السلام عليكم انا محتار اشتري اكورد 2013 فل كامل 4 سلندر مع نفقيشن والا اخذ تورس 2013 sel
عرض للطباعة
السلام عليكم انا محتار اشتري اكورد 2013 فل كامل 4 سلندر مع نفقيشن والا اخذ تورس 2013 sel
وعليكم السلام
اكورد2013 6سلندر وانت مغمض شكل جديد وحلومشكلة العزل وايضا طرمبة الدركسون صارت كهرباء ..
ايضا تحمل وجوده بعكس التورس التسارع افضل من السابق كاميرا جانبيه وخلفيه شاشتين للخرائط والمسجل
الثبات فيها صار افضل من الجيل السابق لدرجه انها تفوقت بالثبات على البي ام الفئه الثالثه ..استخير الله والله يكتب لك فيها نصيب ..
مشكور اخوي ع الرد بس الاكورد اللي باخذها 4سلندر ويقولون الشباب اللي هنا ان الاكورد شايلن منها الكاميرا الجانبيه ما فيه الا الخلفيه
وعليكم السلام
انا اقول انتظر شهر وشوف الوضع بشكل كامل الحين صعب تحكم
شوف ياخوي انا معي 2009وماشي عليها 140وكم يوم وابيعها
السيارة ماشاء الله تبارك الله تستاهل كل ريال يندفع فيها
ولله الحمد من يوم طلعت من الوكالة ماقد طبت ورشه لاميكانيكا ولاسمكره وبويه
اذا تبي سيارة كرررف خذ اكورد وانت مغمض
عيوبها معروفه قاسيه جدا وعزلها الارضي صفر مكعب
وعلى النقيض تماما التوريس مريحه وعزلها مميز
وانت براحتك
وش تقصد بالاكورد فل كامل .. الستة سلندر فل كامل او الاربعة سلندر فل كامل
التورس 6 سلندر sel مخمل تقريبا ب 116 ألف ريال
الاكورد 4 سلندر فل كامل مخمل ب 107 الاف تقريبا
الاكورد 6 سلندر فل كامل بفوق 130 الف ريال.
من وجهة نظري اذا بتاخذ اكورد 6 سلندر بفوق 130 الف ريال فعندك خيارات افضل .. ممكن تاخذ تورس sel دفع رباعي ب 124 الف ريال تقريبا سيارة عزلها ممتاز و مكينتها قوية و ناعمة في السواقه
اذا قصدك بتاخذ اكورد 4 سلندر سواء مخمل ب 108 او جلد ب 117 او تورس sel دفع امامي ب 116 الف فالتورس هنا 6 سلندر و تقارنها باربعه سلندر يعني مقارنه مجحفة بحق التورس
انا احب الاكورد بس انصدمنا من مواصفات الوكيل لي تقريبا 3 شهور انتظر و اشوف المواصفات الامريكية الخرافية في السيارة و فجاه الشباب يقولون فيه مواصفات كثيره غير موجوده و شالها الوكيل
على العموم انتظر اسبوعين حتى تتضح الصورة و تشوف المواصفات اذا عرضتها الوكالة رسميا
بانتظر ان شاء الله اسبوعين لين يعرضونها بالوكالة ويحطون مواصفاتها رسميا
والله ياخوي أشوف إنه تنتظر من شهر لين شهرين حتى تبان عيوب الموديل الجديد
يعني لاتتحمس وتشوف الإخوان نازلين مدح فيها - لأنه ماشافوا عيوبها لسى - وتشتري على طول
اصبر وشوف هل تم حل مشكلة العزم السيء
وهل تم حل مشكلة العزل الأرضي والجانبي
وهل تم حل مشكلة أصوات الديكور
وهل تم تغيير الدركسون بالكامل أم لا
بعدين تقدر تقرر هل تشتري الأكورد الجديدة أم لا
أنا الحين سيارتي ماشية 25000 وفيها صوت من الديكور الخلفي ومن الدرج ومرتبة الراكب الامامي ومن الأبواب
لما أمشي على خط غير مسفلت أو مسفلت بشكل غير جيد أسمع تشكيلة عجيبة من الأصوات سببت حرج لي عند أخوياي يقولوا : لسى السيارة جديدة ليش هذي الأصوات
أخوياي واحد معه أكسنت ماشي 9000 والثاني سوناتا ماشية 14000 وماعندهم أصوات نهائي
وأنا صوت الديكور الخلفي طلع بعد إسبوعين من يوم طلعت السيارة يعني لسى ماوصلت 5000
اذا انت بالرياض روح للعيسى واطلب تجربة قيادة للالتيما الجديده
ب117 الف ريال فل كامل 6 سلندر
افضل خيار باقل سعر
انت سألت وجاوبت نفسك :)
( فل كامل ) او ( سياحي )
دايم الفل كامل لا يعلى علية وقت الشراء ووقت الاستخدام ووقت البيع ..
السياحي حتى وانت تستخدمة تنقهر وانت تشوف الازرة ناقصة والتحكم ناقص ومافية فتحة سقت .. الخ ..