عرض للطباعة
السلام عليكم وشهركم مبارك وكل عام وانتم بخير
اخواني انا ابغى استشيركم في شراء السياره طبعآ انا رحت الوكاله علشان العرض وحسب لي الموظف قيمة السيارف اكورد فل كامل ب 95700 دفعه اولى 20000 ودفعه اخيره26000 وقسط 1325 المجموع الكلي 126000
فما ادري ياخوان وش رايكم ونصايحكم والله محتار كثير وماعندي خلفيه عن ذا الشي وانا محتاج السياره فما ادري هو السعر مناسب واذا فيه طريقه ثانيه بتكون بحسبه اقل ياليت تساعدوني ل؟أن حاولت اخذ تمويل بنكي بس ماراح يكمل المبلغ علشان الراتب قليل 3000
وكل عام وانتم بخير
وأنا اخوك ما دام راتبك قليل خذها مني نصيحة من القلب
العشرين اللي بتدفعها دفعة أولى تسلف عليها عشرة أو عشرين على حسب إمكانياتك
واشتر لك كامري نظيفة وقسط المبلغ اللي تسلفته خلال سنة أو سنة ونص بالكثير
بعدها بتصير السيارة لك ويبقى راتبك كامل بدون ديوووون
ولا تورط نفسك بديوووون لخمس سنين قدام عشان سيارة
خذها مني نصيحة وصدقني ما راح تندم أبدا أبدا
والله حراااااام تدفع نص راتبك شهريا لمدة خمس سنوات جاية عشان سيارة
والله هالنصيحة اقولها من كل قلبي وما ارجي وراها الا الخير لك ولغيرك
وان شاء الله ربي يدلك على الطريق اللي فيه خير ...
انصحك اخوي ابعد عن العرض ومثل ماقال صمت البوح لاتلتزم بقرض 5 سنوات على سياره والله ماتستاهل
موديلين ويتغير شكلها على 2013 ينزل الشكل الجديد .. وانت باقي تقصد وماكملت حتى النص
وزياده ياخذون فوائد خياليه بهذي القيمه اطلع لكزس ... انصحك تاخذ مستعمله تحصل نظيف ان شاء الله دور بس انت وتحصل
صاحبي جلس يلف معارض جده طول شهر كامل الى ان حصل وحده سبشل نظيفه ماشاء الله بـ 58 الف اشتراها
ولاتنسى انها ايجار منتهي تمليك مافيها بركه والله .. واسئل اي احد معاه ايجار منتهي بتمليك كل يوم يصدم فيها
زبدة الكلام لاتضغط على نفسك ونص الراتب يروح على شي مايستاهل ..والمعذره على الاطاله .. والله يكتب لك اللي فيه الخير
وعليكم السلام ورحمة الله وبركاته
الشهر مبارك علينا وعليك وعلى أمة محمد اجمعين يارب
كل سنه وانت طيب
ما ازيد على كلام الشباب اللي قبلي
فعلا حرام اللي انت ناوي تسويه
وبعدين الأهم من هذا كله هوا اسعار صيانتها المرتفعه
يعني كل اللي بيبقى من راتبك 1600 ريال
هل بتكفيك لأكلك وشربك وبنزين وزيت وصيانة واقمشه و وو و
غير هذا كله انت بتقسط شي حرام
الإيجار المنتهي بالتمليك حرام شرعا ولابركة فيه
الله يعينك على اتخاذ القرار الحكيم والمناسب
:)
مشكوووووووووووووورين ياخوان وكلامكم على عيني وراسي وانا والله مقدر حرصكم بس انا عانيت من المستعمل كثير وودي اشتري هوندا ع الزيرو وزي ماتقولو الحب اعمى وماودي والله كل ماشفت اكورد اجلس اتحسف ان ماعندي زيها واخنق نفسي والسياره بتكون معي اقل شي 5 سنوات وسؤالي وين احسن طريقه اقدر اشتري منها السياره البنك.... الوكاله...الشركااات... الخ
علما ياخوان ان الراتب ماراح يكون ثابت يعني كل سنه بيزيد حدود ال400 تكفون ابي مساعدتكم وشوركم والله تبهذلت بدون موتر وخاطري بالهوندا
خلي البنك ياخذها لك من المعارض لانها بتكون ارخص من الوكالة ب ٣٠٠٠ او ٤٠٠٠ وهذا في صالحك
خليك مع البنك لكن لاتاخذ اقساط من الوكالة او شركات التاجير
اقتباس:
المشاركة الأصلية كتبت بواسطة البراك
ألف شكر اخوي انا لما رحت الوكاله قالولي انهم بيطلعوها عن طريق الراجحي اللي هو راتبي نازل عليه
ياليت اللي طلع السياره يقول لنا احسن طريقه وتكون التكاليف اقل
والله نصيحة خذ سيارة ارخص مثل كامري او التيما ولا تحمل نفسك فوق طاقتها
اقتباس:
المشاركة الأصلية كتبت بواسطة احبك يالاكورد
شاكر لك حرصك بس والله ماودي بالكامري حتى لو قيمتها كاش معي ياليت تدلوني بارخص واحسن طريقه لشراء اكورد جديده
حاول تمر على اوتوستار دايم عندهم عروض حلوة
وبالتوفيق
اقتباس:
المشاركة الأصلية كتبت بواسطة accord790
مشكوووووووووووور اخوي بس هل نسبتهم قليله
وعليكم السلام ورحمه الله وبركاته
اولا
ابعد عن الكامري ولاتفكر فيها ابد
ثانيا
لاتاخذ اي سياره بنظام التاجير (ممكن السياره بعد فتره ماتناسبك وتكون معلقه لاتقدر تبيعها واذ ا بتسترجعها الى الشركه بيطلبون منك مبلغ وقدره )
ثالثا
اسال على نسبه الربح في بنك الراجحي
اللي اعرفه انه بياخذ نسبه 4% بس انت تاكد رح اسال الموظف عن نسبه الربح وهل النسبه تتزايد والا ثابته يعني مثلا اول سنه يا خذون 4 %ثاني سنه ياخذون 4.5%
وشوف البنوك الاخرى واسال عن نسبه الربح
لان فيه بنوك تاخذ نسبه الربح 2.69 ثابته
رابعا
الفرق بين الاكورد فل كامل والسبيشل
الجنوط 17 وكشافات ضباب يعني ماهو داك الفرق اللي يخليك تدفع 96000
خامسا <<< مسك الخط السريع
انا مثلك ابي اطلع اكورد
استشرت ملاك الاكورد ونصحوني بالسياره
سقت السياره ماشاء الله تبارك الله رساوه بالخط +اقتصاديه في صرف البنزين
مشكلتها الوحيده على كلام اكثر الاعضاء
الفحمات او الاقمشه الخلفيه تنتهي بسرعه
نصيحه اخيره
لاتقع في فخ المواصفات (المفتاح الذكي +وانظمه صوت وتسع سماعات وبلوتوث وكاميرا خلفيه وشاشه ملاحه ) وتنسى الجوده (هوندا)
بنك الرياض
بنك الرياض اقل نسبة ..
وانا الحين اسوي معاملتي عندهم .. والله يوفقنا اجمعين
^^
من قال ان الفرق بين السبشل والفـل الجنوط والكشافات
في فرق بين السما والارض
والـ 10 الاف الفرق بينهم والله شوووي
الفـل (مسكات كروم - جنوط 17 - مسجل 6 سيديات - مكيف الكتروني - مرايـا قابله للطي كهربائيـاً - مرايا قابله للتعتيم
اللي داخل السياره - الديكور الداخلي افضـل من السبشـل - المرتبه حق السواق كهربـاء ..الخ)
علعموم ياراعي الموضوع انا مالي علم بهالاشيـاء
لكن انت شف وش اللي فيه مصلحتـك وسوه
/
تحيتي
آخووي آسمع نصيحتي آدآمـ رآتبك 3
تعبرررر لو ع تيرسل وخل الخنبقه الزآيدهـ ع غر سنع
لآآآآآ يعميييك شكل الاكورد ترآ عيوبهأآإ وآجـد
آكثرنآ مآحس بسرعهآ لهآ يمكن تكون قطه آو مسآعدك آحـد
آمـآ آنت بتقعد خمسه آسنن قدام عآشن ع 1500
فكررررررررررر زين وستخير ربك
ويآرب يوفقك
انا ضد فكره الدين لمده خمس سنوات عشان سياره خصوصا الراتب مايكفي واسئل الله ان يرزقك من خيري الدنيا والاخره
اما اذا كنت ملزم
فعندك بنكين الاول الانماء والثاني البلاد
واحد منهم يشتري السياره لك ويكتبها باسمك بعد وهذا مايميزه عن غيره
وانت تقصده وهم اقل نسبه
بس لازم تحول راتبك عليهم
اتصل عليهم وشوف اي واحد منهم
والله يكتبلك كل مافيه خير لك وصلاح
اطيب الاماني
ألف شكر ياأخوان والله احس اني اقتنعت برايكم وشكلي بافكر بالاسبشل للانه مقدور عليها بالدف بعد وبابعد عن كسرة الضهر والديون والاسبشل حلوه مافيها شي(يحاول يقنع نفسه بقوه)
انشاء الله ربكم يسهلها
ا
اسمع اخوي ترا اوتو ستار عندهم نوع واحد سبيشل وسعرها اقصاد 126000 الف ريال شوف السعر ذه
وانا مطلعها من الراحجي فل كامل مخمل ب سعر 115000 الف ريال وعليها شويت مئات واستلمتها يوم 4/9 والسيارة ما عليها كلام بس عزمها لك عليه المهم انا اقسطها 1909 ريال
اقتباس:
المشاركة الأصلية كتبت بواسطة فهودي 2010
كم حسبلك الراجحي السياره كاش وكم راتبك