مشكلة في قير الاكورد 2012
مشكلة في قير الاكورد 2012
السلام عليكم ..
عندي سيارة هوندا اكورد "اسبشل" موديل 2012 ماشية 16 ألف كم ،
وشاريها بـ 95 ألف ، ومواضب على صيانتها في الشركة ،
بعدما عملت صيانة الـ 15 ألف كيلو ، في فرع الميناء بجدة ،
اكتشفت تهريب في زيت القير ..
وفني الشركة في البداية قال التهريب من الصوفة وعشان نغيرها
لازم نفك القير ، ويبي لها ثلاثة ايام ، ومهندس الاستقبال قالي
المشكلة بسيطة ، والتهريب خفيف ، والزيت ماينقص وراح نغيرها لك
في صيانة الـ 20 ألف تحت الضمان ..،
وبصراحة قلقت ، ورجعت لهم بعد اسبوع ، وقلت لهم غيرو لي الصوفة ،
وفعلا دخلوا السيارة ، وجلست السيارة عندهم ثلاثة أيام ،
وبعدها بلغوني ان التهريب من "وجية القير" ، والقطعة مو متوفرة ،
وطلبناها من دبي ، واستلم سيارتك ، واذا وصلت القطة راح ندق عليك ،
عشان نغيرها لك ...
طبعا خلال الثلاث ايام هذه استجارت سيارة بـ 600 عشان الدوام ،
وطبعا راح استأجر سيارة مرة ثانية اذا وصلت قطعة الغيار من دبي ..
وعندي كم استفسار وياليت ياخوان تفيدوني فيها لاني مو واثق من الوكالة :
*** هل التهريب هذا راح يسبب مشكلة في القير ،لاني الحين بستخدمها للدوام ،
وانتظر لين توصل القطعة ، المشي راح يضرها ، ..؟!
ومتى المفروض اشيك على عيار الزيت ، يعني يوميا ، والا اسبوعيا ..؟
وبالنسبة لتغيير وجيه القير ، يعني راح يفكون القيرات الداخلية ، والا لا ..؟!
*** وهل انا ملزوم اشيك على زيت القير ، والا اتركها ، بما ان الشركة
هم السبب في تأخير الاصلاح ، ولو صار شيء بالقير هم المسؤلين عنها ..؟!
واذا غيروا لي الوجية وهربت زيت مرة ثانية ، المفروض يغيرون لي قير جديد ،
والا يغيرون الوجية مرة ثانية ..؟!
وخلال فترة الاصلاح الثالثة المفروض يعطوني سيارة ايجار والا لا ..؟!
لاني انا دافع لهم حقهم كامل ، والمفروض القير مايهرب والسيارة جديدة ،
الوكالة مو خسرانين شيء لانهم بياخذون تعويض من الشركة المصنعه ،
انا اللي قاعد اخسر لاني احتاج سيارة ادوام عليها ...
وكيف اعرف ان القطعة موجودة بالوكالة والا لا ..؟
بصراحة حاس انهم يكذبون عشان عندهم زحمة سيارات ،
ويبون الزحمة تخف ، وبعدين يصلحون لي السيارة ...
على فكرة كم سعر وجه القير ..؟!
بصراحة انا خايف من السيارة وقلقان ...
ويعطيكم الف عافية ...
