أعتذار للجميع على اللي حصل بالنسبة لتجمع المنطقة الشرقية

بسم الله الرحمن الرحيم

بأسمي وباسم اخواني المنسقين نعتذر اعتذار شديد لكل الاعضاء والمشرفين والاداريين عن كل ما حصل ويعلم الله اني متفشل منكم لأن في اعضاء ما جو بسبب تغيير المكان وما درو واللي جو فيهم الخير والبركة :)

بالنسبه للتغير والله جا مفاجأ واحنا تبهذلنا انا والمنسقين :(

وهذا اللي حصل على لسان عبادي الله يعطيه العافيه :rolleyes: :

امس صار بمجمع الضهران مشاكل معاكسات وتدخلت الاماره والشرطه وعفسه
وقاله شوف الجرايد شنو كاتبه وشوف الفيديو..
فا اعذرني الاماره منعت التجمع وماتبي تجمع :mad:
اعتقد هذا مو تقصير منا ؟ ولا شرايكم
قررنا المنضمين انه يكون فيه كم واحد يحول الشباب الي يجون وماعندهم خبر انه تغيير
فا
انا وعثمان كنا بـ جيان مجمع الضهران من12
وطلعنا 1
ورجعنا 2
وبعدين راح عثمان الدمام يجيب الاستيكرات وانا وياه
وخليت سيارتي وكان فيها اخوي مكاان التجمع
من الساعه 2
الى 4:30
السياره اكورد اسود شبك اسود
اخوي كان موجوود وبعدين في كم واحد جا وراح له يقوولهم ويوصف لهم المكان


للمرة الثانية بأسمي وباسم منسقي تجمعات المنطقة الشرقية نعتذر منكم للمرة الثانية وباذن الله يكون هناك ترتيب افضل وتنسيق احسن والله الموفق ;)

شكر خاص للمصورين ( محجوب - عبادي - L.O.S.T - o-k-r ) على التفاعل :cool:

وأشكر كل اللي حضرو وأعتذر اعتذار شديد للي ما حضر بسببنا :(

تقبلو تحياتي / سيف الشهري :)

ما يحتاج تعتذر حبيب قلبي والله وخلاص تفهمنا الوضع
وما نقول الا حرام تعبكم راح على الفاضي
المووهيم انبسطوا
اهم شي كيف كان مكان التجمع لانه اذا كان ممتاز يصير كل التجمعات هناك
بعيد عن العالم و ما يحتاج تراخيص وتعب.

لا اما مكان التجمع لا يعلى عليه مكان توووب بس المشكله ما فيها انوار او لمبات بس عادي ماشي الوضع والمرة الجاية ان شاء الله بيكون هناك كشافات علشان ننور المكان :)

وشكرا على اخلاقك الطيبة وتقبلك الموضوع بصدر رحب :cool:

حصل خير ..

كان ودي احضر ..

بس كنت فارش الفرشة ومنزل الشاهي والفطائر بالموقع الاول جيان .. ومامشيت الا الساعه 10 الليل .. :)

قلت يمكن يجون بعد شوي لا لا بعد شوي ..وراح الوقت وماحسيت فيه ..:d

بس كان تجمع رايق .. فاتكم التجمع حقي .. :p

اقتباس:

---

المشاركة الأصلية كتبت بواسطة مجوووودي

حصل خير ..

كان ودي احضر ..

بس كنت فارش الفرشة ومنزل الشاهي والفطائر بالموقع الاول جيان .. ومامشيت الا الساعه 10 الليل .. :)

قلت يمكن يجون بعد شوي لا لا بعد شوي ..وراح الوقت وماحسيت فيه ..:d

بس كان تجمع رايق .. فاتكم التجمع حقي .. :p

---

اي ما شاء الله شفتك انا بس ما عطيتك وجه :p

يالله تجينا بعدين ولا ما نبيك تتعب نفسك <<< يحاول يصرفه :d

حصل خير والشباب ماقصرو انتظرو عند مكان التجمع الاول فتره بعدين تحركو وكان المفروض من الشباب الي بيحضرون التجمع يسجلون رقم واحد من المنسقين على الاقل ولكن قدر الله وماشاء فعل والله يعطيكم العافيه ان شاء الله

ويشرفني اني تعرفت عليك ياسيف وعلى باقي الشباب الي ماقد شفتهم

وان شاء الله لنا لقاءات ثانيه

:)

اقتباس:

---

المشاركة الأصلية كتبت بواسطة meshoo

حصل خير والشباب ماقصرو انتظرو عند مكان التجمع الاول فتره بعدين تحركو وكان المفروض من الشباب الي بيحضرون التجمع يسجلون رقم واحد من المنسقين على الاقل ولكن قدر الله وماشاء فعل والله يعطيكم العافيه ان شاء الله

ويشرفني اني تعرفت عليك ياسيف وعلى باقي الشباب الي ماقد شفتهم

وان شاء الله لنا لقاءات ثانيه

:)

---

الشرف لي يا مشاري والله يعطيك العافية :)

thank you سيف

ويعطيكم العافيه ماتقصرون على الجهود ومعذورين

اول شي : السـلآم عليكم
و ثاني شي : نبدا بسدح رايي في التجمع <<< مصدق ان رايي مهم
-----------------------------------------------------------
شباب لآحد يزعل من كـلآمي
بس والله اني مقهوور و بتعرفون بعد شوي ليه انا مقهور
اول شي المكان انا اشوفه ابد مو مناسب لأكثر من سبب ...
1 : المكـآن مـآ فيه اناره زي الناس <<< طيب هاذي انحلت مع الكشافات في الطلعه الجايه
2 : موقفين سياراتكم على تراب <<< بالله الي منظف الكفرات شيسوي ؟
3 : كلكم وآقفين جنب بعض الا انا و خويي صاحب الهوندا الزرقا مطلعين سياراتنا برا
4 : التصوير كان كله على السيارات الي واقفه على التراب و محد حط اهتمام لسيارتي و سيارة خويي الا المصور الي حتى ما تعرفت على اسمه
5 : مكان وقفتكم تحت أكبر غلط الصـرآحه << الي منزل سيارته مثلي وش يسوي ؟؟
6 : هاف مون معروف كله لحوج و انتو شفتو كم لحجي جانا يستهبل
7 : و هنا الأزمة الكبيره (الطريق) طريق هاف مون معدوم 100% >><< لدرجة اني و انا جاي طاحت الدبه الاولى حق الشكمان في سيارتي و الصدام الي قدام انعدم مرررررهـ و بيب الفلتر الي نازل على المكينه انكسر و الجانبينات الي ورى مو بس انفجرو الا والله ما اكذب عليكم اني و انا راجع انكسر عندي واحد الي ورى على اليمين و من القهر ما وقفت مشيت عليها و قومت لي ام الرفرف و تشمخ الجنط خلاص ما ينفع ... والله توني شاريه ما كمل اسبوعين من شريته ولا كمل اسبوع من ركبته<< انا عارف ان هاذي مشكلتي مو مشكلتكم و محد قالي انزل السياره ... بس يمين بالله انا ما سويت هذا كله الا عشان اجتمع وياكم فشله لو اني جيت بالسياره كذا لان البويه مره معدومه و غطيتها بالجلاد ... و هي في الاساس اطياس و كنت فاقد ثنتين منها و ركبت جنوط زينه ... اما على التنزيل ( تخيلو شكل السياره مرفوعه و عليها جلاد و جنوط زينه .. والله الي بيشوفها بيقول علني ملحوس)
يعني لو في احد منكم صارت فيه امانه مو ينقهر ؟؟
هي صح وناسه اني اجتمعت معاكم و تعرفت عليكم بس وش فايدة اني اجي اتكي معاكم بس سيارتي ساحبين على ام ام اما و موقفيني انا و خويي برا
كان ودي انها تكون بين سياراتكم و اخذ لها كم صورة بس الله ما كتب
و المسيره ما صارت الي كنت استناها اكثر من اي شي بعد شوفتكم
و على فكره ترى الي كانو بيجون معاي 12 هوندا معدله ما جا منهم الا 1 (صاحب هوندا الزرقا )
ما جو و السبب الموقع
لو لاحظتو اني من اول ما وصلت الى وقت ما مشيت و انا اكلم جوال
يعلم الله اني كنت اكلمهم ابيهم يجون بس مو راضيه تخش مزاجهم <<و انا بصراحه ما الومهم
و آسف يا شباب على هالرد
بس ما ابي احد يشيل في خاره
و الواحد لازم يقول الاغلاط الي شافها عشان يتعلم منه مره ثانيه
تقبلو رايي زي ما انا متقبل كل ارائكم يا شباب

يا اهلا وسهلا

لا يالغلا ما يحتاج تعتذر

وما قصرتم بجهودكم وتفاعلكم الرائع

والف شكر لكم اعزائي وبصراحة غيرت جو معكم وشفناكم يالطيبين وافتلينا شوي

ومرة ثانية اشكركم جميعا

وتحياتي لكم احبتي ,,,

اقتباس:

---

المشاركة الأصلية كتبت بواسطة أكورد أبيض

اول شي : السـلآم عليكم

---

اقتباس:

---

المشاركة الأصلية كتبت بواسطة أكورد أبيض

وعليكم السلآم
و ثاني شي : نبدا بسدح رايي في التجمع <<< مصدق ان رايي مهم
لايالغلآ رأيك مهم لانه بيفيدنا في تفادي الاخطاء المرات المقبله
-----------------------------------------------------------
شباب لآحد يزعل من كـلآمي
بس والله اني مقهوور و بتعرفون بعد شوي ليه انا مقهور
اول شي المكان انا اشوفه ابد مو مناسب لأكثر من سبب ...


1 : المكـآن مـآ فيه اناره زي الناس <<< طيب هاذي انحلت مع الكشافات في الطلعه الجايه 2 : موقفين سياراتكم على تراب <<< بالله الي منظف الكفرات شيسوي ؟ يمكن اغلبنا او كلنا مغسلين سياراتنا ومنظفين الكفرات لكن هالشي وش بيفيد احنا جايين نتجمع ونتعرف على بعض مو مسئلة استعراض

3 : كلكم وآقفين جنب بعض الا انا و خويي صاحب الهوندا الزرقا مطلعين سياراتنا برا طبعا انت جاوبت على نفسك بهالنقطه والسبب لان سيارتك منزله وماتقدر تدخل

4 : التصوير كان كله على السيارات الي واقفه على التراب و محد حط اهتمام لسيارتي و سيارة خويي الا المصور الي حتى ما تعرفت على اسمه عاد هذي النقطه جوابها عند المصورين :d

5 : مكان وقفتكم تحت أكبر غلط الصـرآحه << الي منزل سيارته مثلي وش يسوي ؟؟ والله يالغلآ صعبه جدا جدا تحرك اكثر من 20 سياره عشان سيارتين لان الساحه ممتازه وبعيده عن الشارع ومانبي نضايق الناس ونبي ناخذ راحتنا

6 : هاف مون معروف كله لحوج و انتو شفتو كم لحجي جانا يستهبل الظروف حدت الشباب وماكان في مجال للتفكير بمكان اخروبالعكس المكان ممتاز مافي ازعاج لآي احد وماخذين راحتنا ولو حظرت تجمعات سابقه كان عرفت المشاكل الي تواجهنا من الدوريات والي يعيبه فقط انه بعيد

7 : و هنا الأزمة الكبيره (الطريق) طريق هاف مون معدوم 100% >><< لدرجة اني و انا جاي طاحت الدبه الاولى حق الشكمان في سيارتي و الصدام الي قدام انعدم مرررررهـ و بيب الفلتر الي نازل على المكينه انكسر و الجانبينات الي ورى مو بس انفجرو الا والله ما اكذب عليكم اني و انا راجع انكسر عندي واحد الي ورى على اليمين و من القهر ما وقفت مشيت عليها و قومت لي ام الرفرف و تشمخ الجنط خلاص ما ينفع ... والله توني شاريه ما كمل اسبوعين من شريته ولا كمل اسبوع من ركبته<< انا عارف ان هاذي مشكلتي مو مشكلتكم و محد قالي انزل السياره ... بس يمين بالله انا ما سويت هذا كله الا عشان اجتمع وياكم فشله لو اني جيت بالسياره كذا لان البويه مره معدومه و غطيتها بالجلاد ... و هي في الاساس اطياس و كنت فاقد ثنتين منها و ركبت جنوط زينه ... اما على التنزيل ( تخيلو شكل السياره مرفوعه و عليها جلاد و جنوط زينه .. والله الي بيشوفها بيقول علني ملحوس) الحمد لله على سلامة سيارتك لكن يالغلآ هذا عواقب التنزيل الزايد بشكل عام سواء في طريق الهاف مون او غيره
يعني لو في احد منكم صارت فيه امانه مو ينقهر ؟؟ صحيح بنقهر لك هذي سيارتك وانت عارف مضار التنزيل من قبل ماتنزل
هي صح وناسه اني اجتمعت معاكم و تعرفت عليكم بس وش فايدة اني اجي اتكي معاكم بس سيارتي ساحبين على ام ام اما و موقفيني انا و خويي برا
ماحد وقفك برا يالغلآ انت وقفت بنفسك والسبب انك ماتقدر تدخل لان سيارتك منزله وسبق وقلت صعبه تغير موقع فوق 20 سياره عشان سيارتين
كان ودي انها تكون بين سياراتكم و اخذ لها كم صورة بس الله ما كتب
خيرها بغيرها ان شاء الله
و المسيره ما صارت الي كنت استناها اكثر من اي شي بعد شوفتكم
الهدف من التجمع مو مسيره او تصوير الهدف الاساسي التعرف على الوجيه الطيبه مثلك وشرواك
و على فكره ترى الي كانو بيجون معاي 12 هوندا معدله ما جا منهم الا 1 (صاحب هوندا الزرقا )
ما جو و السبب الموقع
لو لاحظتو اني من اول ما وصلت الى وقت ما مشيت و انا اكلم جوال
يعلم الله اني كنت اكلمهم ابيهم يجون بس مو راضيه تخش مزاجهم <<و انا بصراحه ما الومهم
و آسف يا شباب على هالرد
بس ما ابي احد يشيل في خاره
و الواحد لازم يقول الاغلاط الي شافها عشان يتعلم منه مره ثانيه
تقبلو رايي زي ما انا متقبل كل ارائكم يا شباب

---

خيرها بغيرها ان شاء الله ولنا لقاءات قادمه , واعتذر منك اذا ردي هذا ضايقك

:)

حبيب قلبي لييييييييييه الأعتذار

ترا ماصار الا كل خير وبالعكس المكان كان هادئ جداً

ومنااااااااااااااااااسب بس مثل ماقلت الانارة

وبعدين ياعيوني ماقصرتوا ع المجهود الاكثر من رائع

بصراحة كان تجمع جميل جداً

وألف شكر لكم

4 : التصوير كان كله على السيارات الي واقفه على التراب و محد حط اهتمام لسيارتي و سيارة خويي الا المصور الي حتى ما تعرفت على اسمه

حصل خير يالخوي وهذا انا وانا عرفت على نفسي وشكلك نسيتني :)

وان شالله التجمع الجاي باقي عليه شهرين

وابشرو بالمكان

وكلامك على عين وعلى راسي

وانا ترى كنت بفك يايات السيارة+بركب جنط مقاس 19 بس حسافة وش تبيني اسوي:(

واهم شي تقابلنا

وتعرفنا على الشباب

وتتعوض في التجمع الجاي ان شالله

من اليوم لغاية التجمع الجاي ان شالله كل شي بيكون مرتب+ببلغ فيها الأعلامين+راعي رسمي للتجمع :)

طبعا مثل ماعرفتو وش اللي حصل في مجمع جيان يوم الأربعاء وكل شي مكتوب في الجرايد:(

تحرشات جنسية والعياذ بالله :(

واهم شي بعدنا عن المشاكل

وعوضنا بشكل بسيط

:)

وسلام عليكم

لا اعتذار ولا شي يالحبيب

شيء وموو بيدكم ... والا انتوا قدها وكفوو
المهم ان الشباب ألتقوا مع بعضهم وصار فيه تعارف

يعلم الله اني من دوامي على طول جيت لكم وماطولت بعد لان كنت تعبان

ان شاء الله الجايات تكون افضل ..

تحياتي

مثل ما قالو الاخوان ما يحتاج اعتذار بس ليش اخوي مجنون أكورد شايل علي :a0501: <= بريئ :p

يعلم الله اني كنت ناوي اجي من بداية التجمع بس لأن الكيك اللي طلبته كان بيخلص الساعة 6 PM <= على توقيت ساعتي

قلت انا حلوو اجيكم العصر وبعدها في المغرب اطمر اجيب الكيك وارجع مشوار قريب بس يوم دريت ان المحل تغير

وصار في هافمون قلت صعبة يا ولد مشوآآآآر ما بوصل عندكم الا برجع قلت خلها مره وحده بعد ما آخذ الكيك

ودق علي عبادي عشان الاستكرات وخذو من وقتي شوي لأن الرجال مو مخلصهم .. وبعدها

جيت لهافموون وكليتها أكلة جامدة درت نص هافمون .. من جد طلع هافمون طويل وانا ما ادري :d

بعدين شفت واحد عنده اكورد مركب استكر المنتدى والحقه هع في النهاية طلع الرجال طالع من التجمع <= خيانة

مسكت الخط 180 .. 200 واحس اني موقف من طول الخط وبالموت دلاني اخوي عبادي <= قصدي وصلني :p

المرات الجاية لا تسوونه في مكان مجهول ولا اشترولي جي بي اس :d <= يكدون عليك !! :p

بيض الله وجههكم يالغاليين

مافي قصور وأهم شي الجمعة الحلوة والتعرف على الطيبين :)

الصراحه المكان كان حلو مره
وأتمنى التجمع الجاي في نفس المكان :)
مشكور يا سيف وباقي الشباب ما قصرتوا :)

انا كنت مستانس وقلت بجي وهذا بيصير اول حضور لي في تجمع حق المنتدى بس ماصار :(
........
لانه مادريت انه المكان تغير اللا تقريبا الساعه 9 الليل يعني انكبت خخخخخخخ
...................
يالله خيرها في غيرها

ما منكم قصور كفيتو ووفيتو:cool:
وبالنسبة للمكان كان ممتاز وماينقصه غير الأضاءة:)

صراحة التجمع توحفة وابداع

اشكر فيه كل المنسقيين والاعضاء الي شاركوو فيه ...وخاصة عثمان مصورنا العزيز

وتركي فنان الاستكرات .... ولا يهونون الباقي

عثمان عجل علينا بالتقرير انت وعبادي حبيب قلبي تعبناه كل شوي نسئله سؤال :)

يالله المره ذي سماح بس ياويلك المرة الجاية

ما يحتـــاج .,

ويعطيك العافيه أنت والمنسقيــن ., :biggrin:

هلا
مجنون اكورد 07
انا صحيح ما حضرت
بس من كلامك
انتو ما سويتو الا الي فيه مصلحت العيال
ومشكورين على الجهود الجبااره

ان شاء الله نشوفكم في تجمع الرياض الرسمي

بإسمي وإسم جميع المنسقين أعتذر أيضا عن ما بدر من خلل في مكان التجمع


وبيض الله وجيهكم جميع كفيتوا ووفيتوا


وأشكركم جميعا دون إستثناء للذين حضروا خاصة على حسن تعاونهم معنا



وشرفني يعلم الله اللقاء بهم والتعرف بهم عن قرب



لكم مني فائق المحبة والتقدير