تكفون السيارة غاليه الحين ابي ابيعها بريال

السلام عليكم ورحمة الله وبركاته

بصراحه ياشباب أنا من محبي الأكورد بشكل جنوني ودفع اموال كثيره في صيانة سيارتي والأهتمام فيها

لكن اطلعت لي مشكلة خلتني اكرههاااااااااا ودي اتخلص منها لو بريال بس ارتاح من هالمشكلة

المشكلة (( صوت رجة إذا شغلت المكيف والسيارة واقفه وإذا مشيت تروح الرجه والغريب اذا حطيت السيارة بنمرة n وهي واقفه

تروح المشكلة وإذا حطيتها على نمرة d تجي الرجه وإزعاج مايحتمل مع تشغيل المكيف لاكن إذا طفيت المكيف تخف الرجه

ماخليت ولا ورشة بالرياض إلا ورحت لها اللي يقول الشاص مصدوم طيب السيارة جديده ولا صدمت فيها واللي يقول كراسي المكينه
واللي يقول حساسات المكينه ))


تكفون ياخبراء هوندا عطوني رايكم وش اسوي وش الحل



ولكم كل الشكر والتقدير :)

لاتشيل هم يامن كرسي المكينه او كرسي القير واتوقع من كرسي القير لأنك اذا فضيته تروح الرجه

أخوي المشكلة إن شاء الله بسيطة و95% من كراسي المكينة وحلها بسيط يا غالي..

افحص كرسي المكينة الامامي ...

سيارتي موديل 2005 وكانت عندي نفس المشكلة بالظبط
حليتها بطريقة بسيطة و في البيت والنتيجة انخفضت الرجة بنسبة فوق ال 80% (بسبب ان احد كراسي المكينة قرب ينتهي عمرة الافتراضي ف الرجة خفيفة جداا حاليا )
حلها انك تنظف حساس الهوا اللي قبل الثروتل بودي ( يجي مكانة بالظبط في الماصورة اللي بعد فلتر الهوا وقبل الثروتل ) + تنظف الثروتل بودي
طبعا تستخدم منظف الكترونيات بتلقاه في ساكو ب 30 ريال حولها وحواليها
وان شاء الله تنحل مشكلتك

أخوي زي ما قالوا الشباب شيك على كراسي المكينة ... تبيع بريال تراي شراي هههههه

مشكلتك بسيطة وبتنحل إن شاء الله وإذا كانت على الظمان مر الوكالة .


الله يوفقنا وإياك ’’’

انا سيارتي 2007 وماشي عليها اكثر من 100 الف وغيرت الكراسي على الضمان قبل شهر تقريبا

حبيبي أنا عندي نفس المشكله طالعه ألحين

بس ما أتوقع كراسي المكينه أو القير لأن المكينه أشتغالها ضعيف هذا بالنسبه لي

ولمبة المكينه بالطبلون مولعه عندي وديتها لواحد وفحصها وقال المشكله بحساس الشكمان

وأنا مدخلت راسي , وغيرت البواجي ونفس المشكله موجوده وأبي انضف الفلتر لأن لها سنتين معي ما نضفت الفلتر لأن فكه صعب

أو البخاخات لأن بنزين 91 دائم يخرب البخاخات والله يعين على عبدالله هاشم ...

اقتباس:

---

المشاركة الأصلية كتبت بواسطة الشقاوي

حبيبي أنا عندي نفس المشكله طالعه ألحين

بس ما أتوقع كراسي المكينه أو القير لأن المكينه أشتغالها ضعيف هذا بالنسبه لي

ولمبة المكينه بالطبلون مولعه عندي وديتها لواحد وفحصها وقال المشكله بحساس الشكمان

وأنا مدخلت راسي , وغيرت البواجي ونفس المشكله موجوده وأبي انضف الفلتر لأن لها سنتين معي ما نضفت الفلتر لأن فكه صعب

أو البخاخات لأن بنزين 91 دائم يخرب البخاخات والله يعين على عبدالله هاشم ...

---

لمبة المكينة لما تولع سببها غالبا يكون احد الحساسات حقت المكينة
ومن اهم اسبابها حساس الاوكسجين اللي في الشكمان
بس خويي عندة 2004 ومولعة عندة والسبب حساس الاوكسجين (فحصها بالكمبيوتر ) وما نزل العزم حق الموتر ماشاء الله مثل ماهو بس الافضل يغير الحساس
اتوقع المشكلة اللي عندك عباره عن مشكلتين الاولى حساس الاوكسجين (وغالبا مايسبب مشاكل كبيرة ) والثانية قد تكون البخاخات (وهي اللي مسببة كل هالمشاكل )

نصيحه لوجه الله لاتروح لا وكاله ولا غيرها ان رحت للوكاله قسم بالله ان تطلع من عندهم مدفعينك 5000 ريال

رح للورش متخصصه صيانة هوندا وترا مشكلتك كراسي مكينه لان المشكله قد صارت معي ولايضيق صدرك

وتقبل مروري ..........

أخواني اشكركم عالردود والنصائح المفيده

بصراحه أنا وديتها اكثر من ورشة بالصناعيه القديمه بالرياض وكلها ورشات هوندا

اكثرهم يقولون فيه صدمه بالشاص اليمين مخرب وزنية المكينه ولها السبب هي تسبب رجة إذا شغلت المكيف
قلت طيب والحل ؟؟ قالو تسوي سمكرة للشاص وتعدله ومانضمن لك ماتروح الرجة مع تغيير كراسي المكينه كاملة

بصراحه انا محتار وش الحل اسمع كلامهم او بس اكرف السيارة إلين الله يحلها

علماً بأن السيارة شاريها مستعملة ولا مشت غير 80 ألف وشاريها بمبلغ غالي الله يعين عليها بس

اجل ممكن بسبب الصدمه, طيب راعيها اللي باعها لك ماقال لك عن الصدمه؟

لان اذا غيرت كراسي المكينه والقير و نظفت الثروتل المفروض انها تروح تماما.