فزعتكم يالشباب .. مشكله بالقيررررر

السلام عليكم ورحمة الله وبركاته
كل عام وانتم بخير
ومن العايدين
اما بعد

ما اطول عليكم ندخل بالموضوع على طول ...
انا واجهتني مشكله بالقير ويمكن سبق والاخوان تكلمو عنها او صار لهم نفس المشكله
الي هي ان القير عندي اول ماتمشي السياره ويبدل الاول وبعدين بين الاول والثاني كنه وده يعشق وبعدين يعشق يعني
مسالت ثانيه او ثانيتين بسيطه هذي اول نقطه
ثاني شي لما اكون ماشي وبعدين وهديت السرعه على طول ابي الف ولا ارجع وبسرعه تعست على البانزين
يفضي القير كنه بالـn وارفع رجلي على طول عن الدعسه حتى ينزل الضغط وبعدين يرجع عادي بالـd
وحتى لو كنت اتمشي بين 40-80 وعطيتها دعسه قويه يفضي برضوو
لكن احياناً وانا امشي بخط طويل عادي كنه مافيه شي ابد ..
والقير مو كل وقت يفضي اوقات
فلذالك ذهبت الي الوكاله وقالو لي لازم حجز ومني عارف كيف والعيد قرب ولا دخلتها ورحت
لورشه بالخضيريه يمكن تعرفونها لوحتها علامت هوندا وبالزاويه لكن بالتحديد ماني عارف وين
المهم كشف كمبيوتر وقالي فيه مشكله بالقير بس بالتحديد مو عارف مع انه الكشف بالكمببيوتر مايبين لك المشكله
الا اذا كانت كهربائيه او حساس هذا على ما اضن وبنفس القوت حسيت ان الباكستاني مو عارف اساساً كيف يكشف
واخر شي قالي ممكن الكلتشات خربانه وعنديلك قير طبعاً من الامارات ياباني مع التركيب 5500
وناس تقول ممكن حساس القير او منظم القير والثاني يقول يمكن الفلتر الداخلي غيره
بس الفلتر ماله شغل بان القير يفضي ويرجع يشبك
والاخر يقول يمكن الجربوكس ولا ادري وش الحل
وانتم عارفين ان قير الهوندا اكورد وخاصه 6سلندر صعبه تحصله بسهوله
وخاصه اذا كنت تبي القير ينفك قدامك من سياره تشليح
وانا ابي رايكم وعلى قولتهم من سأل ماتاه
ولا تحرموننا من تجاربكم
والله لا يوريكم مكروه لا بسياره ولا غير
وشكراا
.
:confused:

وينكم ياشباب لا ردود ولا شي ....!!

إهمال تغييز زيت ناقل الحركة الاوتوماتيكي بانتظام يؤدي إلى إهتراء صحون الكلتشات الداخلية , مما يؤدي إلى تأخير التبديل وتفويت في ناقل الحركة
وإذا كان تغيير زيت ناقل الحركة منتظما , فمن المحتمل أن تكون المسألة كهربائية ومسألة حساسات أكثر مما أن تكون ميكانيكية

وسوء الاستخدام له أحكام أخرى

يعطيك العافيه اخوي لكن من ناحية الاستخدام مره محافض والسياره اساساً مامشت الا 80 الف بس وتغيير زيت القير منتظم ..
وانا سبق وكشفت كمبيوتر بس حسيت ان كشفهم بالورشه ماله داعي مايعرفون شي لاني حسيت انه مايدري وش فيها وقالي اتوقع الكلتشات والي معروف ان الكلتشات ماتبين بالكمبيوتر ..!
واذا تعرفون ورشه بالدمام يكشفون كمبيوتر دلوني ..
انا فكرت اني اغير فلتر الزيت الداخلي فقط واجرب لانه قالي واحد من الشباب اذا كان وسخ الفلتر يكون تدفق الزيت فيه ضعيف وهذا سبب ان القير يفضي او ثقيل في التبديل ولا ادري وش اسوي ...؟

ياشباب الي يعرف تشليح يوجد عنده قير والاهم من ذالك انك تفكه انت من السياره الي بالتشليح
يدلني جزاكم الله خير
والي يعرف ورشه بالمنطقه الشرقيه توضب القير يقولي لاني اكتشفت ان المشكله كلتشات القير
ورحت لورشه سبق ان الاخوان قالو عنها بالخضيريه والي شغال فيها اسمه اقبال هل هي ورشه جديه او لا
عطوني رايكم ياجماعه

صباح الخير
كيفكم ياشباب .. اشنالله بخير
انا توكلت على االله وغيرت الكلتشات كامله وبعد عناء شديد المهم رحت اطلع السياره واجربها طلعت نفس المشكله :confused:
وبعد كذا انلحس الفلبيني وركب المدير حقهم وشاف المشكله وقالي هذي مشكله في الرمان داخل القير بس انا ماعرف اي واحد قال
رمان في احد من التروس واستغربت قلت هل السياره اذا دعست بقوه يفضي القير هل هو من الرمان على قولته
المهم الي صار انه بيتحمل كل شي لانه عليه ضمان وهذي غلطته مو غلطتي ..
وانشالله يكون منها ونفتك من هالسالفه
الي ابيه ياشباب هل الرمان في احد التروس له دخل في ان القير يفضي وانت داعس بقوه وبعدين يشبك ولالا ...؟
عطوني رايكم للي عنده الخبير او مرت عليه المشكله
ومشكوووووور

الرمان يطلع صوت ونة

قير الهوندا يا اخي المفروض ما يوضبها اي احد

لها وزنية في تركيب الكلتشات والتروس وايضا البريك باند

على الممشى 80000 كيلو وتغير زيت القير بانتظام ودامك تغير زيت هوندا فمن النادر جدا انه يصير مشكلة في الكلشات

والرمان مهما كان يطلع صوت ونة واذا مكسور وهذا نسبة حدوثه هي 0.05 % فما راح تمشي معك السيارة مضبوط غير صوت القرقعة تحت في القير

كان المفروض تبدا بالابسط في حل المشكلة

1- تغيير الزيت مع الفلتر

2- كشف الحساسات وان لزم استبدالها مع انه تنظيفها يحل كل شي

3-الكشف على برمجة الثروتل بدي وحساساته في الوكالة واعادة البرمجة قيمته 250 ريال

ولا قير ينزلونه على ممشى 80000 الا اذا كان عيب مصنعي او تستعمل زيت غير زيت هوندا فهو شي نادر خصوصا لقير الاكورد

والله وانا اخوك نفس المشكله بالظبط تقول انه هذي سيارتي
وسيارتي موديل 2005 وماخليت ورشه وقالوا مانعرف والمشكله لها اكثر من سته شهوور
وفحصت بالوكاله وقالي توضيب !!!! وانا مااقتنعت بكلام الشركه ولين اليوم وانا ادور حل
تكفى وانا اخوك اذا لقيت حل قلي تكفى

مشكور اخوي بلال
لكن انا بقولك شغله القير مافيه صوت ونه ولا فيه ابد من الي قلته لكن الي صار صار بدلنا الكلتشات كلها وبعد ماخلص واخذت السياره اجربها مشيت تقريباً 40 وبعدين عطيتها دعسه بقوه طبعا كانت السياره بالنمره الثالثه لكن يوم رجعت بسرعه فضى القير وصار امبير الضغط على 6 ورفعت رجلي شوي وتحس انه شبك ومشت السياره بسرعه قالي هذي شغله مادري بالضبط وشي بس انها مثل البلف او شي يمر عليه الزيت مع التبديل السريع وشكلها خربانه وعلشان كذا الزيت مايتحرك بسرعه لما تدوس ويسببلك الفضاوه هذي ..
من ناحيت التشييك شيكت كمبيوتر على الحساسات وقالو لي كلها اوكي
قلت ابي اغير الفلتر الخارجي قالي راعي الورشه ماله دخل هذا مثل الصفايه للزيت وانت اللحين مغير الزيت جديد لكن هل الثروتل بدي وحساساته لهم شغله بفضاوت القير ..؟
والمشكله الاكبر عجزت احصل قير سته سلندر الي احصله يكون من اليابان او الامرات وهذا ماينجح لانه القاعده تختلف وبرضو الحساسات بعضها ماتركب عليه تطر انك تغير نفس الفيش
وانا الي ابيه قير ينفك من نفس السياره سواء تشليح او غيره علشان اتاكد ان القير مو موظب والي يقولك فيه تشليح وعنده التشليح نفسه ياخذ الرجيع ويصلحه ويبيعه من جديد والمشكله الاكبر انها ماسوت كذا الا يوم تعدت الضمان وصارت ماشيه 90 بس قهر
لكن ما نقول الا الله يسهل علينا والحمدلله على كل شي << متاثر بالمسلسلات :)

اخوي مالك الا تروح للتشاليح عندكم وتشوف الاكوردات و تشتري قير كامل

( واحد من اخوياي شرى قير كامل اكورد 2007 من التشليح وركبه على اكورد 2003 ومشت معه )
كلفه القير كامل حوالي 1700 ريال و التركيب في احد الورش المختصه بهوندا كلفه التركيب حوالي 500 ريال

وهذا في الرياض بس عندكم ما ادري والله و الله يعينك

و اتمنى اني افدتك :)

يسلمووووووو اخوي دحوم
بس تعرف وش المشكله دحوم انا عارف ان القير مو راجع مثل اول لكن عجزت احصل قير في التشليح سته سلندر اغلب الي احصل او الي دلوني عليه الشباب يكون جاي من الامرات او اليابان وهذا ماينجح انا الي ابغاه قير ينفك من سياره في التشليح واركبه انا واذا عندك اي معلومه عن رقم تشليح يكون عنده طلبي دلني عليه وماقصرت

انا شرحت بالتفصيل القير الاوتو في الموضوع هذا وهو معقد لكن هوندا تختلف واعطالها قليلة حتى الستة سلندر

فيها شي واحد بس بالنسبة للستة سلندر ان مجموع الكلتشات للريوس هو نفسه يستخدم للغيار الخامس وغيره فهي كاملة

اللي يقولون لك عليه بلف وصمامات لها تحكمين في هوندا وقفلين لكل قفل واحد يدوي والاخر كهربائي لذلك تسمع طق لما تعشق

والصمام يكون ضعيف في الاقفال في حالات معينة اذا نوع الزيت غير جيد اذا كان غير زيت هوندا او ان الزيت ناقص جدا او خلل في الحساسات وايضا حساسات الثروتل او حساس الدواسة اللي موجودة عند دواسة القدم في موديل 2007 وقد تكون برمجة الكمبيوتر نفسه

الخلل اللي عندك اعتقد خلل مصنعي فقط

هنا شرحي للقير الاوتو في جميع سيارات العالم للمعرفة وطبعا قير الهوندا مقارب للعمل هذا انما اكثر تعقيدا ويميل لاستخدام التروس وكانه قير عادي

مهم : (حصري) كيف يعمل الغيار الاوتوماتيكي حقيقة -شرح كامل- - منتدى السيارات

ما اطول عليكم ندخل بالموضوع على طول ...
انا واجهتني مشكله بالقير ويمكن سبق والاخوان تكلمو عنها او صار لهم نفس المشكله
الي هي ان القير عندي اول ماتمشي السياره ويبدل الاول وبعدين بين الاول والثاني كنه وده يعشق وبعدين يعشق يعني
مسالت ثانيه او ثانيتين بسيطه هذي اول نقطه

اخوي بعد التحيه انا عندي هوندا اربع سلندر نفس المشكله في التغيير مع تلاعب عداد الهواء شي خفيف جدا حتى وانت ماشي بالسياره 100 او 160 تحس تقطيع خفيف جدا ومحتار وش سوى فيها,,,,تعبتني في التبديل وانت ماشي على مهلك كل شوي يبدل بسرعه وبصراحه انا شاك في فلتر الزيت الخارجي لاني مشتري السياره مستعمل ومدي وش مغير فيها,,, هذا اضافه الى رجه كراسي الماكينه وصوت الشكمان المزعج والآصوات الأخرى علما بان موديل السياره 2007 وماشيه 160 الف .

الحمدلله تم توظيب القير والسياره ماشيه حلووو وانشالله يكون ناجح لكن فيه شغله طلعت لما يكون السياره واقفه يوم كامل وبعدين اشغلها يطلع صوت طقطقه بالمكينه خفيفه ولما سالة عنها قالو هذا السير الداخلي لازم يتغير كل 100 الف هو والشدادات وطرمبة المويه هل هذا صحصح ..؟
وهل اغيرها بالوكاله وكم السعر تقريباً ..؟ او اشتري قطع الغيار واغيره بورشه مختصه ارخص ..؟
عارفع اشغلتكم شوي :d

أخوي عندي نفس المشكلة غالبا تجي اذا صارت السيارة بارد شوي ...
رحت الوكالة قالوا وضب القير . أو غيره . علماً أنها أكورد 2007
في تشاليح بريدة بـ 5000 مع التركيب والرجيع وضمان 10 أيام .
والوكالة 17.000 <<< قيمت السيارة
وفي وكالة الإمارات 25.000 درهم قبل الخصم .
وبعد الخصم 19.000 درهم

الموضوع محذووووف