مكينة القزاز والسنتر لوك هوندا اكورد2005

سلام عليكم حبايب البي وكل سنه وانتوا طيبين بعد الزحمه

عندي مشكلتين وابي حل لها يكلفني اقل الخسائر

ويكون حل مضمون ومايبسبب اي مشاكل

الله يسلمكم عندي قزاز الراكب الامامي

هو الوحيد اللي ماينزل في السياره

رحت عند كهربائي وقال لي مكينة القزاز اللي تطلع القزاز

وتنزله هذي خربانه ونا خايف من شغلة ثانيه ان القزاز جا له

كسر وصاحب السياره غيره بقزاز تجاري لأن جاري عنده هوندا وسوا حادث

جهة الباب ونكسر القزاز عليه حط واحد تجاري والمكينة مارضت تنزل القزاز

بحكم ان القزاز تجاري والمشكله الثانيه عندي السنتر لوك تبع الباب

الخلفي اللي ورا باب السائق مو شغال لازم اذا جيت اقفل السياره

اقفل هالباب بيدي السؤال اللي يطرح نفسه مكينة القزاز هل تنصحوني اشتري جديده

رغم ان سعرها حوالي 1300 ريال ولا اشتري تشليح ولا اسوي لها توليف انا احترت في امر

مكينة القزاز لدرجة اصحابي كلهم صاروا يكرهوا سيارتي من شان هالقزاز

والشغله الثانيه السنتر لوك تنصحوني اخذه وكاله بسعر 500 ريال ولا اسويه عند الزينه بسعر

ارخص وبنفس طريقة الوكاله ياليت تفيدوني ولكم جزيل الشكر

شغلت مكينة القزاز انا من وجهة نظري الشخصية تشوف لك من التشليح مكينة نظيفه وصدقني رايح تدووم معاك انشاء الله
اممممم
شغلت السنتر لوووك برضه لو حصلت لك من التشليح خير وبركه بسعر مزيون
السنتر لوك حق الهوندا >>(التحكم المركزي) معقد
الي انته رايح تسويه في محلات الزينة رايح سوي لك سنتر لووك على حقك يعني صعب انه يشل السنتر لوك حق الوكالة لانه هو يتحكم في قفل الباب برضه فيكون كا عامل مساعد له يوصل له كهرباء فتصبح العملية كهرومكانيكية
يعني الخلاصة يساعده عشان يتقفل وانا شايف واحد عنده هوندا 2006 سوا كذا الى يومك ذا تمام
وفي النهايه يرجع الخيار لك
ارجو اني قد وصلت لك معلومة بصيطه
ولك كامل احترامي وتقديري

<< يعآأني من نفس المشآكل اللي عندكـ !! :)
( مكينة القزاز الشبآكين اللي قدآم + 3 سنتر لوكـ خربآنة عندي ! )

من بعض الحلوول اللي طرحت علي ’’ قآألوا لي ركب السنتر لوك حق الكورولا أو اليآرس الاصلية ..
سعرهـ رخيص وممكن يركب مع سنتر الهوندآ كـ سنتر مسآعد .. بس مآ جربتهآ لسآ ..
وطبعاً بتركبهآ عند الكهربآئية حقين محلات الزينة !!

أمآ بخصوص مكينة القزآز أفضل اننآ نآأخذهآ من التشليح ,,
وسمعت بـ مكينة تجآرية بتجي رخيصة مررة بس مآ عندي فكرة عنهآ بتدووم ولابتخرب بسرعة !!

هذهـ خبرتي أتمنى تفيدكـ ,,
وألآأقي الفآأئدة منكمـ ,.

بالنسبة للسنتر لك ... سعر في الوكالة 600 ريال بس
وتحصل ياباني نوعي جيدة بحاولي 340 ريال
وخل عنك الترهيم والخرابيط محلات الزينة يلعب لك في أم الكهرب ويحسوسك حوس

مكينه الزجاج من التشليح
والسنتر لوك هذا تقرير بالتفصيل
http://www.hondaarabia.com/club/t52999/

طيب نتكلم عن القزاز :
لا تفكر أبد أبد إنك تشتري تجاري وتأكد إن القزاز اللي معك وكالة
عندك حلين:
1-إنك توديها لمحلات الزجاج ويشوفون هل فيه إمكانية تصليح سيور الماكينة
وهذي كلفتني 200 ريال
2-إنك تشتري ماكينة ودينمو تشليح وسألت عنها في الوكالة بـ 1700ريال
وشريتها من التشليح 350ريال مع التركيب

بخصوص ماكينة الباب الخلفي:
1-تقدر تروح عند أي كهربائي متمكن يصلح لك السنتر لوك بـ 90 ريال
2- تقدر تشتريه وكالة اذا ما تصلح بـ 500 ريال تقريبآ