عرض للطباعة
السيارة جديده ماشية حوالي 900 كيلو فقط
بعد تشغيل المكيف تطلع لي ريحة خايسة , ثواني وتختفي وبعد حوالي خمس او عشر دقايق ترجع , وبرضه ثواني وتختفي وعلى هذا الحال
وش المشكلة ؟
هل من الفلتر؟
اذا من الفلتر هل يحتاج تغيير ولا تنظيفه يكفي؟
هل اكلم الشركة عند صيانة الالف كيلو؟؟؟؟؟
ماشاء الله عليك
على طول على الوكالة خلهم يغيرون الكبوت كامل ^_^
أقصد يشيكون على الريحه يمكن من الكبروسور أو فلتر المكيف .....
مدامها على الضمان كل شي عندهم على طول
طبيعيه اخوي ..
معي 2008 واول ماطلعتها كانت كذا ..
فتره وتروح ..
ريحه قطو ميت ..:d
فك فلتر المكيف بنفسك ونظفه
بعدين رش عليه عطر خفيف من عطوراتك المفظله
وبعدها يطلع تمام التمام
لأني سويت نفس الطريقة هذي وراحت الريحة
انا عندي نفس المشكلة
بس اتوقع رايحة المكينة
هاذي المشكله موجوده من قبل بموضوع
والحل يا انك تنضف فلتر المكيف او تغيره
المفروض ماتشغل المكيف الا بعد الـ1000 كيلو >_<
^^
هههههههه حلووه بعد الألف
لو كاان بنص الصيف
على ماتمشي الف الا انا متبخر
ولا احط مكيف طنين بلسياره ولا اقعد على مراوح:d
:p
^^^
ليش الوكاله ماقالولك عن الشيء هذا!!!!!!!
^^
لا والله ماحد قالي :confused:
يعني من الوكاله اكلام
:eek:
لا موب صحيح ..
اانا مطلع سيارتي من الوكاله والكلام كان ..
بدون مكيف تمشي بالسياره كحد اقصى 100 كيلو بالساعه ..
وبالمكيف 80 كيلو بالساعه .. وبس ..
اما مااشغل المكيف سلاماات يابطل ..
أنا عندي نفس المشكله بالظبط , وسيارتي أكورد 2008 وجلسة المشكله هذي معايه شهور طويله ولاكن الحمدلله عرفت الحل من أخواني ألي في المنتدى , وهذي الطريقه :
1 / تعلي المكيف على أخر قوه وتفتح قزاز السياره كلها , وتمشي أكثر من 80 أو 90 أو 100
2 / تروح عند البنشري وقول نظف الفلتر .
وبإذن الله راح تنتهي من هذي المشكله .
والله ياعبادي انا قالولي لاتشغل المكيف ولا تتعدى سرعة الـ90 الا بعد الـ 1000 كلم
وانا ماجبت شيء من عندي
وياليت الأعضاء اللي قالتلهم الوكاله نفس الكلام يكتبون الردود
" معليش ياصاحب الموضوع عن الخروج عن النص "
اقتباس:
المشاركة الأصلية كتبت بواسطة >>ăҒשּׂЙă<<
انا ماخذ سيارتي من وكالة الدمام وانا ساكن بالحسا يعني 120 كم تقريباً
سألت الي بالوكالة كم امشي وهل اشغل المكيف ابتسم شوي وقالي شغل المكيف
وامشي 120لاتزيد قلت 120:eek: شلون يقولون امشي 80 وبدون مكيف بعد ابتسم
وقال الكلام هذا وقت 82 يوم المكاين حديد اما الحين اللمنيوم يعني وسع صدرك:d
بعد معليش ياصاحب الموضوع للخروج عن النص
كل ماطلعت لك ريحة مقرفه افتح الدرايش :d
عندي نفس المشكله رحت ونضفن الفلتر وبخيته بعطره وراحت
الفلتر جديد حرام تبدله وتخسر نفسك خصوصآ مع سعرة المرتفع
لكن اذا الوكالة راح تسوي لك تنظيف بمادة GARDX على الضمان فلا تترد والأهم يكون ببلاش
موضوع يفيدك
http://hondaarabia.com/club/showthread.php?t=25405