!!! نكتة الببغاء بس لا احد يزعل !!!
بسم الله الرحمن الرحيم
.
.
.
.
كيفكم اخواني اعضاء منتدانا الغالي
يحكى أنّ واحد " على نياته " ..
جرّب يستثمر أمواله !
وكان عنده ببغاء http://www.ittihadfans.com/fans/atta...1&d=1251200009 يتكلم ..
مشكلة الببغاء .. إنه كل ما شاف راعيه قال له : ياغـبي .. وكل ماجاء يقول جاء الغـبي ..
واذا راح قال : راح الغـبي ! ..
راعيه ضاق صدره .. وقرر ياخذ الببغاء لمدرب الطيور علشان يعدّله ..
يا مدرب الطيور ....
شف لك صرفة مع هذا الببغاء ...
كل ما شافني فشلني عند الناس " غـبي ، غـبي " !
أبيك تدربه زين وتعدّل كلامه ..
علشان يغيّر هالكلمات الي يرددها كل ما شافني
قال المدرب : ما عليك .. خلّه عندي كم يوم ..
ولما راح راعيه .. جاب المدرب " سطل " مويه حاااارة ...
وحطه قدامه ... وسأل الببغاء ..
أنا مين ؟ !
قال الببغاء : أنت صديق الغـبي ! ..
وينزله المدرب في المويه الحاااره ثم يطلّعه .. ويسأله ...
أنا مين ؟
قال : أنت صديق الغـبي ..
وينزله في الموية مرة ثانية .. ثم يطلعه ...
أنا مين ؟
وعلى هالحال .. حتى تربى الببغاء وتسنّع ..
أخيرا .... قال له المدرب ...
أنا مين ؟ !
قال الببغاء : أنت صديق أذكى واحد في العالم ..
ويوم جا راعي الببغاء .. قال المدرب : تفضل اسأله ..
قال راعي الببغاء .. : أنا مين ؟!
قال الببغاء : أنت مين ؟! وهذا سؤال !! ... أنت الذكي ....
إلا أنت أذكى واحد عرفته في حياتي !
قال له راعيه : .. طيّب ..
وإذا لعبت بفلوسي على كيفي ؟!
قال الببغاء : .. هذي فلوسك .. من عرق جبينك ..
تسوي فيها اللي تبي ..
قال : طيّب .. إذا دخّلت فلوسي عند " سابك" ؟ !
قال الببغاء : ممتاز .. حركة استثمارية في غاية الذكاء ....
ومن أذكى واحد في العالم ..
طيّب ... وإذا دخلت فلوسي عند " بنك البلاد" ؟ ..
طبيعي .. تنويع استثماري ... من أذكى واحد في العالم !
طيّب ... وإذا دخلت فلوسي عند " الزراعية " ؟ ..
ذكاء خارق ... وماشي مع الحكمة اللي تقول " لا تحط البيض
في سلة واحدة " ... فعلا أذكى واحد في العالم !
طيّب ... وإذا دخلت فلوسي عند " الاتصالات" ؟ ..
عادي ... وزي ما يقولون " حشر مع الناس عيد " ....
صحيح إنك أذكى واحد في العالم ..
... طيّب .. وإذا
خليت الهلال يلعب بكأس العالم للاندية
قال الببغاء : يا عمي هاااات الموية ! .....
قايلك هذا أغـبى واحد في العالم ماصدقتني !
:d:d:d
لا احد يزعل من اخواننا الهلالين و من حبي لهم كاتب بالازرق :d
من ايميلي
