عضو جديد بحاجة لمساعدتكم

السلام عليكم ورحمة الله وبركاته وبعد ....
الصراحة شدني لكم اهتمامكم الشديد وحرصكم على التفاعل الدائم فيما بينكم ولاأخفيكم أنني انضممت اليكم بسبب شرائي لسيارة هوندا اكورد 2005 وكانت قناعتي في الهوندا اكورد كبيرة وعالية مقارنة بمثيلاتها من فئتها في باقي الشركات وعند بحثي في الانترنت لاحظت منتداكم المحترم والمتمحور حول الهوندا بشكل والاكورد خصوصا واهنئكم من كل قلبي على هذا المنتدى الجميل وأحيي كافة المشرفين والقائمين عليه والأعضاء الكرام واتمنى التواصل دائما .
وإليكم بعض المشاكل التي اواجهها في الفترة الأخيرة :
- بينما أمشي بالسيارة يطلعلي صوت كأنه صوت هوا مضغوط وينسم ببطء من الناحية الخلفية اليمنى للسيارة ويخرج الصوت فجأة خصوصا لما ترتج السيارة من حفرة أو انخفاض مفاجي أو مسامير الطريق ويختفي بعدين الصوت ومحيرني ماأعرف من وين مصدره ولاسببه .
-المشكلة الثانية ان المكيف بعض الأحيان يطول حتى يبرد مظبوط فهل السبب ان الفريون قليل ولا هذا شي طبيعي ومافي داعي للقلق .
- المشكلة الاخيرة ان السيارة تحصل فيها رجة بسيطة بعد 140 بس مزعجة وانا ترى بدلت الكفرات دنلوب الجديدة وقالولي ان السبب منها لأن الرسمة في الكفر عريضة وواسعة فهل هذا الشي صحيح .
ياريت تدلوني على الحل ولكم جزيل الشكر .

حياك الله اخوي maimoon1900
اول شي الف مبروك السيارة ويعطيك خيرها ويكفيك شرها

بالنسبة يا الغالي للمشاكل اللي تواجهها في سيارتك انا ما عندي خبرة كافية لكن بأدلك على كم طريقة تخليك تعرف المشكلة فين بالضبط وان شاء الله الاخوان اللي بعدي ما يقصرون ويعطوك النصايح الزينة

بالنسبة للمشكلة الاولى اللي هو الصوت صراحة اول مرة اسمع بيه لكن ممكن يكون من الجلد اللي في الباب ممكن تكون متأثرة ولا شي لكن افضل شي للتأكد من المشكلة خلي اي واحد يسوق عنك وخلك جالس ورا يمين وحاول انك تنتبه للصوت وتحدد مصدره كويس صح انه حل اهبل شوي لكن في رأي تشخيص المشكلة ومكانها هو اسرع طريقة للحل .

وبالنسبة للمشكلة الثانية اللي هي المكيف ما يبرد ، صراحة مع الشمس اللي عندنا والصيف اللي يسلخ الجلد اتوقع ان الفريون ما راح يسوي شي لان ( الجود من الموجود ) لكن اذا تبي نصيحتي لتشخيص المشكلة حال انك توقف السيارة في الظل لمدة ساعة اقل شي عشان السيارة تبرد وبعدين شغل المكيف وشوف اعط المكيف اقل من دقيقة اذا ما برد فمعناه انه عندك مشكلة
واذا تبي نصيحة مجرب ظلل في-كول وراح تحس بالفرق !!

واخيرا المشكلة الثالثة بالنسبة للكفرات انا ما عمره احد مدح لي كفرات دنلوب وما اقدر افيديك فيها ان شاء الله الاخوان ما يقصرون معاك
لكن الهوندا كفراتها ميشلان الفرنسية صحيح انها قاسية بس في الجودة 100 % وعندك كمان كفرات بريلي .

ان شاء الله اني افدتك ولو بالشي القليل <<< والله اني من جنبها :d

تحياتي لك

هلا بك أخوي في المنتدى وسعداء بانضمامك إلينا وإنشالله إنك نفيدنا وتستفيد ونتبادل خبرانتا .
بالنسبة لأسئلتك :
أول مشكلة الصراحة مامرت عليا :confused: .

ثاني مشكلة هذي مرت عليا وعانيت منها والحل كان في تنظيف ثلاجة المكيف وشراء فلتر مكيف جديد وكلفني الفلتر 385 ريال أما تنظيف الثلاجة على الوكالة .
إنت شوف بنفسك الفلتر ومحله ورا الدرج إلي أمام الراكب الأمامي أضغط على الدرج من الجهتين ونزله حتلاقي وراه الفلتر هو شكله مربع أسحبه وحاول تنظفه بهواء خفيف لأن الشرايح إللي فيه ضعيفة وجرب المكيف إذا مانفع وديها الوكالة يغيرونوه وينظفون الثلاجة وتطلع توب .

المشكلة الأخيرة أنا برضو كانت عندي هذي الرجة مع الدنلوب و أنا الصراحة وقتها كنت أبغا كفرات جديدة لن إللي عندي أتمسحت <<<<< صارت فورميلا :d
وغيرتها إلى كفرات تويو مقاس الجنط 16 والدعسة 55 وعرض الكفر 225 علما إن القديم كان الجنط 15 والدعسة 65 والعرض 205 ورصصتها ترصيص أرضي لأن الترصيص الأرضي يعطيك ثبات على السرعات العالية بعكس العادي إللي حده أعتقد سرعة 120 كم/سـ وسويتلها ميزان كامل الأذرعة والدريكسون وصارت السيارة كدا :cool:.

تحياتي لك اخوي ومرة اخرى سعداء بانضمامك إلينا
أخوك خالد

شكرا لكم اخواني على اهتمامكم ومروركم الكريم والمعلومات المفيدة .

مشكلت الصوت تكد من المساعدات الخلفيه يمكن احدها مفقوع وشوف فيه زيت طالع منه تكد منه لنها وجهتن المشكله ذي وطلع مساعد خربان

بس للرجه سوي لك ميزان اذرعه وترصيص ارضي تحصله بمحلات الوزن بالصناعيه القديمه