مشكله في موتري اكورد 2004 قير عادي

السلام عليكم
بالخير شباب
معي هوندا اكورد 2004 قير عادي
المهم قبل فتره جات عندنا سيول وامطار وخير الله يعديها علينا بالخير ان شالله
المهم وانا رايح جاي كن معي جيب المراد تفتفه معي شويه ثمين صفت
المهم زلبت بها قلت اييييه مع المويه
بكرا سوت نفس السالفه ثمين ماصارت تقبل الدعسه خليتها شغاله تفتف شويه ثمين صفت رحت لورشه فكيت الفلتر ولاه مليااااااااان مويه فكيته وشريت جديد لئن الاول كان خربان اسود وجاه مويه وغيرته ونفخت القربه والخرطوش الهوا
فكيت الكويلات نفختهن وفكيت البواجي صفت ولا احلا فتره ولعت لمبه المكينه وصارت تخمها مره تولع عقب مااشغل بربع ساعه ومره على طول ومره ماتشتغل خلقه يعني نفسيه
هاللحين على طول شغاله من اول مااشغل
اول بدايه الاستهبال كان الا دعست احسها كاتمه ثمين تفتح معي بس احسها كاتمه زي حركه فتحه الفتك
ابي ورشه تدلوني عليها يفيدوني في الامر
وانا اشتغل بيدي يعني اللي عنده خبر يقولي فك هالحساس وزين ماعندي مشكله والله الحمد يدي متمرسه على الميكانيكا بس الهوندا لحست مخي حبتين
انا شكيت بحساس الفتك اللي هو البلف قلت بلكن جاه مويه واتضرر
قلت بلكن حساس كربون مع اني منظفه قبل فتره الاثنين كلهم
افيدوني بورشه لو اكلمه بالتلفون ويفيدني وانا اشتغلها
الموقع الرياض المجمعه ماقدر اروح للشرقيه ولا جده

انت افصل البطاريه خلها ساعه واشبكها واذا مانفع خوفي يكون الحساس للثروتل بدي..

اول شي سوال وش معنى كلمة ثمين ثانيا يبيلك تنظيف بخاخات مع الثروتل بودي وتغير حساس منظم الهواء مع البواجي بعد وادعيلي

هويقصد: ثمن =ثم:rolleyes:

يمكن يكون من حساس الأكسجين اللي يجي بالقزوز :)

اقتباس:

---

المشاركة الأصلية كتبت بواسطة ..sky..

السلام عليكم
بالخير شباب
معي هوندا اكورد 2004 قير عادي
المهم قبل فتره جات عندنا سيول وامطار وخير الله يعديها علينا بالخير ان شالله
المهم وانا رايح جاي كن معي جيب المراد تفتفه معي شويه ثمين صفت
المهم زلبت بها قلت اييييه مع المويه
بكرا سوت نفس السالفه ثمين ماصارت تقبل الدعسه خليتها شغاله تفتف شويه ثمين صفت رحت لورشه فكيت الفلتر ولاه مليااااااااان مويه فكيته وشريت جديد لئن الاول كان خربان اسود وجاه مويه وغيرته ونفخت القربه والخرطوش الهوا
فكيت الكويلات نفختهن وفكيت البواجي صفت ولا احلا فتره ولعت لمبه المكينه وصارت تخمها مره تولع عقب مااشغل بربع ساعه ومره على طول ومره ماتشتغل خلقه يعني نفسيه
هاللحين على طول شغاله من اول مااشغل
اول بدايه الاستهبال كان الا دعست احسها كاتمه ثمين تفتح معي بس احسها كاتمه زي حركه فتحه الفتك
ابي ورشه تدلوني عليها يفيدوني في الامر
وانا اشتغل بيدي يعني اللي عنده خبر يقولي فك هالحساس وزين ماعندي مشكله والله الحمد يدي متمرسه على الميكانيكا بس الهوندا لحست مخي حبتين
انا شكيت بحساس الفتك اللي هو البلف قلت بلكن جاه مويه واتضرر
قلت بلكن حساس كربون مع اني منظفه قبل فتره الاثنين كلهم
افيدوني بورشه لو اكلمه بالتلفون ويفيدني وانا اشتغلها
الموقع الرياض المجمعه ماقدر اروح للشرقيه ولا جده

---

سلام عليكم اول شي بدل زيت المكينه شوف اذ فيه مويه مع زيت لانه تقول الفلتر الهو مليان مويه
ام بنسبه المبات اكيد كل الحساسات الي في سياره جاه ماي انتظر كم يوم وتظبط

اقتباس:

---

انت افصل البطاريه خلها ساعه واشبكها واذا مانفع خوفي يكون الحساس للثروتل بدي..

---

فصلت البطاريه وجربت ونفس السالفه وحساس الثروتل ابفك الثلاجه بكبرها ابنظفها ابقشرها قشر بس ابشتري الربلات حقت ابر البخاخات وثمين اوريك فيها والبلاستيكه البيضاء وثمين نجرب تروح ولالا وانا اصلا ابفحص كمبيوتر بس ابصلحها انا شكرا على الافاده

اقتباس:

---

اول شي سوال وش معنى كلمة ثمين ثانيا يبيلك تنظيف بخاخات مع الثروتل بودي وتغير حساس منظم الهواء مع البواجي بعد وادعيلي

---

ههههههههههه ثمين يعني مزيج من كلمه ثم وكلمه وين مع الدمج تصير ثمين يعني وعقبها اي فيما بعد :d سديراوي وقام يسولف عليكم الله من وجع الراس هههههههه

وهذا اللي ابسويه ابنضفها وابجرب اما سالفه غير حساس تحسسني معي كرولا قطعها في محل ابو ريالين شريت فحمات وهوبات قدام مع فحمات خلفيه من عند النعماني ب1100 لميت راسي :d

تبي اشتري حساس من هوندا بكم بيصير :d

اقتباس:

---

يمكن يكون من حساس الأكسجين اللي يجي بالقزوز

---

منظفه قبل فتره كلهن الاثنين اللي فوق واللي تحت

اقتباس:

---

سلام عليكم اول شي بدل زيت المكينه شوف اذ فيه مويه مع زيت لانه تقول الفلتر الهو مليان مويه
ام بنسبه المبات اكيد كل الحساسات الي في سياره جاه ماي انتظر كم يوم وتظبط

---

والله تبي الصدق مابدلته الزيت لئني عايرته كم مره ماقلب لونه لئن الزيت المكينه لو جايه ريحه مويه على طول يقلب شاهي حليب :dمع الحراره يمتزج الماء مع الزيت فا قعدت فتره اعاير الزيت ماقلب لونه رحت الدمام رايح 200 جاي 120 <<مؤدب :d<<ماهوب هو اللي يسوق بلاه:d

ابي رقم ورشه اي ورشه ابكلمه ابتفاهم انا وياه ابيكم تنصحوني اروح للوكاله افحص كمبيوتر عندهم ولا اروح لحد غيرهم

والله الحمد انا فاهم والله الحمد ان شالله مايقدر يتلفسف علي اعرف اسامي الحساسات بالانجليزي فا ابصير على راسه يعني ان شالله مايقعد يخمن يقول حساس كربون ولا حساس ثروتل ولا بلف نظام الفتك