أوريون ب 83 الف ومواصفاات خيال ولاعزاء للاكورد

عرض للطباعة

عرض 40 مشاركات من هذا الموضوع لكل صفحة

14-12-2006, 11:48 PM
922

أوريون ب 83 الف ومواصفاات خيال ولاعزاء للاكورد

السلام عليكم

الموضوع منقول للامانة
من منتديات تويوتا العرب

اليوم السبت نزل لسوق الرياض طراز جديد من تويوتا وهو أوريون

سأطرح بإذن الله كامل الموصفات عنها في هذا الموضوع
طرح منها ثلاث فئات طبعاً الفئه الاعلى تحمل مواصفات الادنى منها
بأسم الله نبدأ

الفئة الاولى
المحرك V6 حصان 280 3500لتر
القير 6 سرعات تبترونيك
الفرامل ABS + EBD
الجنوط المنيوم مقاس 16
كبوس
حساسات 2 امامية + 2 خلفيه
لمبة اشارة على المرايات الجانبية
ستارة خلفيه تفتح وتغلق اوتوماتيك بزر في المقدمة + تغلق عند وضع القير بالريوس
6 سيديات 6 سماعات
تحكم بالمسجل بأزرار بالدركسون
مثبت سرعة
درجة حرارة
مكيف خلفي
مقعد السائق كهرب بثمان وضعيات
مثبت للدعاسات "الارضية"
نافذة السائق تفتح وتغلق بلمسة زر
ريموت
السعر 83.000
تستاهل السعر وبقوةhttp://www.toyota4arab.com/forum/ima...ilies/cool.gif

الفئة الثانية
جناح
4 حساسات خلفية
فتحه
دخول ذكي
تشغيل بزر
شاشة معلومات
طبلون زينون
مكيف الكتروني مزدوج
مقعد الراكب كهرب
مراتب جلد
تخشيبة
الابواب الامامية بالبصمة
السعر 97.000

الفئة الثالثة
شاشة ملاحة
السعر 109.000

المعلومات بمشيئة الله كلها صحيحة لاني سألت موظف مصري جديد في تويوتا عن السياحي وعطاني مواصفات خيالية وبعدها سألت موظف قديم سوري ونتف السياحي بقوة وبعدها رحت للمعارض وتأكدت من مواصفات السياحي بنفسي
وهذه الصور اعذروني تصوير جوال

http://www.electvillage.com/files/up...6%28005%29.jpg
http://www.electvillage.com/files/up...6%28007%29.jpg
موقع الاشارة اعجبني
http://www.electvillage.com/files/up...6%28008%29.jpg
اللون الابيض على الطبيعة خيااالhttp://www.toyota4arab.com/forum/images/smilies/eek.gif
http://www.electvillage.com/files/up...6%28012%29.jpg
http://www.electvillage.com/files/up...6%28013%29.jpg
بصراحة الخلفية بدون جناح احلى
http://www.electvillage.com/files/up...6%28014%29.jpg
يمديك تركب اللوحة الطويلةhttp://www.toyota4arab.com/forum/ima...ilies/wink.gif
http://www.electvillage.com/files/up...6%28015%29.jpg

http://www.electvillage.com/files/up...6%28004%29.jpg
http://www.electvillage.com/files/up...6%28002%29.jpg
http://www.electvillage.com/files/up...6%28003%29.jpg

http://www.electvillage.com/files/up...6%28017%29.jpg
هذا طبلون السياحي
http://www.electvillage.com/files/up...6%28006%29.jpg

تعليقي

اولا لا احد يشغلنا استرالي ماليزي بنقالى ومدري ايش
عطونا اكورد بنصف هالمواصفات وتكون مصنوعة في الصومال

الاكورد فل كامل 4 سلندر ب 87 الف حسب اخر تسعيره
ومافيها
لمحرك V6 حصان 280 3500لتر
القير 6 سرعات تبترونيك
كبوس
حساسات 2 امامية + 2 خلفيه
ستارة خلفيه تفتح وتغلق اوتوماتيك بزر في المقدمة + تغلق عند وضع القير بالريوس
تحكم بالمسجل بأزرار بالدركسون
درجة حرارة
مكيف خلفي
مقعد السائق كهرب بثمان وضعيات
مثبت للدعاسات "الارضية"

شفتو كيف وكيل هوندا بخيل علينا حتى بكشاف !!

للامانة انا معي اكورد ومن عشاق الهوندا لكن الحق يقال

تحياتي
محمد
15-12-2006, 12:09 AM
م م و السعوديه 5 5 7

بصراحة السيارة في الشكل والمواصفات شكلها روعة:eek: والسعر حلو جدا
الا الديكور الداخلي مش ولا بد (يعني ما يقارن بالاكورد);)...................
وبعدين السيارة توها جديدة وما نقدر نحكم عليها الا بعد ما تستخدم علشان تطلع عيوبها ومشاكلها:confused: ...............................
بس من وجهة نظري افضل من الكامري بقوة:d وشكلها بتنافس الاكورد بقوة ايضا
ومشكور اخوي922 على الموضوع المميز............................................ .
15-12-2006, 12:47 AM
accord 06

انا اقول كل جيل من السياره له مواصفاته

الجيل الحالي من الاكورد كان مسيطر و ماكل السوق على الكامري الجيل القديم
بكل بساطه لان مواصفاتها افضل و سعرها ارخص ( بالمقارنه مع المواصفات )
اجل كامري فل كامل و ما فيها الا زينون و جنوط بايخه و المشكله كلها تركيب جده
و سعرها 83 الف ريال :confused:

اما الجيل الجديد من الكامري و الاورين فالمصنع وحد مواصفات الشرق الاوسط كله
و لو تلاحظ انه فيه موقع موحد لتويوتا الشرق الاوسط فيه مواصفات موحده لسياراتهم
و لا لا ترجي مواصفات زي كذا من ابو جميل .

المقارنه ان شاء الله بتكون مع الجيل الجديد من الاكورد :cool:
و لا تخاف شركة هوندا و ابو هاشم عارفين ان الاكورد اذا ما جت
بمواصفات زي كذا او افضل فـ ما راح تنافس
15-12-2006, 12:55 AM
megdamAccord

مع احترامي الشديد هذي السياره ما تقارن بالأكورد.

هذي قارنها بالليجند إذا نزلت.

المقارنه لا زم تكون متكافئة.

تقبل تحياتي...
15-12-2006, 12:55 AM
Acc

امممممم

اول شي الاكورد من 2003 وهذي من 2007 يعني فرق 4 سنوات

ثانيا اعتقد انها ستكون بشارة خير لنا ... يمكن تستغربون ... لأن هوندا راح تعمل اكورد افضل منها ان شاء الله وبتكون بسعر منافس ...

وشكرا لك محمد
15-12-2006, 01:08 AM
BLK

وش أقول :)

اقول الله يرحم الأكورد إذا ما غيروها 2008 :)

بس بيني و بينك كل التويوتا زي بعضووو في الشكل حالياً
15-12-2006, 01:15 AM
HONDA OWNER

بصرآحه أحلى مافيها سعرها .. ومآنقدر نقارن بينها والأكورد لين ينزل الأكورد2008

يعطيك العافيه ع الموضوع...
15-12-2006, 01:30 AM
922

السلام عليكم

مشكورين على المرور

أورين تقارن بالاكورد
اللجيند تقارن بالافلون

وفيه اشاعات ان الليجند الجديد بيكون ب 170 الف
هوندا تحلم بالمشترين صراحة :p
170 تجيب لك لكزس او BMW موهوندا

الاكورد انا اجزم 90 % انها ماراح تتغير في 2008
كل الصور المزعومة صور consept مافيه شى اكيد

لكن نشوف الجيل القادم وخبر اليوم بفلوس بكره ببلاش >>>> متأثر بافلام مصرية

تحياتي
محمد
15-12-2006, 01:44 AM
راعي الاكورد

بصراااااحه وبدون انحياز الي أي سياره سوا كانت الهوندا او التويوتا ;)

انا في اعتقااادي اسياره للحين جديد و أول موديل ينزل فما تقدر تحكم على السياره من نااحيه الاستخدام وقوة التحمل :rolleyes: :confused: ( هاذا اول شيئ )

ثاني شيئ اذا نزل الاكورد الجديد ال 2008 :d انشاء الله بعدين ( لكل حادث حديث ) بعدين قارن :cool:

عدل كلامك Acc ;)

تقبلو تحيات راعي الاكورد:cool:
15-12-2006, 01:50 AM
Acc

اخوي محمد 922

انا قريت مقال ان الاكورد ماراح تتغير الا في عام 2009 :d
15-12-2006, 01:54 AM
إنسان

الان انتو من جدكم
عرفنا كلنا معنا أكوردات ..
وعلى قولة المثل ..
كل فتاة بأبيها معجبة ..
أنا عندي اكورد ..
وأعرف إن أغلبكم عنده أكورد ..
الأكورد الآن متخلفة مقارنة بالكامري والأوريون ..
خلونا واقعيين .. ولا ينسينا العشق نقول كلمة الحق ..
أتذكر إني كنت متحمس مثلكم ..
لما جيت أمدح الأكورد الستة سلندر لواحد من الشباب أيام كان سعرها 103 ألف ريال ..
قالي الأفالون أطلق منها مواصفات وسعرها 110 ريال ..
يكفيك نظام الدخول بدون مفتاح .. وبس ..
استفزتني آراء بعضكم .. اللي يقول التويوتا شكلها واحد ..
أبوك يالمصممين ..
البي إم وهي من أغلى السيارات .. شكل سياراتها من قدام متشابه ..
ولا الدعوة ما لقى في الورد عيب قال أحمر الخدين ..

اقتباس:

بصرآحه أحلى مافيها سعرها .. ومآنقدر نقارن بينها والأكورد لين ينزل الأكورد2008

HONDA OWNER
أعطيت كلمة الحق وبعدين سحبتها ..
يعني كل الشركات راح توقف تطوير سياراتها إلا الهوندا .. إذا هذي مواصفات 2007 راح تلقى زيادة في 2008
-----------------------

اقتباس:

بس بيني و بينك كل التويوتا زي بعضووو في الشكل حالياً

BLK
الله يسعدلي صباحك ومساك .. كتابتي فوق برايفت لك ..
-----------------------

اقتباس:

ثانيا اعتقد انها ستكون بشارة خير لنا ... يمكن تستغربون ... لأن هوندا راح تعمل اكورد افضل منها ان شاء الله وبتكون بسعر منافس ...

اقتباس:

أخوي Acc
صح كلامك .. بدلالة إن الهوندا عجزت تشبك فيش حساس الحرارة الخارجية من 2003 .. والكامري منزلتها من 2003
أما سعر منافس ..
شوف سعر السياحي الآن في 2007 واطرح الفرق من سعر الأوريون .. ولك الحكم ..
وبعدين بحسبة بسيطة .. شوف كم الزيادة اللي فرقت بين سعر الـ 2006 والـ 2007 واضربها في اثنين .. يمكن يطلع لك الزيادة المتوقعة إذا تغير شكل الأكورد ..
ولا تنسى الأكورد اللي نحسبها في المعادلة 4 سلندر والأوريون 6 سلندر .. ومحركها أحسن من محرك الأكورد 6 سلندر ..
-----------------------

اقتباس:

مع احترامي الشديد هذي السياره ما تقارن بالأكورد.

اقتباس:

هذي قارنها بالليجند إذا نزلت.
المقارنه لا زم تكون متكافئة.

أول رد منطقي ..
لا خرب كيبوردك أخوي megdamAccord
-----------------------

اقتباس:

الجيل الجديد من الكامري و الاورين المصنع وحد مواصفات الشرق الاوسط كله

اقتباس:

و لو تلاحظ انه فيه موقع موحد لتويوتا الشرق الاوسط فيه مواصفات موحده لسياراتهم
و لا لا ترجي مواصفات زي كذا من ابو جميل .
المقارنه ان شاء الله بتكون مع الجيل الجديد من الاكورد :cool:
و لا تخاف شركة هوندا و ابو هاشم عارفين ان الاكورد اذا ما جت
بمواصفات زي كذا او افضل فـ ما راح تنافس

أخوي accord 06
والله كأني ألمحك تمدح تويوتا .. ونسيت إن الوكيل هو اللي يحدد مواصفات سياراته ..
وأكبر دليل عبدالله هاشم .. فاصل سلك حساس الحرارة في الأربعة سلندر وشابكه في الستة ..
واحسب كم مخدة هوائية في الستة سلندر موديل 2005 .. وكم نقص منها في عام 2006 لتقليل التكاليف على قولته ..
كل وكيل وله اشتراطات في مواصفات السيارات .. وعيبنا من عبدالله هاشم ..
-----------------------

اقتباس:

الديكور الداخلي مش ولا بد (يعني ما يقارن بالاكورد);)...................

اقتباس:

وبعدين السيارة توها جديدة وما نقدر نحكم عليها الا بعد ما تستخدم علشان تطلع عيوبها ومشاكلها:confused: ...............................
بس من وجهة نظري افضل من الكامري بقوة:d وشكلها بتنافس الاكورد بقوة ايضا

أخوي م م و السعوديه 5 5 7
أذكر لما نزلت الكامري 2007 .. اتهمت بتقليد ديكور الأكورد .. خاصة طبلون الزينون .. عاد كيف ديكورها الداخلي ردي والأكورد يجنن ما أدري ..
أما قضية السيارة جديده وما نعرف عيوبها ..
اسمحلي ..
عندي اكورد 2005 وكنت أضحك على حقين الكوامري من تنسيم الهواء .. والمشكلة عندي .. لا وأزيدك عندي صوت في الفرملة .. صفير وطقه ..
لكن الأكورد من 2003 خالية من العيوب .. والتويوتا سيارتهم جديدة ويمكن يطلع فيها عيوب ..
والله إني أعذر شركة تظهر عندها عيوب في سيارة جديدة لأول موديل تنزل .. وأحقد على شركة بحجم هوندا تسكت على عيوب في سياراتها من عام 2003 الى 2007 وما تعدل العيوب ..
أما تنافس الأكورد ..
أي أكورد تقصد فيهم .. الأربعة ولا الستة ..
شوف حجم المحركات وقوة الأحصنة .. وأهم شيء التجهيزات الداخلية والخارجية ..
وبعدين احكم ..
-----------------------
إخواني ..
والله إني مثلكم راكب أكورد ..
وعندي الأكورد بمية كامري ..
لكن إني أدفن كلمة الحق بسبب عشقي لسيارتي ..
هذي فيها نظر ..
الهوندا جبارة .. والأكورد أسطورة ..
لكن خلونا واقعيين شويه ..
من تواضع لله رفعه .. ليه مغترين بالأكورد ..
سيارة يابانية أصلية .. لكن مو كل العالم متخلفة وهوندا بس تشتغل ..
لكم كل التقدير .. وأعتذر للإطالة ..
15-12-2006, 02:06 AM
922

انسان

ماقصرت والله والف شكر مرروك واضافتك الرائعة

م م و السعوديه 5 5 7

يارحال نفس الديكور
التشابه 85 % وكل السيارات الجديدة تشبة الاكورد
حتى اليوكون الجديد نفس الوان الديكور

بعدين اغلبكم تقولون نشوف الجودة والتحمل
ياناس هذي تويوتا موب كيا والا تاتا والا دير

تويوتا تستخدم قطع من DENSO
الهوندا تستخدم قطع من DENSO

ماقد شفنا مشاكل تحمل واعطال من تويوتا الا فراملهم مدري وش تبي اما الباقى
يضرب فيه المثل بالتحمل

من اول كان التويوتا بدون مواصفات
الكامري كنها هايلكس مخشب

لكن الحين تغير الوضع 180 %

Acc
انا حطيت في العنوان ولاعزاء للاكورد

واذا طلعت في 2009 ماراح يقدرون يجارون مواصفات اوريون الا بتغير بلد الصناعة
لان التكلفة بتكون عالية في اليابان وسعر البيع لازم يكون مساوي او مقارب للمنافس

وهذي صور اضافية
بالنسبة لي مااتوقعت تويوتا ممكن توصل للابداع هذا

http://www.des4s.com/up/aurion/11.JPG
http://www.des4s.com/up/aurion/12.JPG
http://www.des4s.com/up/aurion/13.JPG
http://www.des4s.com/up/aurion/14.JPG
http://www.des4s.com/up/aurion/15.JPG
الجلنط بزر >> الله لنا

http://www.des4s.com/up/aurion1/21.JPG

الصور منقولة من منتدى تويوتا العرب
المصور كتكووت

تحياتي للجميع
محمد
15-12-2006, 02:31 AM
Acc

محمد 922

عندك خبر ان الاكورد تصنع في اليابان والولايات المتحده والمكسيك !!

يعني ماراح تكون مشكلة لو جابو عندنا الامريكي او حتى المكسيكية
15-12-2006, 01:43 PM
HOondawy_86

السيااااااره رائعه بكل ما تحمله الكلمه من معنى
واذا بنقارنها بالاكورد اكيد المقارنه راح تكون لصالح الاوريون بكل المقاييس لكني اعتقد انها مقارنه غير عادله لانها من جيل يتختلف عن الاكورد
ونامل ان الاكورد تتغير وتصير بمثل هالمواصفات الحلوه
ويعطيكم العافيه
15-12-2006, 04:59 PM
A V L A R S

الله يعين الهوندا وتنزل مواصفات الأكورد بسرعه ولا بأغير رايي فيها ....

كلمة حق ((((( ... الأوريون لحد الآن متفوقه على الأكورد بكثير ... )))))

وأهم شي التحمل والأعطال قبل أي شي.
15-12-2006, 07:23 PM
lord033

مشكور اخوي ،،

لكن وين الجلنط الي بزر ؟؟

اذا تقصد الي في الصورهـ الاخيرهـ ""p >> فهذا حق الحساسات ،،
16-12-2006, 01:06 AM
ابوفهد.

والله الموتر بطرررررررران مافيه كلام

تحياتي
16-12-2006, 01:07 AM
ابوفهد.

والله انا ودي ابدل الهوندا اللى معي ب ارويو
للعلم ان اللى معي 2007 اسود فل كامل 4 سلندر
16-12-2006, 09:07 AM
ق ع م ACCORD

والله بصراحة ياشباب بس لاتزعلوا:d

صح انها اول مديل لكن

التيوتا معروفة في تحملها:p

وفي رخص قطع غيارها:p

وش رايكم
16-12-2006, 11:23 PM
ك و ر د

أخوي المشرف العزيز 922 سجل موافقتي لك قلب وقالب ، وصراحة وبدون حلف لو ما شريت كان فكرت وعزمت ممكن عليها بجكم أنها جديدة ومتميزة ، وارجع وأقول أنك صادق في كل ما ذكرت "والقلوب شواهد" .
17-12-2006, 07:27 PM
عين السعد

احسن والله ودي تغطي على الاكورد علشان يطيح سعرها شوي

يا عيال والله من نزل موديل 2007 وانا ودي اشتريها
بس سعرها نار

وكل ما بغيت اشتريها يجي واحد يقول حرام ياخذها بهالسعر اذا عندك فلوس
خذ التيما 3,5
ولا يجي ثاني يقول خذ كامري

وهالحين اوريون اوووووووووه والله كثير سعر الاكورد فيها (بصراحه)

انا من عشاق الاكورد ولي سنه احوش (اجمع المال ) ابيها ولا نضرت لغيرها

لكن السعر والله ثابت كل يوم وانا مسنتر في المعارض ابي سعرها بتحرك
ما طاح ريال.........

المهم اتمنى سعر الاكورد ينزل

ولله ما كان ودي تويوتا تنزل سياره افضل من الاكورد لكن ماباليد حيله
وانشاء الله تكون الاكورد 2008 احلى (والله ما اتوقع)
17-12-2006, 10:43 PM
الاخطبوط

هذي ماهي من فئة الأكورد

هذي أعلى من الكامري (اللي هي بفئة الأكورد) وأقل من الأفالون

يعني بالهونداي عندك السوناتا والأزيرا نفس الشي بتويوتا عندهم الكامري والأوريون

بس هوندا ماعندنا غير الأكورد وبالنسبة لليجند فهي أعلى من الأوريون ويمكن أعلى من الأفالون

يمكن لو ينزلون الأكيورا ..... يمكن....

بس مو بشرط عشان مواصفات أحسن معناته انه السيارة أحسن خصوصا والسيارة جديده علينا

بالمعرض الدولي للسيارات بالرياض كان فيه سيارة مواصفاتها أحسن من الثنتين (الأوريون والأكورد) وبسعر يابلاش فوق الـ50 ألف بشوي <نسيت سعرها بالضبط> ولكنها صناعة صينية و الماكينة من ميتسوبيشي يابانيه

الكلام على الجيل القادم من أكورد ومع ذلك ماأتوقع توصل لها لأنه أصلا ماهي من فئتها
18-12-2006, 01:15 AM
zeyad

راعي الاكورد في دحديره وطلعت الحين

تويوتا يوم درت ان فيه زباين راحو لهوندا قالت لازم نطلع سياره تضفهم كلهم

وهاذيهي جابت الاوريون وياصاحب الاكورد يب يجيلك يوم تصير وحيد مااحد لمك

ورجاء مااحد يزعل
18-12-2006, 01:25 AM
zeyad

انسان مشكور على ردك المميز

والصراحه اكثر الاعضاء مع احترامي يشوفون العيوب ويسترونها عشانهم يعشقون الاكورد
18-12-2006, 10:14 AM
ن ك د السـعــــوديه 3 5 7

ياشباب انا معارض :mad:

صح ان المواصفات :cool: حلوه وتدوخ لكن

لو تقولون اللي تقولون الأكورد واللا بدون :cool:

كيف البيت بس <<< بيت والا فندق :p

عرض 40 مشاركات من هذا الموضوع لكل صفحة