وشاف السيارة عندة (وعجبتة ) ماله اي خبرة بالسيارات .. ثم عزمة في بيتهم وكلمني خويي اجي اشوف السيارة وكلم واحد ثاني (خوينا بعد اسمة سامي ) يجي يشوف السيارة ونقدم المشورة النهائية ،،،

وصلت اشوف السيارة وشفتها ،،، فجأ مدري من وين طلع سامي يكلم جوال مدري وين كان مندس وناظر فيني وناظرت فيها عطيتة نفس النظرات اللي عطاني ،، ( نظرات تفيد ان السيارة ما تنفع ومقبعة )

الاكورد هي المعروضة للبيع ما تنفع بريال واحد ،،،


تقولي ماجاها ولا صدمة !!

الموتر جاتة صدمة في الوجية جااااامدة ،،، والدليل شوف كيف غطا المكينة كيف مركب ،،، ولوحة المرور

الموتر مرشرش بالكامل ورش بايخة وحتى الغشيم اللي ماعندة سالفة يعرف انة مرشوش والدليل شوف مساكات الابواب ،، وشوف نهاية الشكمانين النيكل عليهم اثار البوية ،،


خلاصة الكلام ونهاية الكلام ،،،

اللي يبي يدور 6 سلندر 2006 لون اسود ،، ينتبة من هذا الشخص الغير صادق ،،

ياخي اذا جيت تبيع خل البيع واضح وصريح خل البركة تحل فية ،،

اما تقول الموتر ماجاة ولا اي صدمة ،،، هذا الكذب بعينة ،،

خش مرة ثانية يا محمد الشهري وحط صور مفصلة لكل شي بالسياة وكل اللي جاها والله يبارك لخويك في البيعة ،،

اما تجي كذا وتلعب علي العالم تقول مافيها اي شي ولا جتها اي صدمة ،،، ياجعلها ماتنباع وتنشب في حلقة والله لا يبارك في النصابين ،،،


جرى التنبية ،، وارجوا الحذر عند شراء السيارات المستخدمة ،،، والأخذ بالمشاورة والمشورة قبل الشراء مثل مافعل صديقي وفكة الله من موتر كان بيخرب علية بيتة ،،،


* حتى لا يجي واحد يتفلسف ويقول اني قاعد اخرب البيعة او اني ما اعرفة او ... او .... او ....
انا شفت الموتر بنفسي <<<< واضح ؟؟؟