عرض للطباعة
بسم الله الرحمن الرحيم
اخواني اعضاء هذا المنتدى ...
انا اخوي عنده اكوورد 2007 4 سلندر
قبل العيد بيومين بدت تصب موية من الشكمان إذا شغلها ويطلع صووت (( طرررر )) مع صوت مويه <<زي اللي غرقان
فياليت لو تنصحوني وش نسوي فيها وهل صارت لاحد قبل
مع العلم ان الاستخدام عليها خفيف ومهوب ثقيل
وياليت لو تعطوني افضل ورش
انا ساكن في الرياض شرق ...
وجزاكم الله خير
الماء يدل على نظف المكينه ياغالي ماشاء الله :)
ماشاء الله
تبيع >>>> اما انك شريطي او حسودي
طبعا معروف الموية تدل على نظافة المكينة ولاتخاف ابد
المكينة اذا كان فيها خراب تطلع دخان وعلى حسب لونه ينعرف وش هو الخراب
لكن كذا انشاء الله انها تماام
والله يباركلكم فيها
يعتبر خروج الماء من الشكمان شي طبيعي جدآ والمعروف أنه يزيد في فصل الشتاء لأختلاط الهواء الساخن عند التشغيل بالهواء البارد الموجود داخل الكنداسة ولكن حصول ذلك في فصل الصيف فيعتبر شي غريب
على العموم هو طبيعي جدآ ولكن حاول تفحص السيارة والأهم بخصوص الصوت الملاحظ عليها ليطمئن قلبك
ملاحظة :
1- أفحص ماء الراديتر وهل ينقص عندك
2- تأكد هل يوجد زيت مخلوط بالراديتر مع الماء
3- تأكد من الزيت في المعيار هل يوجد ماء مخلوط مع الزيت
تأكد من كل شي فقد يكون لديك خلل في قازقيت رأس الماكينة ويتسبب بدخول الماء للماكينة ويختلط مع الزيت ويخرج من الشكمان
اقتباس:
المشاركة الأصلية كتبت بواسطة المباشر
+ تابع الحرارة ترتفع لو لا
+ غطاء زيت المكينه هل فيه مادة حليبيه
غريبه موديل 2007 و إطلع ماي
اشكركم جميعا على الرد
والحمد لله ريحتوني الله يريحكم
بس ترى المويه تصب صب مهوب تنقيط << يعني اقوى من التنقيط بشوي
من المفترض ان ينقطع تنقيط الماء من الشكمان بعد سخونة مكينة السيارة ووصولها لدرجة حرارة التشغيل الطبيعية فإذا استمر تنقيط الماء بعد ذلك او ظهور بخار مستمر فهذا يدل على تهريب في وجه راس المكينه وهذا يجب إصلاحه سريعاً افضل قبل ان تتفاقم المشكلة وتضر بالمكينة ,,,
اما اذا انقطع تنقيط الماء من الشكمان بعد ووصول المكينة لحرارة التشغيل الطبيعية وعدم ظهور بخار ماء فلا خوف من ذلك وهذا الامر يدل على نظافه المكينة وإحكام الصمامات 100% ماشاء الله تبارك الله
تحياتي
اشكركم جميعا على الرد
والمشكله ان الشكمان يصب مويه إذا احتمت السيارة ...
سارع بعرض السيارة على ميكانيكي متخصص بالهوندا افضل