الى كل من يشكي من تقشر الدركسووون ,,, خبر حلوو
بسم الله الرحمن الرحيم,,
صباح الخير ومساء الخير لاحلى اعضاء احلى منتدى ,,
قبل كل شي ان كتبت هذا المووضوع وانا مدري هل سبقني احد ولا لا لكن حبيت افييييدكم,,
سمعت وشفت ان اكثر الاكووردات مشكله تقشر الطاره وانا حصلي نفس المشكله والي يقوولي من العطر والي يقوولي من زيت الاكل يعني تسوق وتاكل من قدك ههههههه المهم ماركب معي واحد الا وعطاني سبب والله ماقصروووا لكن المشكله من وين بالظبط مااقدر احددها لو قلنا مثنا من العطر انا اعرف واحد مافيه امل يرش عطر بالسياره يفضل البخوور ودركسوونه متقشر والثاني ماعمره كل بالسياره ولا عمره وقفها بشمس ومتقشرررررر ,,,
فضاق صدرري وقلت باخشبه اصرف وارتاح ,, لكن فكرت قلت بدخلها صيانة 20 وبشب عليهم لعلى وعسى المهم والمهندس يسال وش الصيانه الي تبيه قلت 20 والدركسوون ...
طلع معي وشاف الدركسووون وقال ان شاالله نغيره قلت الحين اشتري سياره ب80000 ودركسوونها يتقشر كذا وتقووول اشوف ابدا ماراح استلمها الا بدركسووون ثاني
والله ومن بكرا يدق قال تعال واشوووف الدركسووون جـــــــــــديد
فانصح اي واحد منكم قابل هذي المشكله لايرده الا الوووكاله واذا راح الوكاله لايرده الا لساااااانه
خخخخخخخخخخ
آسف آسف على الاطاله والموضوع مايحتاج كل هالقرق بس حبيت اووووضح الصوووره كامله للشباب ,,,,,
وان اصبت فمن الله وان اخطأت فمن نفسي والشيطان ,,, واعذروني ع القصووور.
