إستفسار | وش رايكم أكوورد 2007 قبل الشراء (( V6 ولا V4 ))

السلام عليكم ورحمة الله وبركاته

أخواني معليش جديد على المنتدى .. وبصراحه مدري إذا مكان الموضوع هنا صح ولا لا

المهم .. حبيت أستشيركم أخواني قبل الشراء

أنا ناوي أشتري هونداء أكوورد 2007 خلال هالأسبوع هذا إن شاء الله <<< دعواتكم لي :)

ولكني محتار بين السته سرندل V6 ولا الأربعه سرندل V4
لأني حصلت كل النوعين ونظاف مره ماشاء الله
أنا بصراحه ودي بالسته سرندل عشان نشاطها والصوت الخفيف بس خايف !!
اللي يقولي تراها نظام كمبيوتر واللي يقولي تبلشك بالخرابات واللي يقول لو تبي تبيع ما لقيت زبون واللي واللي واللي

وأنا الحمدلله عن نفسي راح استخدمها من 4 - 5 سنوات بإذن الله

وشرايكم الله يخليكم وش أجزم عليه !!

الله يوفقك

بس ما ادري هل تحصل 2007 جديد

لأني دورت قبلك ومالقيت

نصيحه لاتغلط غلطتي ،،

وتأخذ 4 سلندر ،،

توكل على الله وخذلك 6 سلندر ،، :cool:

وبالتوفيق ان شاءالله .

خذ الـ 6 سلندر وتوكل على الله .. والفحص قبل الشراء

الله يعطيكم العافيه بس ماقلتولي .. الموتر راعي خرابات <<< V6

خذ v6 و باذن الله ما راح تندم

تحياتي ..

السلام عليكم اول مشاركه لي انشاء الله افيدكم المهم انا اعرف واحد معه اكورد 2007 6سلندر شرها وكاله وماكملت معه 6 اشهر وباعها قلتله ليش بعتا وهي جديده توك شاريها قال ذبحتني في الخرابات وسائلته وش الخرابات قال اصوات من كل مكان في السياره تعب وهو يصلح فيها والرجال الي اعرفه ما يحب التفحيط ولا السرعه وبا عها واشترا اكورد 2007 4 سلندر ويمدحها مره ويقول نصيحه لا احد يقرب من الاكورد 2007 6 سلندر اما الاكور 2008 ممتازه مره 6 سلندر معي لها شهر واحد فل كامل ومريحه سواقتها مره وقويه والي بيشتري اكورد 2008 ما راح يندم :cool:

اقتباس:

---

المشاركة الأصلية كتبت بواسطة الفطين

السلام عليكم اول مشاركه لي انشاء الله افيدكم المهم انا اعرف واحد معه اكورد 2007 6سلندر شرها وكاله وماكملت معه 6 اشهر وباعها قلتله ليش بعتا وهي جديده توك شاريها قال ذبحتني في الخرابات وسائلته وش الخرابات قال اصوات من كل مكان في السياره تعب وهو يصلح فيها والرجال الي اعرفه ما يحب التفحيط ولا السرعه وبا عها واشترا اكورد 2007 4 سلندر ويمدحها مره ويقول نصيحه لا احد يقرب من الاكورد 2007 6 سلندر اما الاكور 2008 ممتازه مره 6 سلندر معي لها شهر واحد فل كامل ومريحه سواقتها مره وقويه والي بيشتري اكورد 2008 ما راح يندم :cool:

---

أسمحلي يالغالي .. خويك غلطان ثم غلطان ثم غلطان .

انا موتري ولله الحمد سنة وشوي ولا أشتكيت من شي ماشاءالله تبارك الله.

وعندي اخوي بعد 6 سلندر والحمدلله ماشفنا عليها ملاحظات غير البطارية والهوبات بس ..

يمكن خويك يبي يصرف الموتر ورغبان بالأربعه سلندر وطلع له اعذار علشان مايقولون له ليش بعت ومن هالكلام

أشكرك أخوي الفطين وماقصرت على النصيحه ..
بس الصراحه كلام خويك غير مقنع أبداً 6 شهور وكل هذا شافه منها !!
والله لو هو مشتريله شفر كان ماصالر له كل هذا

أخوي المباشر كلامك يريح القلب صراحه

اخوي المباشر والله اني مدري عنه بس انه كان يجيني شوي ويبكي من السياره :confused:

يالغالي كل مشكلة ولها حل ..

وحتى لو كانت هناك بعض المشاكل بالسيارة تقدر تصلحها وان شاءالله تصير تمام

شوف بالنادي الكثير ينصح بالـ 6 سلندر والبعض يتخوف منه لأنه ماجربة وياخذ على كلام الناس .. مثل ماقلت لك ياغالي عندي وعند اخوي وماشفنا منها شي والحمدلله مع ان اخوي راعي تمشيات ويدرس بالكلية التقنية بالدمام ومشاوير عليها وللحين اموره طيبه ولله الحمد . وأهم شي يكون الموتر جديد ونظيف لأنك ماتدري عن المستعمل ممكن تواجهك فيه شغلات تطفشك شوي لكن اذا تابعتها وصلحتها بقطع أصلية من هوندا بترتاح ان شاءالله .:)

ولو دخلك ماشاء الله قوي توكل على الله بالسته سلندر و حدد لها راتب خاص صدقني انا مجربها ثلات سنوات

6سليندر والالب داعي لكــ ..

اقولك توكل على الله وخذ سته ولا تسمع لكلام الناس انا معاي 2005 وسته سليندر وحق مطارحات وسباقات والعب في المكينه يعني عده تلغيم وهوايل الله لا يوريك لو انها في سياره ثانيه كان راحت تشليح الحمد لله عمري ما اشتكيت منها كل المشاكل اللي جاتني قطع استهلاكيه لا غير
توكل على الله واشتري السته والله ما تندم:cool::cool:

اقتباس:

---

المشاركة الأصلية كتبت بواسطة المباشر

أسمحلي يالغالي .. خويك غلطان ثم غلطان ثم غلطان .

انا موتري ولله الحمد سنة وشوي ولا أشتكيت من شي ماشاءالله تبارك الله.

وعندي اخوي بعد 6 سلندر والحمدلله ماشفنا عليها ملاحظات غير البطارية والهوبات بس ..

يمكن خويك يبي يصرف الموتر ورغبان بالأربعه سلندر وطلع له اعذار علشان مايقولون له ليش بعت ومن هالكلام

---

تعجبني يالمباشر كلامك صحيح

وي وي تستشيل ليه خذ ال 6 وخلاص وتوكل على الله :d ما عنده وقت بسرعة بسرعة

خذلك 6سلندر وتمتع بقوة المحرك الخفيه عن الجميع إلا لمن جرب ، هذي سيارتي معي من سنتين والحمدلله لاخرابات ولايحزنون ، وخويك مع احترامي شكله ماحب السيارة وبدا يحط فيها الف عيب ، في محلك 6سلندر وبدون ادنى تردد لأن الفرق في المحرك تكفيني .

ياخي خذ الـ 6 سلندر ياخي :) ...


والله إني يوم أشوف مقاطع أكوردات 4سلندر تطارح ... ينرفع ضغطي ...


تقول طالع ياريس .. مافيها حيل ...:o


إسمحولي على التعبير بس والله ماني متعود أشوفها


ضعيفه لها الدرجه <------ سيارته 6 سلندر :d

انا ما جربت 6 سلندر بس واللة الاربعة سلندر مو ضعيفة عزم ماشاء اللة

اقتباس:

---

المشاركة الأصلية كتبت بواسطة dryeyes

انا ما جربت 6 سلندر بس واللة الاربعة سلندر مو ضعيفة عزم ماشاء اللة

---

لو جربت الـ 6 سلندر .... وغصبن عنك راح تكره الـ 4 سلندر :)