محتاج مساعده لأي واحد معه كورد 2006

السلام عليكم ورحمه الله وبركاته

كيفك حالكم شباب ... المهم انا بدخل بموضوعي انا ان شاء الله بشتري كورد 2007

بس قلت خلني اشوف مشاكل 2006 عندكم بقسمها الخاص لان 2006 نفس 2007

ماتغير شي عشان كذا دخلت وشفت بعض المشاكل واحترت وابي اتاكد منكم في بعض الاشياء
اذا ماعليكم امر ياراعين 2006 ابيكم تعلموني وتردون على النقاط الي بكتبها الحين :


1- الفحمات الاماميه كل كم كيلو غيرتها ؟؟ لاني سمعت انها تطول وتعيش اكثر من الخلفيه

ولا ان الخلفيه فيها عيب ؟؟ وأبي سعر الفحمات الاماميه مع التركيب طبعا في الوكاله


2-القماشات الخلفيه بعد كم كيلو غيرتها ..؟ وسعرها مع التركيب


3- بالنسبه للوحه الاماميه للسياره أقدر اطلب من الوكاله انها تحطها لي ملكيه

يعني طويله ولا لازم اركب مربعه بعدين انا اغيرها ..

ومشكورين وااذا فيه مشاكل ثانيه شايفينها في الكورد 2006 عطوني خبر

4- بالنسبه للزيت كم علبه تحتاج ال6 سرندل فل كامل ..؟ وكم تكلف تتغيرها في الوكاله

وش دعوه ياراعين الهوندا

وينكم محد رد علي

كل عام وانتم بخير

الفحمات الأماميه والخلفيه ماغيرتها لان السياره ماشيه 15 الف كيلو >>>>> مااستفدنا شي :)

اللوحه الطويله انا رحت وغيرتها بعد مااستلمت السياره اول يوم واستلمتها الظهر واللوحه بـ 50 ريال وعلى كلام خويي اشترى كابريس من العيسى يقول اذا الوكالة بتجيبلك اياها ياخذوا فلوس للمعقب اللي بيجيبلك اللوحه وتطلع عليك كامله بـ 300 ريال :eek: >>>> يعني روح انت بنفسك ووفر 250 ريال

مشاكل الشباب يقولوا فيها تنسيم من جهة السائق وانا عندي التنسيم خفيف جدا الحمد لله ومايوضح الا لما اعدي 140 والجو فيه هواء ولا غيره

بس فيه مشكله خطيره انتبه منها اني عشقت الأكورد والعشق بلوه :cool:

مشكوووووووووووور اخوي الاخطبوط على الرد والتوضيح

وكل عام وانت بخير

بس الله لايهينك ممكن توصف لي مكان تغيير اللوحات اذا كنت بالرياض

تامر امر

تمسك طريق الوشم كانك رايح غرب الين يقفل فيك حرف تي >>>>>> عند قصر الوليد

تلف يسار

تجيك اشاره عديها قدام

بعد يمكن 200متر يمينك تلقى التموين حق المرور >>>> هذا المبنى وتلقى قدامه صبات بعد

الدور الثاني وخذ معك صورة بطاقة الاحول وصورة الاستمارة وعبي النموذج وعطيه الموظف

اذا قبل الساعه 9 مدري 10 الصباح يقول تستلمها الظهر >>> اذا جيت تستلمها تجيب معك اللوحه القديمه

اذا بعد 9 مدري 10 تستلمها اليوم الثاني

فيه ناس برا تركبلك اللوحه بـ 10 ريال واذا تبي قاعده بعد عندهم
ماقصروا ركبولي اياها وبمسامير بيضاء على طلبي صارت اللوحه كانها مثبته بدون مسامير :cool:

يعطيك ألف عافيه

وننتظر باقي الاعضاء الي عندهم 2006

وينك يادحوم بشرنا وصلت الاكورد حقتك الي من اليابان ولا لا

ههههههههههههههههههههههههههههه

61 واحد قراءه للموضوع والرد بس واحد ؟؟

انا كان معاي اكورد 2006 وبالنسبة للمشاكل اللي واجهتني فيها الفرامل , تنسيم خفيف من جهة السائق ولايسمع إلى بعد 120 ومع رفع الصوت ماراح تسمعه .

والسيارة توب ومايحتاج وممكن انها تغطت عيوبها في آخر دفعة منها وسلامتك .

انا يالجماعه عندي 2006 والمشكلة الللي عندي الفرامل ..... والا الان الوكالة ماسوت شي الى حد الان


وغير كذا السيارة ممتازة

انا عندي 2006
و الفرامل اوكي ما فيه اي مشاكل
ولا يوجد تنسم في الابواب ...........والحمد لله كلش تمام

سنة الصنع 6/2006

انا عندي 2005 بس باقول لك عن اللوحات

شوف حبيبي اذا طلعتها من المرور لا تخليهم يخرمونها لك اذا تبيها من وزن تخريم

انا انصحك بلصق ابو وجهين انا مركب لوحاتي بلصق من دون تخريم وطالعه هباااااااااال ما شاء الله

السلام عليكم

انا اعرف واحد معه 2005 غير الفحمات عند 25الف تقريبا وهو يربط فرامل قبل الاشاره ب500متر

وانا موتري 2006 ماشالله اجي طاير واذا وصلت الاشاره ضربت فرامل (لوموزين) ومشت 13الف ولا احلى ثمين صدمت:(

اما بنسبه للوحات فانا انصحك تتطلعها بنفسك قل للوكاله يعطونك البطاقه الجمركيه ورح طلعها واذا تبي واسطه قلي اعرف واحد في مرور المطار وبعد عشان تختار الرقم الي تبي

واول ماتطلعها تاكد انها ماتحذف انا اول ماطلعتها كانت تحذف معي يمين شوي اذا تركت الطاره
يوم وديتها لهم قالي موظف الاستقبال ان اكثر الي يجون يشتكون من الحذفه